استفسار بخصوص ميجان 2006

[aezzat85]

لو سمحتوا ياجماااعه انا عندى مشكلة جامده فى سحب العربية بحس ان العربيه مخنووقة المهم كشفت عليها بالكمبيوتر قالى حساس الكامه مش مقرى يرته وجبت واحد جديد لاقيت نفس المشكلة
قالى دى ممكن يبقى كمبيوتر عربية

المهم سألت مسيكانيكى تانى قالى دى لاما طرمبة بنزين او الكاتينه مأخره

أنا بقى مش عارف اعمل ايه ..........زلو حدعنده خبره بالمشكلة دى ياريت يفيدنى واعلم ايه

ويقولى سعر طرمبة البنزين لو طلع فيها العيب بكام
وسعر الكمبيوتر لو طلع فيه عيب بكااام

[haisam ali]

باشا كمبيوتر ايه اللى بايظ ؟؟؟؟؟. لا طبعا الكمبيوتر ده مش بيبوظ بالساهل انت كده لازم تروح لحد محترم يكشف على العربيه فى صقر قريش .... اكشف عند حد فاهم رينو هيقصر معاك عشان ماتصرفش ياما وتلف على الفاضى وانا هسال سؤال هو انت لسه مغير سير تقسيمه والمشكلة ظهرت بعده ؟؟؟ او ايه أعراض المشكله بتفصيل اكتر ؟؟؟

[aezzat85]

بص ياباشا المشكلة انى مثلا وانا ببقى على الطريق ووحبيبت اطلع من عربية واود بنزين العربية مش بتسعفنى يعنى تحس ان بتحب ببطىء شويه
ويعدين انا عاوز اعرف الراجل على اى اساس قالى ده كمبيوتر عربية
ومعلش كمان هو ايه كمبيوتر العربية ده

[aezzat85]

زبعدين هو كشف بالكمبيوتر وقالى فيه مشكلة فى حساس الكامه وغيرته وجبت جديد ونفس الموضوع

[aezzat85]

ومعلش كمان هو ظاهرلى
average 10.6/100 km

والميكانيكى قالى ددى نسبه عالية

[haisam ali]

معلش ياعم عزت طول بالك اول حاجه مش كل اللى عندهم كمبيوتر فاهمين بمعنى ايه ( سعات هوه بيعوز ان لمبه ال check تبقى منوره عشان يدخل بالجهاز بتاعه يعمل scan يقوم يلاقى العيب عالطول اما فى الحقيقة ان كل حساس وليه قرايه بيطلع power من ١.٥ - ٢.٥ مثلا فلو قرا معاه ١.٤ او ٢.٨ كده يبقى بايظ فاهمنى ...! مش لازم يكون مسجل عطل بل لازم اللى معاه الكمبيوتر ده يكون حافظ الvolt بتاع كل حساس ) ده اول هام .....ثانيا انا كده بدأت أشك جداً فى طرمبه البنزين معاك فإحنا لو عرفنا نجرب معلش طرمبه تانيه يبقى تمام جدا ... اما بالنسبه الكمبيوتر العربيه ده يامعالى الباشا المخ بتاع العربيه هوه اللى بيفكر للعربيه فى كل حاجه وبيترجم كل حركه انت بتعملها فى العربيه ويوديها للحساسات عشان تقوم بدورها وهوه عباره عن علبه المونيوم مربعه بداخلها شريحه إلكترونيه معقده جدا موجوده تحت الاكصدام الامامى فى الميجان من ناحيه الشمال ( يعنى مثلا انت ماشى وشغلت التكييف يقوم الكمبيوتر عاطى اشاره لحساس الايدل يقوله افتح البوابه شويه عشان العربيه تعلى عشان تشيل التكييف ومتبطلش ) الموضوع معقد جدا والكمبيوتر مش سهل يبوظ خالص . وآخر حاجه ال average مش عالى اوى ولا حاجه لان انت أساسا بتدوس جامد جداً عشان العربيه تسحب وبالتالى بيعلم معاك انك دايس بزيادة فهيا لازم تديك متوسط استهلاك عالى ..... انا كل اللى عايزه منك تطول بالك معلش وهتطلع بسيطه جدا صدقنى بس عايزين شويه صبر وميكانيكى شاطر عشان يريحك يكون بتاع رينو ومتخصص .... هذا وبالله التوفيق

[وائل مختار]

باشا اطلع على عادل زوايا بتاع صقر قريش هيجبك الخلاصه ولو هى طرمبه بنزين غير بس الموتور هو بحوالى 200 تقريبا غير المصنعيه وبسيطه ان شاء الله

[Ahmed Koller]

موتور الطرمبه مايعملش المشكله دي .
هو بيعمل صفارة بس بتبقي صوتها مزعج شوية ... وسعره 175

ممكن تشوف فلتر الهواء او الرشاشات .
وإن شاء الله تكون حاجه بسيطه

[medori]

باشا، ضعف السحب دة ممكن يكون من حاجات كتير اوى، بس فى الغالب بيبقى من طرمبة البنزين او ممكن يكون الفتيس عايز يتبص علية بسرعة كدة و تتأكد من الزيت بتاعة و البلوف و كدة او ممكن الرشاشات عايزة تنضيف، بوابة الهوا مش مظبوطة.
استهلاكك كدة مش عالى و لا حاجة، دة رقو كويس على الaverage و لو بتتكلم instantaneous فهو بيعلى ل 15 و 20 كمان لو عملت kick down
أخر حاجة بقى، الميكانيكى اللى قالك كمبيوتر دة متعتبش عندة تانى حتى لو عايزة يفك مسمار و يربطة تانى عشان دة حرامى

[تامر.محمد]

جربت تطلع طلعة على اي طريق سريع بالليل و تمشي بالعربية 5 دقايق على 160 مثلا ولا 170 ؟
بحيث لو الشكمان مكتوم شوية يفتح ؟