ريموت الفلوتنس الفيس ليفت

[abubakr1234]

السلام عليكم جميعا

الحمد لله والشكر لله أشتريت فلوانس فيس ليفت الفئة التانيه اتوماتيك بس ليا اسفسار

ليه الريموت بتاع العربية مش بيفتح العربية لما بحط ايدي على المقبض مع العلم اني بخليها تقفل لوحدها لما ابعد عنها مش عارف ليه مش بتفتح لما بقرب انا شاكك ان بلوتوث البصمة فيها حاجه

[sadkoooi]

انا ما جربتش موضوع انها تقفل لوحدها خالص انا بنزل من العربيه وبقفل بالبصمة وافتح بيها وشغال تمام

[Hany Saad]

السلام عليكم جميعا

الحمد لله والشكر لله أشتريت فلوانس فيس ليفت الفئة التانيه اتوماتيك بس ليا اسفسار

ليه الريموت بتاع العربية مش بيفتح العربية لما بحط ايدي على المقبض مع العلم اني بخليها تقفل لوحدها لما ابعد عنها مش عارف ليه مش بتفتح لما بقرب انا شاكك ان بلوتوث البصمة فيها حاجه

أولاً ألف مبروك الفلوانس الجديدة و ربنا يديك خيرها و يكفيك شرها

طبعاً انا بأكد مع حضرتك انك علشان تفتح لازم بتدوس الأول على البصمة السوداء الكاوتش و بعدين تفتح الأكرة....يعنى مش بتفتح الأكرة فقط
و أكيد قبلها بتكون قافل من نفس البصمة أو أبتعدت عن مجال السيارة....يعنى متكنش قافل من ريموت الكارت

يا ريت حضرتك تجرب مرة أخرى و تطمنا و مبروك مرة أخرى.....

[abubakr1234]

ايوا وهيه البصمة مش المفروض اعرف عليها صباعي الاول ولاهي اوتوماتيك؟
ولا قصد حضرتك ادوس عليها ازاي؟؟

[abubakr1234]

أرجو المساعده بعد اذنكم

[m_marmoush]

السلام عليكم جميعا

الحمد لله والشكر لله أشتريت فلوانس فيس ليفت الفئة التانيه اتوماتيك بس ليا اسفسار

ليه الريموت بتاع العربية مش بيفتح العربية لما بحط ايدي على المقبض مع العلم اني بخليها تقفل لوحدها لما ابعد عنها مش عارف ليه مش بتفتح لما بقرب انا شاكك ان بلوتوث البصمة فيها حاجه

الموضوع دة على طول ولا ساعات بيعلق بس
لأن أنا عندى نفس المشكلة بس حصل معايا أربع مرات فى السنة

[abubakr1234]

لسه شاريها جديد وعمرها ما اشتغلت

[Hany Saad]

يا جماعة ما يطلق عليها بصمة هى فى الأصل سويتش أو زر يجب ضغطه للداخل....تحت الكاوتشة السوداء ديه يوجد سويتش برجاء الضغط عليها للداخل.....
يعنى مش نلمس صوبعنا عليه....لأ ده زر يضغط للداخل لتأكيد عملية الفتح ثم نشد أكرة الباب علينا هنلاقى الباب فتح تمام....
برجاء التجربة مرة أخرى......

[abubakr1234]

هجرب ان شاء الله ويارب تشتغل وشكرا ليك وان شاء الله اعرفكم النتيجة

[abubakr1234]

الحمد لله جربت امبارح واشتغلت ولكم جزيل الشكر يا شباب

[Hany Saad]

الحمد لله جربت امبارح واشتغلت ولكم جزيل الشكر يا شباب

ألف مبروك يا باشا....أستمتع و تحت أمرك فى أى إستفسار