Electronic Fault ميجان 2

[MoustafaElfaek]

السلام عليكم
امبارح كنت راكب عربيتى وبطلتها وجيت أدور تانى فى نفس الوقت كان الفتيس على الR ومادارتش, فضلت أحاول كتير من غير فايدة
المهم ان مرة من المرات لقيت رسالة Electronic Fault وبعدين لما طفيت وشغلت راحت
المهم العربية مشيت وبعدين خدت مطب جامد فلقيت الرسالة ظهرت تانى والباور تقل شوية ولمبة الABS نورت والService وال Stop
ركنت العربية وبطلت ودورت تانى راح كل ده وكل حاجة اتظبطت
انهاردة برضو ماشى بالعربية راحت مطلعالى نفس الرسالة تانى وبرضو الفتيس تقل بطلت ودورت كل ده اتظبط وبقت زى الفل تانى
مش عارف ده سببه ايه

[modisasa]

اخى عند ايقاف الموتور عصا الفتيس يجب انتكون فى الوضع p
اما الرسالة التى تظهر فهى نتيجة لسوء توصيل احدى الفيش وغالبا عندك يكون العيب فى فيشة الباور او abs

[wael2sh]

فيشة الارباج تحت الكرسي الشمال بص عليها كويس و مكنت الفرامل واطلع على أي حد في صقر قريش يحطهالك على الكمبيوتر

[haisam ali]

السلام عليكم
امبارح كنت راكب عربيتى وبطلتها وجيت أدور تانى فى نفس الوقت كان الفتيس على الR ومادارتش, فضلت أحاول كتير من غير فايدة
المهم ان مرة من المرات لقيت رسالة Electronic Fault وبعدين لما طفيت وشغلت راحت
المهم العربية مشيت وبعدين خدت مطب جامد فلقيت الرسالة ظهرت تانى والباور تقل شوية ولمبة الABS نورت والService وال Stop
ركنت العربية وبطلت ودورت تانى راح كل ده وكل حاجة اتظبطت
انهاردة برضو ماشى بالعربية راحت مطلعالى نفس الرسالة تانى وبرضو الفتيس تقل بطلت ودورت كل ده اتظبط وبقت زى الفل تانى
مش عارف ده سببه ايه

هتفتح عليه الفيوزات اللى فى الطابلوه هتلاقى ٣ صفوف فيوزات الصف اللى فى النص اول فيوز من فوق شيله وغيره بس غيره بواحد نظيف يكون فيوز المانى مثلا وباذن الله المشكلة تروح خالص ..... وعلى العموم زى ماخوتنا هنا قالولك الفتيس ماتدورش غير وهيا على ال p ..... هذا وبالله التوفيق

[sahmmohamed]

انا لسه جايب العربيه وعملت معايا كده وطلعت مكنة استوب

[MoustafaElfaek]

الموضوع زاد انهاردة أوى
العربية طلعت رسالة Check Steering وبعدين اختفت لوحدها
وبعدين Check Gearbox واختفت لوحدها
وبعدين تحس العربية مهنجة مش عايزة تستجيب لأى حاجة كهرباء لا بتفتح الإزاز ولا بتقفله, والتكييف بيفصل والمساحات بتشتغل لوحدها والنور بينور لوحده وزرار الStart مابيطفيش العربية
وبعدين فجأة تهدأ وتبدأ الأمور تتظبط لوحدها تانى
وشوية وترجع تانى تهيس
ولما هديت طفيت العربية ودورتها لقيت كل حاجة رجعت لأصلها تانى
أنا شاكك ان كل ده بيحصل بعد ما بشغل التكييف (مش متأكد لأنى لسة ماتابعتش النقطة دى تحديدا) لكن شاكك جدا فى الموضوع ده

[أسامه الحسيني]

الموضوع دا حصل معايا امبارح اتفاجئت بالرسالة Electronic fault رحت راكن ودورت تانى راحت ولسة ما ظهرتش وبفكر لو ظهرت تانى ان افصل البطارية 15 دقيقة واوصلها تاني يمكن تكون تهنيجة ولا حاجة

[أسامه الحسيني]

اخى عند ايقاف الموتور عصا الفتيس يجب انتكون فى الوضع p
اما الرسالة التى تظهر فهى نتيجة لسوء توصيل احدى الفيش وغالبا عندك يكون العيب فى فيشة الباور او abs

عصي الفتيس يجب ان تكون على الوضع P or N حسب الى اعرفة
وهل يوجد مشكلة لو دورت العربية علي الوضع N لان بصراحة لما بكون هركن وانزل اجيب حاجة فى السريع بجيب الفتيس علي الوضع N وابطل العربية وادورها علي نفس الوضع فأرجوا من اهل الخبرة يفوديني التصرف دا صح ولا غلط
ولكم جزيل الشكر

[Super_Star_h]

Electronic Fault
دى مكنه الاستوب نضف الفيشه ورجعها تانى

[محمود سامح]

الموضوع كلة فى الفيش او الفيوزات عموما لازم تكشف كميوتر احسن لك واوفر من تكون مشكلة كبيرة وتزيد

[أسامه الحسيني]

electronic fault
دى مكنه الاستوب نضف الفيشه ورجعها تانى

الاقي مكنة الاستوب دى فين لان الرسالة ظهرت تانى ولما ابطل وارجع اشغل بتختفي
ولكم جزيل الشكر

[MoustafaElfaek]

الاقي مكنة الاستوب دى فين لان الرسالة ظهرت تانى ولما ابطل وارجع اشغل بتختفي
ولكم جزيل الشكر

الموضوع طلع شوية أسلاك عايزة تتربط فى الأواطيش بتاعة البطارية
العربية دى حساسة جدا للكهربا, ومع أى غلطة بتهيس على طول

[sa7rawi]

انا كمان حصل مهايا انة اداني electronic fault والنقلات كانت مش مظبوطة و كانت بتدور من غير مادوس فرامل روحت ثبت الفيشة كويس بتاعت مكنة الاستوب الي في الدواسة
ف ال error اختفي و العربية ظبتت

[Super_Star_h]

الاقي مكنة الاستوب دى فين لان الرسالة ظهرت تانى ولما ابطل وارجع اشغل بتختفي
ولكم جزيل الشكر

هى موجوده فوق الدواسه
لأن انا كانت بتظهرلى الرساله دى لما كنت بعمل شغل فى العربيه عند الميكانيكى
وقالى دى الفيشه عايزه تتنضف قولتله اعملها طيب
نزل تحت وطلع فيشه من تحت الدواسه وقام فاككها ومركبها تانى الرساله راحت

[أسامه الحسيني]

انا الفيشة فكتها ونظفتها وركبتها تاني بس لحظت ان الرسالى بتظهر بليل لما بكون مشغل نور العربية لكن بالنهار مش بتظهر خالص يا تري حد عندة تفسير اية العلاقة بين نور العربية و ظهور رسالة Electronic fault