إعـــــــلان

Collapse

.

,
See more
See less

تقرير مفصل عن الفلوانس 2014

Collapse
X
 
  • Filter
  • الوقت
  • Show
Clear All
new posts

  • تقرير مفصل عن الفلوانس 2014


    السلام عليكم ورحمه الله
    تقريري عن الفلوانس فيس ليفت الفئة الثالثة فتحة سقف وسنسور خلفي اللون موكااااا


    في البداية أحب أن أوجه الشكر الى أعضاء قسم رينو وخصوصا ملاك الجميلة فلوانس
    كنت بدخل على مواضيع كل واحد وأشوف سلبياته وإيجابياته عن العربية دي ...
    وأحب أشكر أخويا أستاذ حاتم saint 2011 على تعبه معايا وقت إلاستلام والذي ظل معي فترة كبيرة جدااا
    بدأت الرحلة في البحث عن سيارة تكون خلفا للصني وده بقاله فترة كبيرة جداااااااا
    لدرجة إني زورت معظم أقسام المنتدى
    من تويوتا – لبي إم – لمرسيدس – لستروين – لبيجو – ل رينو - ل أوبل – ل هيونداي – ل هوندا – ل كيا ......الخ



    العربية القديمة هي صني أوتو 2010 وبأمانة هي فالجراج من ساعة ماستلمت
    وماشي بالفلوانس من غير رخص لغايت دلوقتي
    [COLOR="rgb(139, 0, 0)"]تقييمي للسيارة :-

    أولا الشكل الخارجي :-
    مقدرش أقول غير إن دي أزواق
    لاني كنت محتار بين الكورولا والفلوانس وشوية الاسترا
    ثانيا :- ألانتريور والصالون الداخلي
    قعدت فالكورولا وقعدت فالفلوانس
    والقعدة شدتني أكثر فالفلوانس
    عجباني خامات التقفيل فالفلوانس أكثر والشياكة في إستخدام ألاوبشنز
    بإستثناء أماكن ألأكواب مش عجباني نوعا ما
    لكن دعونا نتكلم عن إلاضاءة الأمامية وألاضاءة الخلفية ولوحة العدادات
    ماشاء الله وهم
    ناقص إنك تجيب سواق وتخلص Tasks بتاعتك وانت راكب جوه العربية
    * الكاسيت بقا مشروع تاني :- انا عارف يعني إيه ساوند سيستيم لإني شغال في ألانظمة ألامنية وال Light Current
    انا مركب فالصني نظام صوتي سماعات دوبل بيز وكاسيت بايونير وجي إم بايونير والموضوع مكلفني حوالي 2500 ج
    ومحدش بيسمع السماعات عندي غير لما بيتوهم بمعنى الكلمة لدرجة إني فكيته من الصني قبل ماستلم وقولت أكيد ألاستوك بتاع الفلوانس مش هيبقا كويس
    لكن فالفلوانس :-
    الصوت حاجة تاني خالص نقاوة مع علو رائع بمعنى الكلمة
    التحكم في الكاسيت من الطارة روعة وانت المالك ألاساسي لكل شيء
    اعتقد عشان يتعمل الساوند سيستيم ده فمصر هيكلف مش أقل من 5000 جنيه ومش هيبقا زي اللي فالعربية
    • التكييف ياجدعان ماشاء الله في قمة الجماااااال وانا كنت راكب صني وهي معروفه بطبيعتها ان تكييفها ثلاجة ....
    • فالفلوانس :- ماشاء الله ثلاجة أخرى ضيف عليها كمان الهواء الذي يأتي من أسفل الرجل .
    • بالنسبة للفوجات والفوانيس ألأمامية والليدات جميله ماشاء الله ضيف عليهم كمان إمكانية رفع أو خفض الفوانيس والتحكم في توزيع إضاءة الفوانيس
    بالنسبة للقيادة :-
    في البداية طبعا لما استملت انا عارف ان ضغط الكاوتشات بيبقا غير مظبوط بالمرة
    فولت ألاول وبعدين ظبطت ضط الكاوتشات 29 خلفي و 32 قدام زي مامكتوب عالقايم
    وبرضه ألاحظ ان العفشة ناشفة نسبيا وغير سلسة عكس قول الكثير من إلاعضاء الكرام
    النهاردة بعد الظهر رحت بردجيستون اللي فبنزينة توتال قبل التجمع الخامس عالدائري
    فضيت الهواء كله وخليت العجل كله نتيروجين
    الموضوع فرق جدااااااا وبقت الراحة والعفشة أحسن وأحسن
    الموتور والفتيس ال cvt : -
    الموتور قوي جدا سواء مشغل التكييف او طافيه والسرعة وصلت ل 160 وبعدين قولت لما أكسر ال 1000 كيلو هلعب شوية
    التسارع بتاع السيارة ممتاز والسر في الضغطة على البنزين
    الثبات تحفة
    المناورات : مش عارف أحكم عليه لإني ملتزم الأدب مؤقتا لغايت ما أرخص واللي غلطان في السواقة يحاسب
    بالنسبة للفتيس :-
    إيه إلاحساس ده أولا مافيش حاجة إسمها نقلات ولا نتشة فتيس ولا الكلام الغريب اللي بنحسه فعربيات الفتيس اوتوماتيك العادي كتير
    أسلوب قيادته مختلف ومحتاج تعود من وقت لإخر
    وضعيه السواقة :- انت كاشف الدنيا وشايف الكبوت بتاعك وأبعاد الطريق وبختلف مع الناس اللي بتقول انها مش عارفه تاخد على أبعاد العربية
    كرسي السائق بيتم ظبطه للأسفل وألاعلى وللامام والخلف طبعا وكمان فيه أوكرة جانبية لعمل دعامه ونفخ الكرسي او للإلغاء
    اللون : الموكا – من وجهه نظري هو الورقة الرابحة في السيارة دي الكل لا يعرف اللون الحقيقي للسيارة في مختلف ألاوقات
    تكاد سوداء الون – وبتنجاني – وموكا في الشمس الساطعه –نبيتي – ورمادي في الغمام أو لو العربية عليها تراب لدرجة إنها كانت راكنة أمام المعرض وكنت بقول عليها مش دي اللي هستلمها
    الأوف وايت جميل جداااااا أيضا وكانت راكنة جمب أختها وكنت حاسس ان الموديلين مختلفين نظرا لأن اللون ألابيض مدي فخامة أكثر لإنه مكبر العربية بس ملفت جداااااا للنظر وربنا يكفيكو شر العين


