يا ريت حد يفيدني يخصوص كارت الميجان

[airfox]

انا دلوقتي من شهر كده طلعلي change card battery المهم غيرت البطاريه و راحت الرساله و بعديها بشويه طلعت تاني روحت جايب بطاريه تانيه قلت يمكن الاولنيه كانت مش كويس المهم الرساله طلعت تاني دلوقتي و انا مش عارف هو كده عيب من الكارت ولا البطاريه و تقريبا انا كنت واخد بطاريه الكارت التاني لاني مش لاقيها فمش عارف دلوقتي اتاكد المشكله منين بالظبط يا ريت حد يفيدني

[mohd2]

نفس المشكلة ايه السبب

[haisam ali]

كان عندى نفس المشكله دى وشوفت مره فيديو على اليوتيوب ان الكارت بيبقى اتعوج مثلا من قعدتك عليه من أى حاجه شبيهه لكده وتقريبا بيتصلح بيبقى جواه زى مقاومه كده فيها رجل من رجولها مخلوعه هدورلك على الفيديو باذن الله وابعتلك اللينك بتاعه باذن الله ..... هذا وبالله التوفيق

[Hany Saad]

انا دلوقتي من شهر كده طلعلي change card battery المهم غيرت البطاريه و راحت الرساله و بعديها بشويه طلعت تاني روحت جايب بطاريه تانيه قلت يمكن الاولنيه كانت مش كويس المهم الرساله طلعت تاني دلوقتي و انا مش عارف هو كده عيب من الكارت ولا البطاريه و تقريبا انا كنت واخد بطاريه الكارت التاني لاني مش لاقيها فمش عارف دلوقتي اتاكد المشكله منين بالظبط يا ريت حد يفيدني

حضرتك لازم تعمل reset للرسالة بعد تركيب البطارية الجديدة
الطريقة:
غير البطارية بواحدة جديدة ثم اقترب من العربية و دوس على اى زرار من زراير الكارت ٤ مرات بسرعة ورا بعض....٤ مرات و يكونوا بسرعة
دور العربية هتلاقى الرسالة راحت
جرب و طمنا.....

[airfox]

انا النهارده طلعتي الرساله تاني و فضلت معلقه و مهما بطلت و دورت عقلت روحت شايل البطاريه و حططها في الكارت التاني او ما حططه اتشالت الرساله . بس هحاول اعمل موضوع 4 دوسات و اجرب و برده احتمال اودي الكارت عند يشوف فيه ايه لاني كنت سالت ناس في صقر قريش قالولي ده عيب كارت و عايز يتصلح في حدود 100 جنيه

[محمد عفيفي]

المشكله شبيهه بس انا مهتمتش بيها لاني عندي الكارت الاخر شغال حلاوه

[airfox]

هو كل الناس بتقولي ما دام الكارت التاني شغال نفض بس انا مش بحب كده الصراحة يعني اول ما الظروف تسمح هروح اصلح التاني علشان الواحد ميعرفش الظروف و انه ممكن يحتاجه في اي وقت و مدام عندك يبقي اخليه سليم و استفيد منه

[m_elbog]

على فكرة انا كانت عندى نفس المشكلة فى الميجان 2 واشتريت بطاريات الدنيا كلها لمجرد انى شكيت ان بطارية الكارت مش كويسة لدرجة انى ذهبت للقاهرة خصيصا لشراء بطارية للكارت يمكن تقضى على المشكلة واشتريت بطاريات باسعار مختلفة وبالكلام عن تفاوت اسعار البطاريات حدث ولا حرج ابتداءا من خمسة جنيهات للبطارية وصولا الى خمسون جنيها وبالرغم من هذا لم تتغلب على تلك المشكلة الا ان قرات اقتراح استاذنا الفاضل بالضغط اربع مرات على الكارت وانا بجوار السيارة وبالفعل راحدت الرسالة لفترة وعاودت الظهور مرة اخرى ولكننى اكرر نفس الخطوة وهكذا فشكرا لخبيرنا الفاضل وربنا مايحرمنا من خدماتك يارب ويبارك لك على مجهوداتك معانا

[محمود سامح]

شكرا معلومة مهمة جداااا الف شكر على المعلومات القيمة جدااا

[MohammedAladel]

الشائع عن الكارت عندما يتلف فعلاً أن السيارة لا تقرؤه من الأساس ويكون بسبب فصل فى الدائرة به عند ملف له 3 أرجل
أنا حصل معى هذا الكلام بعد 5 سنين استخدام للسيارة وقمت بفك الكارت بنفسى وأصلحته وإصلاحه لا يتكلف شئ أساسا أى مكواة لحام سخنة تلحم بها بحذر

وأنبوبة أمير تجمع بها الكارت

أما العيب الذى ذكرته لم أعترضه صراحة من قبل أنا مرة وجدت بطارية ملقاة على الأرض وركبتها بالكارت معى واشتغلت تمام هههههههههههههه

وهذه البطارية متوفرة فى السوق وتستخدم فى أغلب مزر بورد الكمبيوترات لحفظ الساعة

[MohammedAladel]

حضرتك لازم تعمل reset للرسالة بعد تركيب البطارية الجديدة
الطريقة:
غير البطارية بواحدة جديدة ثم اقترب من العربية و دوس على اى زرار من زراير الكارت ٤ مرات بسرعة ورا بعض....٤ مرات و يكونوا بسرعة
دور العربية هتلاقى الرسالة راحت
جرب و طمنا.....

هل قرأت هذه المعلومة فى كتالوج السيارة يا هندسة ؟ جديدة عليا بصراحة وهل خاصة بموديلات معينة ؟
لأنى عندما أقوم بنزع البطارية وإدخال الكارت وبعد ظهور الرسالة أخرجت الكارت وأدخلت البطارية مرة أخرى واختفت الرسالة عادى جداً