استفسارات لملاك الفلوانس الفيس ليفت!

[Dr.a.osman]

السلام عليكم
أن شاء الله أنا استقريت أجيب الفلوانس الفيس ليفت أعلى فئة بس عندى كام استفسار كده ياريت تفيدونى ياجماعة:
1- أخبار السحب و العزم بتاع الموتور ايه؟ وهل صحيح الموتور صوته بيبقى عالى حبيتين بعد ال 120 كم؟
2- التكييف!! ايه الأخبار؟ هل بيأثر على سحب العربية بشكل كبير؟
3- أخبار العزل ايه؟
شكرا مسبقاً

[mostafa magdy]

أختيار موفق يا دكتور ..
السحب زي ما بقول لكل اللي بيسأل .. هتحسه كويس جدا لو حضرتك راكب أوروبي قبل كده .. بيبقي لحد ال 50 مش مرضي بعد ما بتفتح بيكون كويس أوي معاك .. و ليا شخصيا مرضي جدا .. و هي سياره عائليه في المقام الأول وواضح علي تصميمها ووسعها الداخلي .. فمش مصممه لشد و جذب و كده .. لكن هتشد معاك و تاخد بيها غرز صعبه أوي .. مش هتخذلك .. لما كنت بطلع عن 120 أنا شخصيا مكنتش بحس بصوت عالي ولا اي حاجه .. السحب بتاعها بيتحسن بعد ال 3000 إلي 5000 كيلو .. و لما ربنا يكرمك و تجيب بها 10000 و تغيير زيت ساعتها قول لنا عان هنقولك حط زيت محترم زي كاسترول إيدج أو أي حاجه تثق فيها غير توتال .. الناس اللي جربته قالوا السحب أتحسن أوي


النقطه التانيه ..
للاسف التكييف ملحقتش أجربه لأني راكبها من شهر 11 .. بس الناس اللي جربته قالوا كويس أوي .. و هو مكبس ياباني .. و التكييف في الياباني أعتقد مش محتاج أتكلم عنه .. أعتقد هيبقي مرضي جدا إن شاء الله و مش هتجس بقرق في السحب معاه ..

النقطه التالته ..
العزل ممتاز .. يكفي إني أقول لحضرتك أنه افضل من الاوكتافيا ..

بالتوفيق ..

[برنس الليالي]

زي ما الاستاذ مصطفى قال هي في المقام الاول عائلية ولو كل غرضك السحب والعزم خليك سيراتو اعلى فئة او كورولا فل اوبشنز والعربيتين دول واسعين بردو من غير اي مشاكل

اعتقد ان العزل و التكييف افضل في الفلوينس .. في امان الله

[miceg]

ضيف على ذلك علوها عن الارض وتجنب المطبات والبلاعات اللي فبلدنا

[Dr.a.osman]

أختيار موفق يا دكتور ..
السحب زي ما بقول لكل اللي بيسأل .. هتحسه كويس جدا لو حضرتك راكب أوروبي قبل كده .. بيبقي لحد ال 50 مش مرضي بعد ما بتفتح بيكون كويس أوي معاك .. و ليا شخصيا مرضي جدا .. و هي سياره عائليه في المقام الأول وواضح علي تصميمها ووسعها الداخلي .. فمش مصممه لشد و جذب و كده .. لكن هتشد معاك و تاخد بيها غرز صعبه أوي .. مش هتخذلك .. لما كنت بطلع عن 120 أنا شخصيا مكنتش بحس بصوت عالي ولا اي حاجه .. السحب بتاعها بيتحسن بعد ال 3000 إلي 5000 كيلو .. و لما ربنا يكرمك و تجيب بها 10000 و تغيير زيت ساعتها قول لنا عان هنقولك حط زيت محترم زي كاسترول إيدج أو أي حاجه تثق فيها غير توتال .. الناس اللي جربته قالوا السحب أتحسن أوي


النقطه التانيه ..
للاسف التكييف ملحقتش أجربه لأني راكبها من شهر 11 .. بس الناس اللي جربته قالوا كويس أوي .. و هو مكبس ياباني .. و التكييف في الياباني أعتقد مش محتاج أتكلم عنه .. أعتقد هيبقي مرضي جدا إن شاء الله و مش هتجس بقرق في السحب معاه ..

النقطه التالته ..
العزل ممتاز .. يكفي إني أقول لحضرتك أنه افضل من الاوكتافيا ..

بالتوفيق ..