    السلببيات من وجهه نظري :-
    الرؤية الخلفية ضعيفة نظرا لإرتفاع السيارة من ألاعلى ..
    المرايات الجانبية بالرغم إنها ممتازة لكن على الحواف في نسبة تقريب وإنعكاس لدرجة ممكن تخليك تتزاول ان في حد لازق جمبك وهو في ألاصل بعيد عنك (( مش عارف لو حد لاحظ الموضوع ده ))
    وجهه النظر أن الفرش ناشف شوية ده طبيعي :- زي ماتشتري أنتريه ويكون ناشف في البدايه وبعدين الفوم ينضغط ويصير أطرى مع الوقت
    عندي مشكلة مبدأية في الزواياااا والعربية بتحدف بسيط فالطرق المستوية وده مش عارف أظبطه في أول صيانة ولا أشوف بريدجيستون واعمل زوايا وترصيص . .
    ملحوظة : - انبهاري بالسيارة لا يعني بإن السيارة هي رقم 1 في العالم ولكن أتحدث عن السيارة مقارنة بالسيارات اللي ركبتها
    على سبيل المثال :- راكب البي إم او المرسيدس لا ينبهر بالفلوانس او الفئات السعريه المحيطة حولها ممكن ينوله إعجاب بيها كسيارة ولكن لا يزيد عشقا بمعنى أصح

    ويارب أكون قدرت أفيد حضراتكو ولو فيه عيوب ظهرت أكيد هذكرها هناااااااا
    [OVERLINE][B]miceg =Khaled Fouly[/B][/OVERLINE]

    [mshosh4]http://imageshack.com/a/img812/1576/pujz.jpg[/mshosh4]

  • #2
    الف مبرووووك وربنا يديك خيرها ويكفيك شرها ان شاء الله :)

    Comment


    • #3
      160 كتير يا باشا العربيه لسه بتلين المفروض متزودش عن 130 و ار بي ام 3.5 حسب الكتالوج

      Comment


      • #4
        تقرير جميل وربنا يباركلك فيها
        [SIGPIC][/SIGPIC]
        [COLOR="Magenta"][/COLOR]

