ايه تقييم الكليو الأوتوماتيك؟

[ArafatEHegazy]

كنت بفكر اشتري كليو اتوماتيك موديل 2004 .... بس كنت خايف من الأتوماتيك لاحسن يكون بيعطل كتير في الكليو
يا ريت لو في حد من الأخوه معاه العربيه دي أو يعرف معلومات عنها يفيدني في الموضوع ده
وهل في موديل تاني أحسن في الأتوماتيك من 2004؟

[limo]

الاتوماتيك فى الكليو نزل فى موديل واحد كان 1400 -16 صباب
وده نزل موديل 4-2005 و 2006 و النصف الاول من 2007

تقيماته مش هتلاقيها كتير لانه مش منتشر لان العربيه ده كان سعرها وقتها 90 الف جنيه للاتوماتيك والمانوال 85 الف جنيه وبعد كده نزل 5 الاف


هوه كان فى عضو معانا هنا فى القسم معاه العربيه اوتوماتيك كانت ماشيه حوالى 40 الف ومكنش بيشتكى من الفتيس الا مره واحده حصل له مشكله بسيطه جدا واتحلت فى التوكيل ببساطه جدا


ال1400 ال16 صباب فى الكليو قطع غياره منتشره استراد كتير جدا لاكن جديد قليل
بعكس ال1200 منتشر جديد وقليل فى الاستراد

فلو لا قدر الله حصل حاجه فى الفتيس اعتقد انك هتلاقى الفتيس بتاعها بسهوله جدا

[ArafatEHegazy]

الاتوماتيك فى الكليو نزل فى موديل واحد كان 1400 -16 صباب
وده نزل موديل 4-2005 و 2006 و النصف الاول من 2007

تقيماته مش هتلاقيها كتير لانه مش منتشر لان العربيه ده كان سعرها وقتها 90 الف جنيه للاتوماتيك والمانوال 85 الف جنيه وبعد كده نزل 5 الاف


هوه كان فى عضو معانا هنا فى القسم معاه العربيه اوتوماتيك كانت ماشيه حوالى 40 الف ومكنش بيشتكى من الفتيس الا مره واحده حصل له مشكله بسيطه جدا واتحلت فى التوكيل ببساطه جدا


ال1400 ال16 صباب فى الكليو قطع غياره منتشره استراد كتير جدا لاكن جديد قليل
بعكس ال1200 منتشر جديد وقليل فى الاستراد

فلو لا قدر الله حصل حاجه فى الفتيس اعتقد انك هتلاقى الفتيس بتاعها بسهوله جدا

شكرا جزيلا علي الرد
أنا معجب جدا بالعربيه دي وشايف انها مظلومه في السوق
بناء علي كلام حضرتك ان مبقاش ينزل منها جديد 2008 او 2009
هو المستعمل الأتوماتيك منها تمنه كام تقريبا؟

[limo]

الاتوماتيك 1400 16 صباب الاتوماتيك والمانوال مبقاش ينزل منها فى 2008
اخر موديل كان فى اول 2007 بعد كده نزله 1400 8 صباب مع تغيرات بسيطه فى الشكل .
بالنسبه لسعرها فى المستعمل فالصراحه كل ما العربيه مش منشره جامد فصعب انك تحددلها سعر فى المستعمل
انا متوقع ان سعرها هيكون من 50 الى 60 الف جنيه حسب الحاله