خطأ فادح في الفلوانس فيس ليفت

[miceg]

السلام عليكم ورحمه الله
كنت مع دكتور أحمد عثمان ليلة أمس
واتشرفت بمعرفة إنسان محترم
وربنا ييسر ليه مشكلته الموجوده هنا فالقسم .
وإتكلمنا كتير فالفوانس
ولفت نظري لحاجة جربتها معاه
المفروض ان درج التابلوه بتوع المبيعات وفالبوشور مكتوب ان في فتحة تكييف للحفاظ على درجة الحرارة
وبتوع المبيعات لما رحت اشتريت أكدو المعلومة وفي فتحة زي فتحات التكييف من جوة وشاورو عليها
لكن عند تشغييل التكييف لا أجد أي تبريد في تلك الفتحة
ود أحمد برضه قاللي انه جربها فالفئة بتاعته ألاسبيشيال أوردر وبرضه مش شغاله
هو رينو بتضحك عالعملاء ولا أيه النظام
مستني أراء المالكين جايز يكون في حاجة مش واخدين بالنا منها

[تامر.محمد]

اكيد فيه حاجة غلط لأن الميجان فيها الموضوع ده و شغال

[Hany Saad]

المعلومة مؤكدة......لا يوجد درج تبريد فى الفلوانس فيس ليفت بجميع فئاتها و حتى الهاى لاين
المبيعات معلوماتهم مش دقيقة زى حاجات كتير بنلاقيها و بنقابلها فى حياتنا و معلوماتهم أغلبها جايبنها من كلام الأخرين أو بناء على معلومات قديمة أو فتاوى أو أو.....و القليل منها مبنى على دراسة و تدقيق

موضوع تبريد درج التابلوه كان عندى شغال فى الميجان و لكن للأمانة ليس له أستخدام فعلى..أو تقدر تقول أن تبريده ضعيف و أنتهى بى المطاف أنه مكنش له أستخدام فعلى بالنسبة لى......

طبعاً معاك فى أن لازم معلومات المبيعات تكون فى غاية الدقة لأن كلامهم هو اللى بنبنى عليه قراراتنا فى الشراء و لكن أغلب الظن أن تعريف كلمة " دقة " غير معروف لسه فى مصر......

[monamize4]

خطأ فادح في الفلوانس فيس ليفت


المفروض ان درج التابلوه بتوع المبيعات وفالبوشور مكتوب ان في فتحة تكييف للحفاظ على درجة الحرارة
وبتوع المبيعات لما رحت اشتريت أكدو المعلومة وفي فتحة زي فتحات التكييف من جوة وشاورو عليها لكن عند تشغييل التكييف لا أجد أي تبريد في تلك الفتحة

. .................................................. ..........................................

[noapology]

. .................................................. ..........................................:copy of rfds:

+1

يعني انا المفروض دلوقتي لقيت اسم الموضوع في البانل اللي فوق وكنت في قسم تاني طبعا جيت جري اتخضيت بحيث ان انا الاقي مثلا عيب في نظام الفرامل البودي بتاع العربيه فيه حاجه الموتور فيه مشاكل يعني انا لو بفكر في العربيه ولقيت العنوان ده هجيب ورا علي طول

برجاء اختيار عنوان لائق للموضوع

[J A G U A R]

هو فين الخطأ الفادح ده ..

[miceg]

هو الناس سابت المشكلة
ومسكت في عنوان الموضوع
ياجماعه هو ده اللي بيجيبنا ورا
انت شايف لما الشركة تطرح مواصفات في سيارة وتقول كل ألاوبشنز دي
وأوبشنز مهم زي مبرد التابلوه ونلاقيه مش موجود ونقول بعد كده هو فين الخطأ الفادح
معلش ياجماعه انتو شايفن انه بسيط يبقا متعلقش
انا شايف انه خطأ فادح لما يجي من شركة زي رينوووو
مش معنى كده ان العربية وحشة
العربية تحفة لكن مبحبش الضحك عالدقون

[ahmad--ezzat]

معتقدش ان الموضوع خطا فادع...اكيد فيه حاجه مش مفهومة...يعني الشركة نسيت المبرد بتاع التابلوة مثلا

[Dr.a.osman]

