مشكلة فى الفلوانس فى صوت الموتور و السحب - ارجوا الفائدة

[DOMSSA]

السلام عليكم و رحمة الله وبركاتة

ازيكم يا احلى منتدى فى الدنيا

اولا : احب اشكر كل اعضاء المنتدى بجد انا كانت بشوف كل المواضيع عليها على طول و خصوصا لما حبيت اغير عربيتى و اشترى عربية جديدة و شوفت احسن مقارنات و ردود على موضوع العربية الفلونس تسلموا .


انا الحمد لله رب العالمين اشتريت الشهر اللى فات عربية رينو فلوانس .. باذن الله حعمل موضوع تانى حتكلم فية عن العربية و اشتريتها من فين و بكام و المزايا و العيوب و التامين و كل حاجة بس انا دلوقتى فى حاجة الى رايكم علشان عندى مشكلة مخلينى مضيق جدا من العربية

انا اشتريت العربية من شهر بالظبط عيد ميلادها كام مبارح
بس من يوم ما اشتريت العربية و حاسس ان صوت الموتور عالى شوية من اول ما بشغل العربية و برضة و انا ماشى بيها و حاسس خلاص الشهر دة الصوت بقى اعلى شوية .. انا قولت فى الاول علشان جديدة من الوقت حتلين

انا اول اسبوع او 10 ايام مش ضغط عليها خالص بسوق الراحة و مبروحش مشوير بعيدة و خدها على الحنين

و بعد كدة بدات اروح بيها الشغل و حبيت اشد بيها كدة شوية علشان اشوف و اشوف امكانيتها .

محتاج منكم رايكم و دعم من ملاك العربية دة
من ناحية صوت الموتور عالى ولا لا ؟؟؟
و كدة فية مشكلة اروح للوكيل احسن ؟؟
علشان اللى اعرفة ان معاد اول صيانة بعد 5000 كيلو و انا لسه 2000 كيلو بس يعنى اروح للوكيل واشوف و لا استنى معاد الصيانة .

المشكلة التانية فى السحب سحب العربية مش عجبنى و مع الصوت العالى بحس ان فية مشكلة ؟؟


ارجوا النصح ... و الافادة

و الله المستعان

[miceg]

أخي الكريم انا شاري الفئية الثالثة برضه الخميس اللي فات
واللي عاوز أقولهولك اني برضه زي حالاتك كان معايا صني
وسوقت الفلوانس
موضوع ان الموتور صوته عالي شوية اه صوته عالي بس ناعم
بس مش للدرجة اللي تقلقك
التسارع ممتاز انا بشغل التكييف ومان معايا فردين فالعربية
والعربية سحبها ماشاء الله عكس كلام كتير
بس الفتيس عشان مختلف فأسلوب السواقة مختلف شوية
انا ركبت الصني النهارده بعد ماخدت إحساس ضغطة الاكسلاتير في الفلوانس
لقيت الصني عاوزة تنط على العربية اللي قدامي
لان سحب الصني أسرع
فأعتقد هو اللي موصلك إلاحساس ده
هو الموضوع تعود بس على الضغطة مش أكثر
لان في فيديو بيبين تسارع السيارة من 0 الى 100 فحوالي 11 ثانية فقط
وده رقم كويس جدااا بالنسبة لسيارة عائلية وكبيره بحجم الفلوانس
ضيف على ذلك حاجة مهمة جداااااااااااا
هو زيت الموتور توتال اللي نازلة بيه العربية
الزيت ده بيخلي أي عربية بطة بلدي
وان شاء الله مش هكمل بيه ال 10.000 وهحاول اغيره فصيانة ال 5000
انا حطيته فالصني مكنش بيخليها تسحب كويس
عكس الليكوي مولي ألالماني اللي بيقعد 12.000 الف كيلو لسه بحالته
انا متأكد ان توتال عامل كبير جدااااااا فموضوع السحب وبكره وبعده هثبتلكو إن شاء الله

[برنس الليالي]

إن شاء الله الاخوى يحاولو يفيدوك بس انت شايف فعلاً ان صوت الموتور يضايق ولا زي ما قال الأخ انه ناعم ومش بيقلقك ؟

[mostafa magdy]

ألف مبروك علي العربيه أولا .. جت متأخره ..
صوت الموتور فعلا عالي .. هتحس بيه أكتر لو طالع مطلع عالي .. أعتقد السبب راجع إلي إن السير عباره عن جنزير و مش كاوتش .. و أنا سألت في التوكيل و قالي كده .. لكن حتي أوضح ..
صوت العربيه بعد ما بتسخن و بطلع بيها و انا ماشي .. بيكون مش عالي أوي ..

