الميجان مش بتدور و مكتوب Steering Fault

[wmadkour]

السلام عليكم يا وحوش الميجان
عربيتي ميجان 2009 النهاردة الصبح جيت أدور و راسها الف سيف متدورش و بتديني رسالة steering fault ولمبة ستوب بتنور ، الفكرة ان الباور شغال عادي و الدريكسيون مش تقيل و شغال و لما بشيل الكارت بتقولي Steering not locked كلمت م. عمرو في المقطم قالي جبهالي علي و نش أو نبعت ناخدها و م .محمود من فرنش الرحاب قالي هي ممكن يكون فيوز ضرب بس في سبب خالاه يضرب فلازم أجيبها، قلت أحاول أغير الفيوز علشان أدورها ، المهم فتحت مانويال الصيانه لقيت في فيوز 5أمبير في علبة القيزات 1337 في الموتور و وواحد تغذية تاني في العلبة 777 تحتها
يا تري حد حصاله كده قبل كده و تنصحوني بإيه
تحياتي لكم

[eng.salama93]

متابع

[Hany Saad]

عيب معروف فى الميجان II.....
ده قفل عامود الدريكسيون بالسلامة كده....Steering Lock
هيغير القفل و كله هيبقى تمام بس أعتقد تمنه عالى حبتين.....

[medori]

السلام عليكم يا وحوش الميجان
عربيتي ميجان 2009 النهاردة الصبح جيت أدور و راسها الف سيف متدورش و بتديني رسالة steering fault ولمبة ستوب بتنور ، الفكرة ان الباور شغال عادي و الدريكسيون مش تقيل و شغال و لما بشيل الكارت بتقولي Steering not locked كلمت م. عمرو في المقطم قالي جبهالي علي و نش أو نبعت ناخدها و م .محمود من فرنش الرحاب قالي هي ممكن يكون فيوز ضرب بس في سبب خالاه يضرب فلازم أجيبها، قلت أحاول أغير الفيوز علشان أدورها ، المهم فتحت مانويال الصيانه لقيت في فيوز 5أمبير في علبة القيزات 1337 في الموتور و وواحد تغذية تاني في العلبة 777 تحتها
يا تري حد حصاله كده قبل كده و تنصحوني بإيه
تحياتي لكم

دى اول مشكلة حصلتلى مع الميجان، للأسف دة عيب تبع طقم الدوارة، ممكن فيوز أو لوك دركسيون او الUCH. انت محتاج تروح لحد يكون شاطر فى الميجان عشان طقم الدوارة استيراد بحوالى 2300 و اللوك بتاع الدركسيون بحاجة قريب من كدة برضة، فلازم تتأكد ان مفيش فيوز ضارب و هو اللى عامل القلق دة قبل ما تنجرح فى حاجة جامدة.

بص على الموضوع دة، دة الموضوع اللى كنت عاملة ساعتها http://www.nilemotors.net/Nile/30413...ng-locked.html
ربنا معاك و الموضوع يكون بسيط

[wmadkour]

دارت وقلت أجربها و أحاول أدورها تاني مرديتش ، قلت أسأل علي ال Electronic steering lock (شكراً جداً ل Meggyboy) لقيتها ب 6000 جنيه ، إيه الأستهبال ده ، ليييييييييييييييه ، فيها إيه يعني توجيه قمر صناعي
كده مالهاش حل غير إني أجيب التوكيل يكشفوا عاليها تحت البيت ممكن يكون الفيوز إلي بيغذيها !!!
ولا إيه رأيكم ؟

[wmadkour]

دى اول مشكلة حصلتلى مع الميجان، للأسف دة عيب تبع طقم الدوارة، ممكن فيوز أو لوك دركسيون او الuch. انت محتاج تروح لحد يكون شاطر فى الميجان عشان طقم الدوارة استيراد بحوالى 2300 و اللوك بتاع الدركسيون بحاجة قريب من كدة برضة، فلازم تتأكد ان مفيش فيوز ضارب و هو اللى عامل القلق دة قبل ما تنجرح فى حاجة جامدة.

بص على الموضوع دة، دة الموضوع اللى كنت عاملة ساعتها http://www.nilemotors.net/nile/30413...ng-locked.html
ربنا معاك و الموضوع يكون بسيط

ربنا يكرمك علي الرد
و لو أنه صادم، بس سؤال مين يشخص العيب ، و حدة الصيانه المتحركة تقدر ؟ أنا مش عايز أنقلها بونش لحته لغاية م أستقر هعملها فين
شكراً تاني علي ردك

[wmadkour]

واضح إن حل المشكلة يا أحمد بك مع مومو ، ممكن طيب نمرة تيلفونه أسأله أعمل إيه أو أروح لمين أحسن 6000 جنيه أو حتي 2500 جامدة أوي

[wmadkour]

ممكن نمرة تيلفونك أكلمك يا أحمد بك medori شكلك عند فكرة أبدأ منين لو مفهاش إزعاج

[wmadkour]

طب يا جماعة الخير أنا نزلت أجيب WD40 علشان أفك علبة الفيوزات بكرة

شغلت إشتغلت !!!!!!