في البداية طبعا أحب أقول انى اتشرف بمعرفتك يا خالد باشا، فعلا كانت قعدة حلوة امبارح حصل تبادل معلومات مهمة. انا أعتز بمعرفة شخص محترم زيك يا بيه.
بالنسبة لموضوع ال درج المبرد، دى غلطة فادحة و بتأكد أن القائمين على مبيعات رينو لا يتمتعوا بأدنى قدر من الاحترافية. ولو احنا فى بلد بتحترم القوانين فيها كانت الشركة دى اترفع ضدها عشرات القضايا لعدم المصداقية. لكن للأسف المواطن المصرى اتعود على الرضا بالقليل. لما أخلص موضوع العربية هبقى آفوق ليهم. انا رأيي أن كلنا يبعث ايميلات للشركة الأم في فرنسا عشان تعرف الهبل اللي بيحصل هنا.
شكرا

[noapology]

هو الناس سابت المشكلة
ومسكت في عنوان الموضوع
ياجماعه هو ده اللي بيجيبنا ورا
انت شايف لما الشركة تطرح مواصفات في سيارة وتقول كل ألاوبشنز دي
وأوبشنز مهم زي مبرد التابلوه ونلاقيه مش موجود ونقول بعد كده هو فين الخطأ الفادح
معلش ياجماعه انتو شايفن انه بسيط يبقا متعلقش
انا شايف انه خطأ فادح لما يجي من شركة زي رينوووو
مش معنى كده ان العربية وحشة
العربية تحفة لكن مبحبش الضحك عالدقون

اولا المسؤل عن الموضوع ده مش شركه رينو ولكن التوكيل eim لانه بيطلب من الشركه العربيه بمواصفات معينه وغالبا هو مطلبش موضوع تبريد التابلوه ولكنه كاتب البروشورز انها موجوده و المندوبين بيقولوا كده يبقي المفروض نروج لجهاز حمايه المستهلك ونقدم بلاغ بتهمه التضليل

والخطا الفادح من الوكيل ومش من العربيه اللي مقصرتش في حاجه

[miceg]

اولا المسؤل عن الموضوع ده مش شركه رينو ولكن التوكيل eim لانه بيطلب من الشركه العربيه بمواصفات معينه وغالبا هو مطلبش موضوع تبريد التابلوه ولكنه كاتب البروشورز انها موجوده و المندوبين بيقولوا كده يبقي المفروض نروج لجهاز حمايه المستهلك ونقدم بلاغ بتهمه التضليل

والخطا الفادح من الوكيل ومش من العربيه اللي مقصرتش في حاجه

ياسلام ؟
انت متأكد ان المسؤل هو التوكيل مش رينو
هو سيادتك اي حد معاه شوية فلوس بيطلب وكالة من شركة محترمة وخلاص
ولا بيبقا في عقودات واصطف وإدارة من خارج مصر
يعني معنى كلامك اننا نسمح بالغلط لأي براند نيم باعتباره براند محترم لكن التوكيل هو اللي مش محترم
أختلف معك جدا في هذا الرأي
ولو افترضنا ان الشركة ألام نزلت الشحنات ألاولى للسيارة بدون هذا ألاوبشنز
المفروض تتعدّل فالشحنات الجديدة
أو يعتذرو للعملاء وينبهو ان الاوبشن ده غير موجود والمشتري يبقا ليه مطلق الحرية
مش يكملو على نفس الخطأ

[miceg]

خطأ فادح ؟! طب الحمد لله انه مش فاضح

ولا أي أندهاش
ايه الكوميديا فكده

[Hany Saad]

انا واحد من الناس كنت عارف قبل ما اشترى ان الفلوانس مفهاش درج تبريد و بصراحة الناس فى المبيعات بتوع فرع سان استفانوا فى اسكندرية أكدوا المعلومة.....

طبعاً كل واحد اشترى من التوكيل و اتقالوا ان فيها درج تبريد و هى مفهاش من حقه يقدم شكوى و يطالب بحقه و لو حتى على سبيل ان مندوب المبيعات يتلفت نظره و ميقولش المعلومات الغلط دى لزبون أخر.....أما لو كان واحد اشترى من موزع فطبعاً الموزع محدش هيقدر يرجع عليه فى حاجه و لا ياخد منه حق و لا باطل و هيقولك انا مقولتش حاجة و العربية جيالى كده

نيجى بقى للكلام العلمى....قدرة كباس التكييف و أقصى طاقة لمروحة التبريد هنقول هتدينا 10 لتر هواء متدفق فى الثانية على سبيل المثال....هذه الكمية تدفق من الفتحات الأمامية و الجانبية و ممكن السفلية حسب ظبط قائد السيارة
جزء من هذا الهواء المتدفق كمان بيطلع من الفتحات الخلفية....