النقطه الأهم .. صديقنا الغالي أحمد الفقي .. وصل لصيانه ال 10000 من شهر و غير لزيت " كاسترول إيدج " .. و قال إن صوت الموتور بقي أنعم كتير أوي .. و كمان سحب العربيه أتحسن معاه ..

نيجي للنقطه الأهم علي الإطلاق .. و انا في معظم موضوعاتي و ردودي السابقه .. إتكلمت عن إن العربيه مش عربيه سحب خالص للأسف هي عربيه فخمه ووقوره .. و عائليه ..
مع إن بعد ال 3000 إلي 5000 كيلو هتلاقي السحب بقي أحسن Dramatically كده .. و ده حصل فعلا معايا و مع معظم حائزي العربيه ..
و بعمل بيها غرز صعبه .. و هي هتعمل معاك غرز صعبه و مش هتخذلك .. بس كنت قرأت تعليق لموضوع Meiggybody الباش مهندس هاني كان عامله .. لرأي واحد في العربيه .. قالك إنها هتساعدك هتشد و تجذب و تاخد غرز بس كأنها بتقولك .. أنا عربيه محترمه و مينفعش يتعمل بيا الكلام ده ..

و الله الموفق ..
إستمتع بالعربيه .. و متقلقش .. و برده قولهم في التوكيل حتي يطمئن قلبك

[mbasiouny]

يا جماعه انتو ناسيين حاجه ان موضوع انك تغير زيت العربيه دا مش اوبشن انا سالت اكتر من مره فى التوكيل او حتى مركز خدمه معتمد هل ينفع اجيب الزيت بتاعى معايا و انا بعمل صيانه العش الاف كلهم قالولى بس دا هايكون على ضمانتك و فى واحد قالى معنى على ضمانتك دى يعنى عربيتك لو حصلها اى حاجه فى الموتور لا قدر الله هاتكون بره الضمان لان احنا مش ضامنين نوع الزيت بتاعك
الحاجه التانيه ان زى ما اغلب الاعضاء وضحو لحضرتك الاداء و الصوت فعلا بيختلف بعد 3000 كيلو هاتحس ان الدنيا انعم و اهدى بكتييير و خد بالك كمان انت بتسمع الصوت العالى دا و الار بى ام على كام يعنى لو على 4.5 او 5 دا يبقى صوت طبيعى لانك ساعتها بتكون بتشد بالعربيه
و الف مبرك و ربنا يديك خيرها و يكفيك شرها

[Mohamed.Hany]

ألف مبروك علي العربيه أولا .. جت متأخره ..
صوت الموتور فعلا عالي .. هتحس بيه أكتر لو طالع مطلع عالي .. أعتقد السبب راجع إلي إن السير عباره عن جنزير و مش كاوتش .. و أنا سألت في التوكيل و قالي كده .. لكن حتي أوضح ..
صوت العربيه بعد ما بتسخن و بطلع بيها و انا ماشي .. بيكون مش عالي أوي ..

النقطه الأهم .. صديقنا الغالي أحمد الفقي .. وصل لصيانه ال 10000 من شهر و غير لزيت " كاسترول إيدج " .. و قال إن صوت الموتور بقي أنعم كتير أوي .. و كمان سحب العربيه أتحسن معاه ..

نيجي للنقطه الأهم علي الإطلاق .. و انا في معظم موضوعاتي و ردودي السابقه .. إتكلمت عن إن العربيه مش عربيه سحب خالص للأسف هي عربيه فخمه ووقوره .. و عائليه ..
مع إن بعد ال 3000 إلي 5000 كيلو هتلاقي السحب بقي أحسن dramatically كده .. و ده حصل فعلا معايا و مع معظم حائزي العربيه ..
و بعمل بيها غرز صعبه .. و هي هتعمل معاك غرز صعبه و مش هتخذلك .. بس كنت قرأت تعليق لموضوع meiggybody الباش مهندس هاني كان عامله .. لرأي واحد في العربيه .. قالك إنها هتساعدك هتشد و تجذب و تاخد غرز بس كأنها بتقولك .. أنا عربيه محترمه و مينفعش يتعمل بيا الكلام ده ..