أولا شكرا جدا أستاذ مصطفى على رد حضرتك الوافى
هى نقطة العزم و السحب بتاع الموتور مش الغرض منها الجرى. أنا كان معايا بيجو قبل كده و عارف ان الأوروبى مش بتاع شد و قرص بس لما كنت بحتاج العربية تسعفنى كانت ما شاء الله بلاقيها تحت رجلى ﻷني بسافر كتير و هى دى النقطة اللي بقصدها. بالنسبه للعزل.. ربنا يطمن حضرتك عشان أنا بكره العربية اللي تبقى راكبها وتحس انك قاعد فى الشارع. التكييف فعلا ياباني و أعتقد مش هيبقى فيه مشاكل أن شاء الله. شكرا على المعلومة مرة تانية يافندم

[sadkoooi]

بص يا باشا اوعى حد يقوللك ان سحبها وحش وان الكورى افضل 0 الفلوينس افضل من الالنترا فى السحب قبل الخمسين وبعد الخمسين كيلو وللامانة الشديدة الى انا لاحظتو فى عربيتى ان دواسة البنزين مختلفه عن دواسة الكورى فتحس بالفرق دا 0 التكييف بقى يا باشا ممتاز بمعنى الكلمة وتاثيرة على السحب لاشىء وبيوصل بسرعة لدرجة الحرارة اللى انت كاتبهالو 0 صوت العربية يا باشا غير مسموع فعلا قبل ار بى ام 4 وبعد كدة بتسمعة فعلا زى اى عربية 0 الانترا مثلا عند ار بى ام 4 كنت بسمع صوت نحرة جامدة موووت
-العزل ممتاز ومش حتسمع صوت تزييق ولا صفارة ولا حاجة بتحك فى بعضها وانت جو 0 ولا حتسمع صوت الموتور قبل ار بى ام 4 وعلى فكرة انت انا بجيب 150 بالعربية على ار بى ام 3.5 بس لما تتعود على سواقه الفتيس بتاعها
-الفتيس من اسلس ما يكون تحس انو مش موجود
- العفشة ناعمة جدا بس قويه
-العربية زكيه قوى حتريحك جدا
-العربية واسعة جدا
-الباور مييييييييه
- العربية عاليه على الارض ولو ركبت خمسة معاك مش حتحك معاك ولو حكت فى حاجة الموتور والكارتيرة مصفحة تماما انا شفتها بنفسى

-العيييوب بئى
1-اماكن الاكواب فى منتهى الغباء اللى فى الدنيا
2-الاستبن طاسات و15
3-الفرش قاسى لازم يطروه شويه وياريت حد يعرف يقوللى ايه الحل فى الفرش

[Dr.a.osman]

بص يا باشا اوعى حد يقوللك ان سحبها وحش وان الكورى افضل 0 الفلوينس افضل من الالنترا فى السحب قبل الخمسين وبعد الخمسين كيلو وللامانة الشديدة الى انا لاحظتو فى عربيتى ان دواسة البنزين مختلفه عن دواسة الكورى فتحس بالفرق دا 0 التكييف بقى يا باشا ممتاز بمعنى الكلمة وتاثيرة على السحب لاشىء وبيوصل بسرعة لدرجة الحرارة اللى انت كاتبهالو 0 صوت العربية يا باشا غير مسموع فعلا قبل ار بى ام 4 وبعد كدة بتسمعة فعلا زى اى عربية 0 الانترا مثلا عند ار بى ام 4 كنت بسمع صوت نحرة جامدة موووت
-العزل ممتاز ومش حتسمع صوت تزييق ولا صفارة ولا حاجة بتحك فى بعضها وانت جو 0 ولا حتسمع صوت الموتور قبل ار بى ام 4 وعلى فكرة انت انا بجيب 150 بالعربية على ار بى ام 3.5 بس لما تتعود على سواقه الفتيس بتاعها
-الفتيس من اسلس ما يكون تحس انو مش موجود
- العفشة ناعمة جدا بس قويه
-العربية زكيه قوى حتريحك جدا
-العربية واسعة جدا
-الباور مييييييييه
- العربية عاليه على الارض ولو ركبت خمسة معاك مش حتحك معاك ولو حكت فى حاجة الموتور والكارتيرة مصفحة تماما انا شفتها بنفسى

-العيييوب بئى
1-اماكن الاكواب فى منتهى الغباء اللى فى الدنيا
2-الاستبن طاسات و15
3-الفرش قاسى لازم يطروه شويه وياريت حد يعرف يقوللى ايه الحل فى الفرش

باشا، تسلم ايدك. انت جبت من الاخر و رديت على كل الأسئلة اللى كانت بتدور فى دماغى. ألف ألف شكر