يعنى لو قلنا ان الكمية 10 لتر، فيه مثلاً 7 لتر بيطلعوا من قدام و 3 لتر من الخلف
فى حالة وجود درج تبريد مبرد....ال 7 لتر دول هيبقوا 5 لتر علشان فيه 2 لتر مثلا هيروحوا لدرج التبريد و طبعا ده شغال على طول و لا تستطيع التحكم فيه و غير مؤثر فى جو العربية لأن الدرج مغلق

انا شايف ان دى حركة ذكية من رينو انها تعمل فتحات خلفية احسن مليون الف مرة من درج تبريد
طبعا لو كمان فيه درج تبريد كانت هتقل كفاءة التبريد لزيادة اماكن التوزيع

لاحظوا فى حالة زيادة اماكن التوزيع و ده موجود فى عربيات من فئات اعلى بكتير يستخدم فى هذا الوقت 2 كباس تكييف لتوزيع جيد للهواء....واحد للمنطقة الامامية و اخر للخلفية بتحكم منفصل لكل منطقة

رأى الشخصى و بما ان رينو كان لازم تختار ما بين درج التابلوه او المخرج الخلفى لعدم فقد قدرة التكييف انها عملت الصح و اختارت الفتحات الخلفية و فضلتهم عن درج تابلوه مبرد

[miceg]

في البداية طبعا أحب أقول انى اتشرف بمعرفتك يا خالد باشا، فعلا كانت قعدة حلوة امبارح حصل تبادل معلومات مهمة. انا أعتز بمعرفة شخص محترم زيك يا بيه.
بالنسبة لموضوع ال درج المبرد، دى غلطة فادحة و بتأكد أن القائمين على مبيعات رينو لا يتمتعوا بأدنى قدر من الاحترافية. ولو احنا فى بلد بتحترم القوانين فيها كانت الشركة دى اترفع ضدها عشرات القضايا لعدم المصداقية. لكن للأسف المواطن المصرى اتعود على الرضا بالقليل. لما أخلص موضوع العربية هبقى آفوق ليهم. انا رأيي أن كلنا يبعث ايميلات للشركة الأم في فرنسا عشان تعرف الهبل اللي بيحصل هنا.
شكرا

حبيبي يادكتور أحمد
كلامك صحيح 100%
احنا لا نقلل من شأن السيارة
فمميزاتها تفوق عيوبها
لكن اللي بيعكر صفو أي عربية فالدنيا هو التوكيل
يعني لو اي براند توكيله محترم هتبقا عربياته من أنجح العربيات فمصر
الاوبل والمازدا والهوندا والبيجو من أنجح العربيات لكن يعيبهم توكيلهم باستثناء الهوندا وبيجو شوية
معايير النجاح لأي سيارة هو التوكيل فمصر بالذات

[monamize4]

+1

يعني انا المفروض دلوقتي لقيت اسم الموضوع في البانل اللي فوق وكنت في قسم تاني طبعا جيت جري اتخضيت بحيث ان انا الاقي مثلا عيب في نظام الفرامل البودي بتاع العربيه فيه حاجه الموتور فيه مشاكل يعني انا لو بفكر في العربيه ولقيت العنوان ده هجيب ورا علي طول

برجاء اختيار عنوان لائق للموضوع

اولا المسؤل عن الموضوع ده مش شركه رينو ولكن التوكيل eim لانه بيطلب من الشركه العربيه بمواصفات معينه وغالبا هو مطلبش موضوع تبريد التابلوه ولكنه كاتب البروشورز انها موجوده و المندوبين بيقولوا كده يبقي المفروض نروج لجهاز حمايه المستهلك ونقدم بلاغ بتهمه التضليل

والخطا الفادح من الوكيل ومش من العربيه اللي مقصرتش في حاجه

cant agree more