و الله الموفق ..
إستمتع بالعربيه .. و متقلقش .. و برده قولهم في التوكيل حتي يطمئن قلبك

الجنزير ليس له اي علاقة بالصوت العالي اطلاقا،
انا معايا عربيات من 2011 كلها جنزير و مفيش اي صوت اطلاقا، انا اعتقد الاخ الفاضل بيقارن مع عربية تانية هو كان راكبها و حاسس ان الصوت عالي شوية، وزي محضرتك تكرمت و قولت الصوت هيتحسن مع الوقت و خصوصا بعد 5000 كم وده في اي عربية.
تحياتي ليك يا مصطفي باشا

[sadkoooi]

الف مبروك يا ريس انا مختلف معاك تماما
1 - السحب بتاع العربية دى ممتاز جدا مش عارف الناس بتشتتكى من السحب ليه عربيتى لسه الف كيلو وسحبها ممتاز 0كان عندى النترا 2012 سحبها اقل من الفلونس
2- صوت الموتور غير مسموع قبل ار بى ام 4 بعد كدة مسموع جدا
3- الخلاف كلة على انك لازم تعرف تسوق العربية دى كويس لازم تتعود على الفتيس ودواسة البنزين
4-استمتع بالعربية دى على اد ما تقدر انا بقفل الزجاج واشفل تكييفى على 24 والكاسيت الرائع ولا بسمع الهوا برا وحتى من غير الكاسيت ما بسمعش الهوا قبل ار بى ام 4 ولا حتى اصوات تزييق ولاصرصرة من الابواب ولا التابلوا زى الالنترا (والله كنت لازم اشغل الكاسيت فى الالنترا علشان ما سمعش صوت التزييق)
5-ظبط الهوا على 29 خلفى و32 امامى نيتروجين وعيش حياتك
6- ما تنساش انك ب 177 الف جنية معاك اوبشن وامكانيات ب 225 الف فى اى عربية تانية واكثر

[Hany Saad]

الجنزير ليس له اي علاقة بالصوت العالي اطلاقا،
انا معايا عربيات من 2011 كلها جنزير و مفيش اي صوت اطلاقا، انا اعتقد الاخ الفاضل بيقارن مع عربية تانية هو كان راكبها و حاسس ان الصوت عالي شوية، وزي محضرتك تكرمت و قولت الصوت هيتحسن مع الوقت و خصوصا بعد 5000 كم وده في اي عربية.
تحياتي ليك يا مصطفي باشا

منورنا كالعادة يا بشمهندس محمد....

هو فعلياً : المكنة اللى على جنزير صوتها أعلى من المكنة اللى على سير كاوتش....الكلام ده واضح طبعاَ و انت خارج السيارة....أنا كان معايا ميجان على سير كاوتش و الفلوانس على جنزير...وقت التدوير الصبح (المفروض أعلى صوت ممكن تسمعه لبرودة المكنة) و فى الجراج عندى المقفول....طبعاً صوت مكنة الفلوانس أعلى بوضوح من صوت مكنة الميجان....

حرفنة الصانع فى العزل الجيد للصوت داخل كابينة السيارة و خصوصاً عزل صوت المحرك عن الركاب....للأمانة محستش بصوت المكنة داخل الكابينة خالص و زيها زى الميجان فى الحتة دى إلا طبعاً لو عليت ال ار بى ام عن 4.0 مثلاً ساعتها هتحس بالصوت داخل الكابينة

طبعاً لو جبنا عربيتين واحدة جنزير معدن و التانية سير كاوتش و ابتدينا نعلى ال ار بى ام هيكون طبعاً صوت المكنة الجنزير أكثر إزعاجاً من صوت المكنة اللى على سير كاوتش مع وجود نفس العزل الجيد فى السيارتين

