إعـــــــلان

Collapse

.

,
See more
See less

حصريا مقارنة بين نيسان جوك 2013 وبين فلوانس فيس ليفت

Collapse
X
 
  • Filter
  • الوقت
  • Show
Clear All
new posts

  • حصريا مقارنة بين نيسان جوك 2013 وبين فلوانس فيس ليفت

    السلام عليكم ورحمه الله وبركاته
    ليا صديق كان يملك نيسان جوك وباعها بعد فترة بسبب عدم راحته للفتيس ال cvt موديل 2013
    وحب يجرب عربيتي الفلوانس
    طبعا الفلوانس الفتيس cvt بس فيه ستيب
    وده كان رأيه الشخصي بدون زياده او نقص وذلك لإفادة ألاعضاء ليس إلا
    (( ملحوظة كلمة ألاداء لصديقي العزيز هي الشد والتسارع )) :-


    اولا احب اقول ما شاء الله لا قوة الا بالله ربنا يبارك لخالد في عربيته
    ثانيا تم تجربه العربيه بعد اصرار من خالد وانا كنت رافض اصلا لان العربيه لسه عامله 190 كيلو وما علقتش نمر اصلا بس اهو اللي حصل حصل
    ثالثا بقى وده المهم سواقه العربيه بشكل عام جيد وليس ممتاز لان العربيه طلعتها تقيله شويه لكن لما بتكبس كبسه خفيفه نوعا ما بتفوق شويه وانا شخصيا لما سوقتها حسيت اني سايق جوك على النورمال مود واللي معاه جوك ها يعرف انا قصدي ايه لان الجوك على الاسبورت بتتجنن وده مش حاصل مع الفلوانس
    بالنسبه للاستيب لما بتحط الفتيس عليه تقل العربيه بيقل شويه بس ده طبعا بيبقى مع شويه حرق
    بالنسبه للاستابيليتي ما شاء الله كويسه جدا كنت باخد غرز على 150 بس مش ضيقه قوي
    فرامل العربيه ما شاء الله لا قوة الا بالله ممتازة
    عزل العربيه ما شاء الله تحفه
    عفشه العربيه مش ناشفه ومش طريه
    الانطباع العام العربيه مش رياضيه لانها كبيرة واداءها جيد وليس ممتاز
    واعتقد ان الاداء ممكن يتحسن بعد كام الف كيلو كده
    العربيه في المجمل صفقه رابحه حتى الان بالنسبه لامكانياتها وكمالياتها مقارنه بالاسعار الهبله اللي في السوق حاليا
    وتعليق صغير للناس اللي راكبه جوك او قاشقاي سواقه الفلوانس بالنسبه لي هي سواقه جوك على النورمال مود
    مبروك مرة تانيه يا خالد وربنا يكفيك شر الطريق وزي ما اتفقنا ما تعملش فيها اللي احنا عملناه النهارده تاني الا بعد 2000 كيلو وبعد كده عيش حياتك
    وعن نفسي ممكن افكر في العربيه دي بس بعد ما اهدى شويه لاني بحب اجري لو الطريق مفتوح


    كده كلام صديقي خلص وانا جربت النهاردة إلاستيب واي :-
    الاستيب واي جميل جدااااااا وبتقدر تسقط غيارات لو محتاج عزم فمواقف معينة والعربية بتشد وتجري
    اعتقد ان الفتيس ال cvt الاستيب نازل فالجوك التيربو
    ياريت الناس اللي كسرت ال 3000 كيلو يفيدونا برأيهم فالكلام ده
    [OVERLINE][B]miceg =Khaled Fouly[/B][/OVERLINE]

    [mshosh4]http://imageshack.com/a/img812/1576/pujz.jpg[/mshosh4]

  • #2
    معلش لو فيها تعب انا عايز افهم نظرية عمل الفتيس الستيب واى ده , لانى من ساعة ما جيبت العربية ماجربتهوش ومش عارف المفروض اشغلى امته ولا ازاى وايه ميزاته , معلش هو اكيد سؤال بدائى بس دى اول عربية فيها فتيس ستيب بالنسبالى

    Comment


    • #3
      أداء العربيه أتحسن تماما يا خالد بيه .. لما هتعدي الألف الأول
      و بعد 3000 الالاف العربيه بتبقي أحسن و أحسن .. و ده كلام الكتالوج .. و كلام الملاك اللي عدوا ال 3000
      العربيه الوقتي معايا 5000 و الحمد لله زي الفل
      و جربت الأستيب .. كام مره .. مرضي إلي حد كبير .. و فعلا بيتقل العربيه و بيدي عزم .. و هتحبه في الأوقات اللي عايز تسوق فيها سواقه رياضيه شويه .. و غرز و حركات بقا ..
      بالتوفيق .. و ألف مبروك ..

