هزة فى الفلوانس و هية واقفة

[ahmadm]

السلام عليكم ارجو الافادة للى عندة نفس المشكلة

فلوانس 2011 عاملة 35 الف كيلو + فلوانس اخويا 2012 عاملة 40

هزة موجودة و دائمة عند الوقوف بالسيارةو الفيتيس على n او p و بتكون سخنة تعتبر فيبراشن اكتر منها هزة العربيات و هية جديدة ما كنش فيها كدة اصلا
الار بى ام بتحرك و هية بردة سخنة و دايرة و على ال n او p حركة بسيطة جدا فوق و تحت الواحد بالظبط بتحس ان صوت الماتور عمال يعلى و يوطى و بيكون واضح التوكيل قالى دة عادى ( ابو رواش و قالى متخليش حد يلعب فى الماتور هية كدة اصلا طبعا كلام فى الزبادي و مكنتش فاضى فعلا ادخل فى حوار) و الحركة دية موجودة عند اخويا و شفتها مع واحد 2011 تانى امبارح و طبعا صوت الماتور عالى هل ممكن قواعد الماتور مش مظبوطة فبتنقل الهزة للعربية ؟ انا مش عارف بس هية اصلا حاجة رخمة

[kokowasfy]

هوة انا مش عايز اقولك قواعد المتور العربية لسة جديدة اخر صيانة عملتها امتا سرفيس

[ahmadm]

هوة انا مش عايز اقولك قواعد المتور العربية لسة جديدة اخر صيانة عملتها امتا سرفيس

لا انا بعمل الصيانات فى الميعاد كل 5000

[bukla]

بسم الله الرحمن الرحيم
اعتقد و الله اعلم ان سبب الاحساس بالهزة دي نوع و نقاء البنزين
ممكن تجرب مرة تستنى لما التانك يقرب يبقى فاضي و فول بنزين 95
لو حسيت بتغيير يبقى عليك و على التوكيل يكشفولك على طرمبة البنزين و يغيرولك فلتر البنزين
بالتوفيق ان شاء الله

[ahmadm]

بسم الله الرحمن الرحيم
اعتقد و الله اعلم ان سبب الاحساس بالهزة دي نوع و نقاء البنزين
ممكن تجرب مرة تستنى لما التانك يقرب يبقى فاضي و فول بنزين 95
لو حسيت بتغيير يبقى عليك و على التوكيل يكشفولك على طرمبة البنزين و يغيرولك فلتر البنزين
بالتوفيق ان شاء الله

أخي بوكلا جزاك الله خيرا انا و اخويا اشترينا العربية دية بسببك عاش من شافك يا باشا الطرمبة لسة متغيرة من شهر بالظبط و كدة كدة الفلتر متغير فى صيانة ال 30

[bukla]

أخي بوكلا جزاك الله خيرا انا و اخويا اشترينا العربية دية بسببك عاش من شافك يا باشا الطرمبة لسة متغيرة من شهر بالظبط و كدة كدة الفلتر متغير فى صيانة ال 30

اخي الكريم
ربنا يبارك لكم فيها و يديكم من خيرها و يكفيكم شرها ان شاء الله
اعتقادي ان سبب الهزة نوع البنزين لأني بستعمل بنزين 95 من يوم ما استلمت العربية و عامل لغاية دلوقتي حوالي 50 الف كيلومتر و الحمد الله ما شاء الله لا هزة و لا رعشة و لا غيرت طرمبة البنزين و الموتور منتظم زي الساعة
جرب تروح توكيل العبور و تشتكي و ان شاء الله يظبطوها
بالتوفيق ان شاء الله

[ahmadm]

اخي الكريم
ربنا يبارك لكم فيها و يديكم من خيرها و يكفيكم شرها ان شاء الله
اعتقادي ان سبب الهزة نوع البنزين لأني بستعمل بنزين 95 من يوم ما استلمت العربية و عامل لغاية دلوقتي حوالي 50 الف كيلومتر و الحمد الله ما شاء الله لا هزة و لا رعشة و لا غيرت طرمبة البنزين و الموتور منتظم زي الساعة
جرب تروح توكيل العبور و تشتكي و ان شاء الله يظبطوها
بالتوفيق ان شاء الله

ربنة يباركلك بس المشكلة إنى بعمل 100 كيلو فى اليوم لو غيرت ل95 الموضوع هيخرج عن السيطرة بس تمام انا هجرب و اشوف كدة تفولنين على الاقل عشان الدنيا تظبط

[m_marmoush]

وصلت لحد فين في موضوع الرعشة؟ لأنى عندى نفس الرعشة في السلانسية و التوكيل بيقوا انها بسبب شداد الشكمان علما بأن بتاع الشكمانات بيقول ان شداد الشكمان مالوش دعوة

[moosaleh]

هل غيرت البطاريه قبل كده ولا لأ لأن اللي بيحصل ده معناه ان البطاريه بتودع

[m_marmoush]

هل غيرت البطاريه قبل كده ولا لأ لأن اللي بيحصل ده معناه ان البطاريه بتودع

البطارية تمام مافيهاش مشاكل

[mody basha]

البطارية تمام مافيهاش مشاكل

الموضوع مش بطارية لأن عندى نفس المشكلة ظهرت عندى من خمسة أيام فى السلانسيه لكن اول ما ادوس برجلى كذا مرة على دواسة البنزين الموضوع يختفى تماماً فأعتقد وساخة بنزين رغم انى استمريت فى وضع بنزين 95 لمدة 10 شهور ولكن حدث العكس أن بنزين 95 هنا فى مصر يحتوى على شوائب بالهبل لعدم استهلاكة من المحطات وركودة فى تنك المحطة لفترات طويلة وعند الصيانة نصحونى بالرجوع لبنزين 92 ومشيت عليه فترة ولكن حصلت الهزة فغالبا وساخة بنزين مش أكتر وطبيعى لازم يتغير فلتر البنزبن. تحياتى.

[rumish]

انا عندى نفس المشكله تقريبا العربيه لما بتكون على n or p صوت الموتور بيعلى بعد دقيقتين تقريبا بس الار بى ام بيبقى ثابت على 1 او اقل شويه و برضه فى رعشه او رجه كده على السرعات المنخفضه

[M.Radwan]

قواعد الموتور وشداد الشكمان يا جماعة، حاجة فيهم بايظة

[wael-mohamed]

اخي الكريم انا عندي فلوانس 2012 وحصلت معايا موضوع الهزة دي ورحت التوكيل قالولي عادي في العبور بس زادت عند صيانة ال60 ولما صممت ان في مشكلة غيرولي قاعدة الفتيس والقاعدة بتاعت الموتور الي فوق على الشمال مش عايز اقولك الحمد لله العربية بقت روعة لدرجة انك ممكن تنسى انها دايرة من النعومة والهدوء واتغيرت في السواقة كمان خالص من ناحية النعومة، روح توكيل العبور مهندس محمد بهجت او مهندس عمر ناس محترمة جدا
ارجوا ان اكون افدتك

[ahmadm]

السلام عليكم

الرعشة زاى ما هى و العربية عاملة معاية دلوقت 68 الف هشوف موضوع قاعدة الفتيس دة بس هل لازم اروح توكيل العبور ؟ كمان فية صوت تزيق فى المطبات الهادية موجود من زمان مع صوت تانى من الطابلوه اكيد فية حلجة فكت جوة من كتر المطبات الزفت اللى فى كل مكان الواحد بيجيب عربيات غالية و يفقدها فى البلد دية