الميزة بصراحة اللى عملوها سواء تويوتا أو رينو أنهم حطوا المواتير دى مع الفتيس ال cvt....معنى كده أن و انت سايق لغاية ال 140 كم/ساعة أو أكثر زى ما حصل معايا بيكون ال rpm على 2000 لفة و هنا مش بتسمع صوت نهائى للموتور و انت قافل الزجاج....السرعة دى فى الميجان كان بيقابلها rpm على 3500 او اكتر و كنت ساعتها بسمع صوت الموتور داخل السيارة و انه عليه إجهاد للمحافظة على هذه السرعة أو زيادتها......
علشان كده مع الفتيس ال cvt إحساس الموتور مختلف تماماً والسرعة مش بتاخد معاها إجهاد للموتور أو صوت عالى منه و بيخليك حاسس ان ال 140 كم/ساعة هى 90 كم/ساعة فى الفتيس الأوتو العادى

[Mohamed.Hany]

منورنا كالعادة يا بشمهندس محمد....

هو فعلياً : المكنة اللى على جنزير صوتها أعلى من المكنة اللى على سير كاوتش....الكلام ده واضح طبعاَ و انت خارج السيارة....أنا كان معايا ميجان على سير كاوتش و الفلوانس على جنزير...وقت التدوير الصبح (المفروض أعلى صوت ممكن تسمعه لبرودة المكنة) و فى الجراج عندى المقفول....طبعاً صوت مكنة الفلوانس أعلى بوضوح من صوت مكنة الميجان....

حرفنة الصانع فى العزل الجيد للصوت داخل كابينة السيارة و خصوصاً عزل صوت المحرك عن الركاب....للأمانة محستش بصوت المكنة داخل الكابينة خالص و زيها زى الميجان فى الحتة دى إلا طبعاً لو عليت ال ار بى ام عن 4.0 مثلاً ساعتها هتحس بالصوت داخل الكابينة

طبعاً لو جبنا عربيتين واحدة جنزير معدن و التانية سير كاوتش و ابتدينا نعلى ال ار بى ام هيكون طبعاً صوت المكنة الجنزير أكثر إزعاجاً من صوت المكنة اللى على سير كاوتش مع وجود نفس العزل الجيد فى السيارتين

الميزة بصراحة اللى عملوها سواء تويوتا أو رينو أنهم حطوا المواتير دى مع الفتيس ال cvt....معنى كده أن و انت سايق لغاية ال 140 كم/ساعة أو أكثر زى ما حصل معايا بيكون ال rpm على 2000 لفة و هنا مش بتسمع صوت نهائى للموتور و انت قافل الزجاج....السرعة دى فى الميجان كان بيقابلها rpm على 3500 او اكتر و كنت ساعتها بسمع صوت الموتور داخل السيارة و انه عليه إجهاد للمحافظة على هذه السرعة أو زيادتها......
علشان كده مع الفتيس ال cvt إحساس الموتور مختلف تماماً والسرعة مش بتاخد معاها إجهاد للموتور أو صوت عالى منه و بيخليك حاسس ان ال 140 كم/ساعة هى 90 كم/ساعة فى الفتيس الأوتو العادى

تسلم علي التوضيح ياهندسة،
انا بصراحة محستش بفرق مبين كوروﻻ 2011 و 2014 مع اي عربية مش جنزير الصوت يكاد يكون معدوم و ده يرجع تقريبا للتوضيح بتاع حضرتك في نقطة عزل الموتور و الصالون و هي دي الحرفية اللي فيها.

[Batman372]

الف مبروك يا ريس انا مختلف معاك تماما
1 - السحب بتاع العربية دى ممتاز جدا مش عارف الناس بتشتتكى من السحب ليه عربيتى لسه الف كيلو وسحبها ممتاز 0كان عندى النترا 2012 سحبها اقل من الفلونس
2- صوت الموتور غير مسموع قبل ار بى ام 4 بعد كدة مسموع جدا
3- الخلاف كلة على انك لازم تعرف تسوق العربية دى كويس لازم تتعود على الفتيس ودواسة البنزين
4-استمتع بالعربية دى على اد ما تقدر انا بقفل الزجاج واشفل تكييفى على 24 والكاسيت الرائع ولا بسمع الهوا برا وحتى من غير الكاسيت ما بسمعش الهوا قبل ار بى ام 4 ولا حتى اصوات تزييق ولاصرصرة من الابواب ولا التابلوا زى الالنترا (والله كنت لازم اشغل الكاسيت فى الالنترا علشان ما سمعش صوت التزييق)
5-ظبط الهوا على 29 خلفى و32 امامى نيتروجين وعيش حياتك
6- ما تنساش انك ب 177 الف جنية معاك اوبشن وامكانيات ب 225 الف فى اى عربية تانية واكثر

+++111
حضرتك جبت المفيد و قلت كل المطلوب :)
تحياتى ...