رحت جبت و رجعت تحت البيت قاعدت أشغل و أطفي إشتغلت و طفت 4 مرات

أيه رأيكم ؟

أخدها عند حد يكشف بكرة عليها بالكمبيوتر يتأكد إن مش steering lock unit هيا إلي بايظزة ؟
طيب هل فيه حد تاني في الحرفيين غير فرنش موتورز عنده الجهاز ؟

فيدوني بخبرتكم أكون شاكر

تحياتي

[MoustafaElfaek]

طب يا جماعة الخير أنا نزلت أجيب wd40 علشان أفك علبة الفيوزات بكرة

شغلت إشتغلت !!!!!!

رحت جبت و رجعت تحت البيت قاعدت أشغل و أطفي إشتغلت و طفت 4 مرات

أيه رأيكم ؟

أخدها عند حد يكشف بكرة عليها بالكمبيوتر يتأكد إن مش steering lock unit هيا إلي بايظزة ؟
طيب هل فيه حد تاني في الحرفيين غير فرنش موتورز عنده الجهاز ؟

فيدوني بخبرتكم أكون شاكر

تحياتي

عالم الرينو
جنب مركز القاضى

[MohammedAladel]

بغض النظر عن العطل والمحتمل من تجارب الأعضاء السابقة أن يكون إما لوك الدركسيون أو إحدى التوصيلات الكهربائية ولوك لا يباع منفرداً على قول بعض الأعضاء مثل شريط الإيرباج بل يباع كاملاً عمود الدركسيون هذا والله أعلى وأعلم
ومن الواضح أنك قرأت ملف الصيانة الخاص بكهرباء السيارة علبة الفيوزات تحديداً وفى الغالب يتحدث عن علبة فيوزات ميجان 2 موديلات 2005 و 2006 وميجان 2009 علبة فيوزاتها مختلفة ولم أجد لها ملف توضيحى للصيانة حتى الآن ......
يوجد أسفل علبة الفيوزات بحوض المحرك حوالى 7 فيوزات تقريباً على ما أتذكر وهم ثابتون فى كل موديلات ميجان

أنصحك بقراءة هذا الموضوع رغم أنى شخصياً لا أظن أن بها مشكلة عندك والله أعلى وأعلم

http://www.nilemotors.net/Nile/363910-a.html

بالتوفيق
Press ENTER to look up in Wiktionary or CTRL+ENTER to look up in Wikipedia

[wmadkour]

أولا احب اشكركم كلكم واحد واحد علي ردودكم و اطمنكم ان المشكلة اتحلت
نزلت تاني يوم معيا العدة بعد ما قريت المانويل و موضوع فك علبة الفيوزات ( ربنا يكر م صاحب الموضوع ، فعلا اضافة مميزة) لقيت ان الكهربا متوزعة كالاتي
البطارية مدية للفيوزات الرئيسية و ده مشط فيه سبع فيوزات تحت علبة الفيوزات الي في الموتور و فيوزاته كبيرة و امبيرتها في رنج ٥٠ ل ٨٠ امبير و تحديدا الستيرينج بياخد الباور من فيوز رقم ٦ و هو ٧٠ امبير اخضر و الفيوز ده بيدي علبة الفيوزات اللي فوقيه اللي بتوزع علي الباور ستيرينج و اللوك
الباور ستيرينج و اللو بياخدو من فيوزين ٥ امبير عن طريق مش لونه بني
يعني شغلك كله لو حصلتلك المشكله كالاتي:
١- تبدأ تفك علبة الفيوزات و دي بتاخد شغل ربع ساعة
تفك الاواتيش بعدين مسامير قاعد البطاريه بعدين مسامير وحدة الكونترول اللي ورا البطارية بعدين مسمار اللي رابط كابلا ت الدخل في البطارية و ده مشروح في موضوع فك علبه الفيوزات بس للسرعة مالهاش لزمة تفك كابلات وحدة الكنترو ل
هتنطر علبه الفيوزات من مكانها و تطلع الفوز رقم سبعة تتاكد ان سليم و تسنفره و تدي سبراي و تحطه و هو ده كان المشكله عندي
٢ اتاكد من الفيوزات الخمسه امبير و نضفها و سنفرها و دخلها تاني
٣ الخطوة الاخير دي معملتهاش لاني العربيه كانت اشتغلت انك تفك المشطين البني لانهم ممكن يكونوا السبب و تنضفهم و ترش wd40 و ترجعهم بس هما عايزيين حرص علشان مافيش pins تكسر في البورده
بس كده و ترجع تربط و تدور
انا قبل ما اعمل كل ده فكيت غطا الفيوزات و هزيت الفيوز رقم ٦ ال ٧٠ امبير لانهم بيقوا بينين و العربية اشتغلت، تقريبا كان عايز تنضيف

مره تانيه بشكركم كلكم علي مساعدتكم الهايله