بربريز الفلوانس اتكسر، أعمل ايه مع التأمين؟

[hoba3000]

السلام عليكم

النهاردة الصبح لقيت البربريز الأمامي واخد طوبة عامله نقرة فيه وسرحت في 3 اتجاهات، المهم ان العربية كانت راكنة في جراج تحت العمارة!!

ياللا الحمد لله، قدر الله وما شاء فعل
المهم أنا مأمن مع كونتاكت كارز، أعمل إيه علشان أغيره؟ وتفتكروا ياخد وقت أد ايه حيث اني معييش عربية تانية وانا ساكن في الهرم وشغلي في العباسية، يعني هتبهدل كل يوم وانا رايح الشغل؟

أرجو الافادة وشكرا

[amr011111]

اعتقد ان التأمين مش هيغير الإزاز الا لو نتيجة حادثه لا قدر الله
وفى انتظار باقى الاراء

[insurancebroke]

ازاى التامين هيغيرلك الزجاج طبعا

[insurancebroke]

يتغير علي حساب التامين

[Ahmed_Adham]

أنا مغير الازاز في التأمين (مصر للتأمين) والعربيه مكنتش كملت اسبوع والتوكيل (كيا) عملهولي في نفس اليوم بدون حجز وطلبو مني معديش السرعه 80 لتاني يوم واتحملت 10% من قيمه الاصلاح عشان صلحت في التوكيل.

[hoba3000]

شكرا لمشاركة الجميع
أنا كلمت كونتكت وقالولي اني ممكن أغيره في التوكيل مجانا بما ان دي أول مطالبة ليا السنادي
هعدي على كونتكت الأول علشان يعاينوا العربية واخد مقايسة واروح بيها التوكيل علشان يغيروه ويطلعوا فاتورة لكونتكت علشان تدفعلهم
والموضوع مش محتاج حجز وبيخلص في نفس اليوم
غالبا هاعمله في العبور علشان هما انضف فرع

[miceg]

قدر الله وماشاء فعل
وتخلص الموضوع على خير إن شاء الله
وربنا يستر طريقنا جميعااااااا

[J A G U A R]

على خير ان شاء الله

[mostafa magdy]

كويس إن حضرتك مأمن .. الحمد لله اللي جت علي قد كده ..