[Ahmed TRAVCO]

أنا متفق تماما مع الرأي اللي بيرجح ان زيت توتال عليه عامل كبير في موضوع الصوتو ربما الضعف النسبي للسحب كمان... انا بعد 27 ألف كم بتوتال غيرت لوولف وحاسس بفرق نسبي في السحب وهدوء الصوت الى حد ما... وطبعا موضوع الكاتينة الحديد لازم يفرق هو كمان... لو عربيتين بنفس جودة العزل هتلاقي اللي الكاتينة بتاعتها حديد صوت موتورها اعلى نسبيا من التانية...
انما برضه من كلام الاخوة الكرام ملاك الفلوانس فيس ليفت، فالعربية المفترض ان تسارعها ممتاز وغير الشكل السابق خالص...

[osama ebrahim]

السلام عليكم
انا معايا 2013 الشكل القديم بسمع صوت تزيييق في الابواب لو انا ماشي في ارض مكسره والعربيه مايله لو حد عندوا خبره في الموضوع ده ياريت يفيدني ..... شكرا

[noapology]

بص حضرتك انا كنت برضو بحسس علي العربيه في اول 1000 بعدين سافرت بيها اسكندريه وقلت احرق علي الطريق لاحظت ان صوت الموتور عالي في حاله اني عايز اجيب سرعه عاليه بسرعه وده راجع لان ال الربي ام بيعلي بشكل ملحوظ علشان الفتيس بيغير ببطء
لكن بعد ما رجعت حسيت الموتور صوته هدي و انا دلوقتي 2300 وسافرت بيها تاني ولاحظت سحبها من 0-100 اتحسن بس علي سرعات بعد 120 السحب مش لذيذ خالص جيت اشغل مثبت السرعه علي 155 وانا علي 120 لقيت الاربي ام ثبت علي 6 قبل الريد زون طبعا اتخضيت وقفلتوا بس طبعا ده الميكانيزم بتاع الفتيس

[yasser100]

بص حضرتك انا كنت برضو بحسس علي العربيه في اول 1000 بعدين سافرت بيها اسكندريه وقلت احرق علي الطريق لاحظت ان صوت الموتور عالي في حاله اني عايز اجيب سرعه عاليه بسرعه وده راجع لان ال الربي ام بيعلي بشكل ملحوظ علشان الفتيس بيغير ببطء
لكن بعد ما رجعت حسيت الموتور صوته هدي و انا دلوقتي 2300 وسافرت بيها تاني ولاحظت سحبها من 0-100 اتحسن بس علي سرعات بعد 120 السحب مش لذيذ خالص جيت اشغل مثبت السرعه علي 155 وانا علي 120 لقيت الاربي ام ثبت علي 6 قبل الريد زون طبعا اتخضيت وقفلتوا بس طبعا ده الميكانيزم بتاع الفتيس

ما عليش ملحوظه بسيطه ما تحطش تثبيت السرعه على سرعه بعيده عن اللى انت ماشى عليها . قرب السرعه الاول بالاكسلاتير يعنى يكون الفرق بين اللى انت ماشى عليه و السرعه اللى انت عايز تثبتها ما يزيدش عن 10 كم /س او اقل طبعا . مش هايحصل انه ال ار بى يزيد بالطريقه دى

[noapology]

ما عليش ملحوظه بسيطه ما تحطش تثبيت السرعه على سرعه بعيده عن اللى انت ماشى عليها . قرب السرعه الاول بالاكسلاتير يعنى يكون الفرق بين اللى انت ماشى عليه و السرعه اللى انت عايز تثبتها ما يزيدش عن 10 كم /س او اقل طبعا . مش هايحصل انه ال ار بى يزيد بالطريقه دى

انا بعمل كده علشان العربيه تعمل كيك داون وتجيب السرعه بسرعه مش اكتر وانها تجيب ال ار بي ام ده طبيعي بالنسبه للفتيس