      Comment


      • #4
        المشاركة الأصلية كتبت بواسطة hanyyacot مشاهدة المشاركة
        معلش لو فيها تعب انا عايز افهم نظرية عمل الفتيس الستيب واى ده , لانى من ساعة ما جيبت العربية ماجربتهوش ومش عارف المفروض اشغلى امته ولا ازاى وايه ميزاته , معلش هو اكيد سؤال بدائى بس دى اول عربية فيها فتيس ستيب بالنسبالى
        الاستيب بيخليك تعرف تغير مانوال وتحرق على الغيارات وتنقل مانوال بايديك
        واسلوبه سهل جداااااااااااا
        لازم العربية تكون على ال d
        وبعدين بتنقل الفتيس الناحية الشمال
        بيجيبلك فالشاشة اللي عاليمين الغيار اللي انت واخده
        وبعد كده بتقدر تزود نقله عن طريق رفع الفتيس للاعلي او تقلل نقلة (( كيك داون بالبلدي )) عن طريق خفض الفتيس للاسفل
        وتحت امرك في اي وقت
        [OVERLINE][B]miceg =Khaled Fouly[/B][/OVERLINE]

        [mshosh4]http://imageshack.com/a/img812/1576/pujz.jpg[/mshosh4]

        Comment


        • #5
          نسيت تعليق كمان لصديقي
          قال حاسس اني سايق عربية كروس أوفر بس على شكل سيدان
          وده بيبين أد إيه إرتفاع وراحة القعده داخل المقصورة
          [OVERLINE][B]miceg =Khaled Fouly[/B][/OVERLINE]

          [mshosh4]http://imageshack.com/a/img812/1576/pujz.jpg[/mshosh4]

          Comment


          • #6
            المشاركة الأصلية كتبت بواسطة miceg مشاهدة المشاركة
            الاستيب بيخليك تعرف تغير مانوال وتحرق على الغيارات وتنقل مانوال بايديك
            واسلوبه سهل جداااااااااااا
            لازم العربية تكون على ال d
            وبعدين بتنقل الفتيس الناحية الشمال
            بيجيبلك فالشاشة اللي عاليمين الغيار اللي انت واخده
            وبعد كده بتقدر تزود نقله عن طريق رفع الفتيس للاعلي او تقلل نقلة (( كيك داون بالبلدي )) عن طريق خفض الفتيس للاسفل
            وتحت امرك في اي وقت
            شكرا يا فندم على التوضيح وعلى التعب . انا فهمت بشكل نظرى و انشاءالله هاجربه واشوف . بس هو استخدامه كتير مافهوش غلط على الفتيس او الموتور . قصدى يعنى هو معمول عشان حالات معينة بس ولا زيه زى الاوتوماتيك ?

            Comment


            • #7
              المشاركة الأصلية كتبت بواسطة hanyyacot مشاهدة المشاركة
              شكرا يا فندم على التوضيح وعلى التعب . انا فهمت بشكل نظرى و انشاءالله هاجربه واشوف . بس هو استخدامه كتير مافهوش غلط على الفتيس او الموتور . قصدى يعنى هو معمول عشان حالات معينة بس ولا زيه زى الاوتوماتيك ?

              لا مافيهوش غلط يافندم
              القصة كلها ان الفتيس ال cvt العادي كنت بتتحكم في السرعات بالدواسة
              بس مش كتير بيقدرو يسقطو نقلة بالدواسة
              فالاستيب سهل الموضوع أكثر
              بمعنى انك لو عاوز عزم زيادة بتسقط نقلة فالفتيس وتريح دماغك لو مش بتعرف تعملها من دواسة االبنزين
              [OVERLINE][B]miceg =Khaled Fouly[/B][/OVERLINE]

              [mshosh4]http://imageshack.com/a/img812/1576/pujz.jpg[/mshosh4]

              Comment


              • #8
                ده كلام محترم من خالد بك المحترم مع تحياتى
                [CENTER][SIGPIC][/SIGPIC][/CENTER]

                Comment


                • #9
                  المشاركة الأصلية كتبت بواسطة saint2011 مشاهدة المشاركة
                  ده كلام محترم من خالد بك المحترم مع تحياتى
                  جبيبي عم حاتم العسل
                  ربنا يباركلك ياجميل ويخليك لينا
                  [OVERLINE][B]miceg =Khaled Fouly[/B][/OVERLINE]

                  [mshosh4]http://imageshack.com/a/img812/1576/pujz.jpg[/mshosh4]

                  Comment


                  • #10
                    تسلم علي نقل التجربة

                    Comment

                    Working...
                    X