        Comment


        • #5
          الف مبروك يا باشا وربنا يكفيك شرها ويدك خيرها

          بس فى حاجه انا مش فاهما فى جزء السلبيات اللى بتقول فيها

          ملحوظة : - انبهاري بالسيارة لا يعني بإن السيارة هي رقم 1 في العالم ولكن أتحدث عن السيارة مقارنة بالسيارات اللي ركبتها
          على سبيل المثال :- راكب البي إم او المرسيدس لا ينبهر بالفلوانس او الفئات السعريه المحيطة حولها ممكن ينوله إعجاب بيها كسيارة ولكن لا يزيد عشقا بمعنى أصح


          تقصد ايه مش فاهم ياريت توضحلنا ؟؟!!

          والف مبروك للمره الثانيه

          Comment


          • #6
            المشاركة الأصلية كتبت بواسطة هانى القناوى مشاهدة المشاركة
            الف مبروك يا باشا وربنا يكفيك شرها ويدك خيرها

            بس فى حاجه انا مش فاهما فى جزء السلبيات اللى بتقول فيها

            ملحوظة : - انبهاري بالسيارة لا يعني بإن السيارة هي رقم 1 في العالم ولكن أتحدث عن السيارة مقارنة بالسيارات اللي ركبتها
            على سبيل المثال :- راكب البي إم او المرسيدس لا ينبهر بالفلوانس او الفئات السعريه المحيطة حولها ممكن ينوله إعجاب بيها كسيارة ولكن لا يزيد عشقا بمعنى أصح


            تقصد ايه مش فاهم ياريت توضحلنا ؟؟!!

            والف مبروك للمره الثانيه

            الله يبارك فيك
            اللي أقصده ان لو واحد كان معاه فيات 128 او 131 ولسه جديد فالسواقة وجاب فيرنا او لوجان وخلافه
            هيحس بنقلة رهيبه جدااااااااا وهيقعد يقول كلام عاطفي عن سيارته بشكل يخلي غيره يقتنع
            الشخص اللي ممكن يقتنع يحيب العربية وبعدين يلاقي صاحبنا أداله وصف وحجم للسيارة أكبر من حجمها الطبيعي لانه مكنش بادىء من الصفر زي الراجل ألاولاني . وهكذا
            نفس الكلام كلامنا ده ممكن يشوفه ناس فقسم مرسيدس أو bm وجوه نفسه يقول الناس دي غلابه
            يارب تكون وجهه نظري وصلتك
            [OVERLINE][B]miceg =Khaled Fouly[/B][/OVERLINE]

            [mshosh4]http://imageshack.com/a/img812/1576/pujz.jpg[/mshosh4]

            Comment


            • #7
              الف مليون مبروك يا فندم .. و ربنا يكرمك فيها ..
              عايز أقولك إن كل السلبيات اللي حسيت بيها دي كمان هتختفي مع التعود .. الرؤيه الخلفيه دي مفيش فيها اي مشكله حتي و انت رافع الستار كمان ..
              نتقابل الخميس :d

              Comment


              • #8
                كنت هات سيراتو ولا النترا احسن


                معلش اصل الراجل بتاع الكورى مدخلش النهاردة فقلت احط التاتش بتاعى

                Comment


                • #9
                  تقرير جميل و مبروك عليك الجميله فلوينس
                  طبعا مفيش مقارنه بين الصني و الفلوينس و اكيد الفلوينس افضل في كل حاجه و اشيك بكتير

                  بس انا كنت عايز اسال حضرتك عن العفشه و التسارع تحت ١٠٠ كم للفلوينس مقارنتا بالصني ... يعني مين اريح و اسرع داخل البلد و في الزحمه؟؟؟

                  خلاف التسارع و العفشه مفيش وجه مقارنه طبعا بين الفلوينس و الصني و الصني مينفعش تتحط في جمله مفيده مع الفلوينس ده السوند سيستم لوحده بالصني هاهاها
                  [frame="2 80"]
                  :welcome1:
                  [/frame]

