ميجان 2006 بتبطل لوحديها حتى وانا ماشى

[wasim magdy]

السلام عليكم و رحمة الله و بركانه
ياريت ركيبة الميجان يتابعو معايا الموضوع
انا بقالى اكتر من سنه مش لاقى حل للحكايه دى
المشكله عباره عن انى لما بركن العربيه فتره و اجى امشى بيها القيها بتبطل منى ف الاشارات او لما اجى اهدى و لما ابقى ماشى بسرعه على 80 كلم مثلا الاقى العربيه بطلط و دارت تانى لوحديها مع نتشه غريبه ولما باجى ادوس بنزين اول ما امشى الاقى ال rpm بيقل وبعدين يزيد لكن مدام بامشى بيها كل يوم مبتعملش الموضوع الغريب دا مشيت ورا التوكيل و غيرت حساس كامه و كرنك و ترس ديفيزور ولسه برضو نفس المشكله و مشيت ورا اجهزة الكشف بتاعة الميكانيكيه غيرولى كويلات
فياريت لو حد عدى على المشكله دى قبل كده او عندو علم بحلها يرد عليا
و مشكورين جميعكم

[ahmedamgad18]

اولا ربنا معاك لانها فعلا مشكلة غريبة وخصوصا العربية بتبطل على السرعات وبترجع تدور تانى !!!!!
بس جرب تنظف الايدل كنترول وهو المسئول عن سرعة لفات دوران الموتور ؛ ممكن يعدلك rpm ؛ واكشف برضه على فلتر البنزين وطلمبة البنزين .
وبلغنا وصلت لايه وربنا معاك .

[MohammedAladel]

نفس العطل حدث معى وكان طلمبة البنزين أوشكت على التلف
ويجب تغيير فلتر البنزين فى ميعاده حتى لا يترسب به شوائب تسبب حملاً وضغطاً على طلمبة البنزين
وطلمبة البنزين فى هذه الحالة قد تجدها تصدر صوت صفير وللعلم من السهل جداً تشخيصها ولا أعتقد أن التوكيل يخطئ فى تشخيص عطل الطلمبة !
وأعراض ترس الديفيزر واضحة جداً وهى أن السيارة تدور من ثانى أو ثالث مرة فى البرد مع وجود صوت تكتكة كأن شئ ما ينكسر بداخل المحرك أثناء التشغيل
وأعراض الكويلات هى حركة واهتزاز غير طبيعيين بالمحرك للأمام وللخلف
وعند التحرك بالسيارة بدون حرق تجدها عندما تصل على الغيار الرابع تحدث صوت كركرة فظيع

[MohammedAladel]

http://www.nilemotors.net/Nile/362746-a.html