                  Comment


                  • #10
                    المشاركة الأصلية كتبت بواسطة mostafa magdy مشاهدة المشاركة
                    الف مليون مبروك يا فندم .. و ربنا يكرمك فيها ..
                    عايز أقولك إن كل السلبيات اللي حسيت بيها دي كمان هتختفي مع التعود .. الرؤيه الخلفيه دي مفيش فيها اي مشكله حتي و انت رافع الستار كمان ..
                    نتقابل الخميس :d
                    الله يبارك فيك يامصطفى باشا
                    ويارب من هنا للخميس أكون رخصّت
                    [OVERLINE][B]miceg =Khaled Fouly[/B][/OVERLINE]

                    [mshosh4]http://imageshack.com/a/img812/1576/pujz.jpg[/mshosh4]

                    Comment


                    • #11
                      المشاركة الأصلية كتبت بواسطة ramymechanics مشاهدة المشاركة
                      كنت هات سيراتو ولا النترا احسن


                      معلش اصل الراجل بتاع الكورى مدخلش النهاردة فقلت احط التاتش بتاعى
                      هههههههههههههههههههههههه
                      حبيبي يارامي باشااا
                      والله ياعم الشعب المصري لا يحكمه عقل ولا منطق
                      ناس كتير بتفكر فبيع العربية قبل ماتجيبها والصيانات عاوز يصيّن بره عشان ميدفعش فلوس
                      وانت عارف التكنولوجي كل ماتزيد كل مألاسطة بلية بيعجز
                      هو عاوز يتعامل مع ألاسطة بلية
                      [OVERLINE][B]miceg =Khaled Fouly[/B][/OVERLINE]

                      [mshosh4]http://imageshack.com/a/img812/1576/pujz.jpg[/mshosh4]

                      Comment


                      • #12
                        المشاركة الأصلية كتبت بواسطة devil_storm مشاهدة المشاركة
                        تقرير جميل و مبروك عليك الجميله فلوينس
                        طبعا مفيش مقارنه بين الصني و الفلوينس و اكيد الفلوينس افضل في كل حاجه و اشيك بكتير

                        بس انا كنت عايز اسال حضرتك عن العفشه و التسارع تحت ١٠٠ كم للفلوينس مقارنتا بالصني ... يعني مين اريح و اسرع داخل البلد و في الزحمه؟؟؟

                        خلاف التسارع و العفشه مفيش وجه مقارنه طبعا بين الفلوينس و الصني و الصني مينفعش تتحط في جمله مفيده مع الفلوينس ده السوند سيستم لوحده بالصني هاهاها
                        الله يبارك فيك ياجيمل
                        موضوع التسارع مختلف نسبيا
                        فالصني الموضوع مختلف من ناحية التسارع لانك بتتحكم في الغيارات ومحسوسة قدامك وبتبقا عارف انت بتعمل إيه
                        فالفلوانس التسارع ممتاز لكن لازم يبقا عندك سينس للفتيس ال cvt
                        ومش سهل إنك تتعود عليه
                        انا اعرف ناس كتير باعت قاشقاي وجوك بسبب عدم راحتهم للفتيس
                        انما صدقني اول ماتضغط على البنزين ضغطة مستمرة متواصلة بتلاقي السرعه عدت ال 100
                        وكان فيه فيديو رافعو اخونا رامي عن تسارع السيارة من 0 الى 100 في 11 ثانية تقريبا
                        اللي انا مفتقده فالصني ان مكنش حد يعرف يرازيني أو يصدر عربيته قدامي
                        انما الناس بتستغل ان العربية مش مركبة نمر وبيقولك ياعم ده هيخاف عليهااااا
                        [OVERLINE][B]miceg =Khaled Fouly[/B][/OVERLINE]

                        [mshosh4]http://imageshack.com/a/img812/1576/pujz.jpg[/mshosh4]

                        Comment


                        • #13
                          ألف مبروك على الفئة و اللون الجميل....ربنا يباركلك فيها يارب و يكفيك شرها و منتظرين التقارير الجامدة....مبروك
                          م/هانى سعد
                          Meggieboy سابقا
                          [SIGPIC][/SIGPIC]

                          Comment


                          • #14
                            ألف مبروك :))

                            Comment


                            • #15
                              ياباشا الف الف مبروك وربنا يكفيك شرها وشر عين الناس ويديك خيرها
                              ممكن بعد اذنك صور وضحه للون الموكا على شان مازلت محتار فى اللون ده ومش شوفته لحد دلوقتى

                              Comment

                              Working...
                              X