الرجوع بقرارى فى شراء فلوانس ونصيحه لكل مقبل لشراء رينو الابتعاد عنها

[TeMoON]

بعد ما قرات عن العربيه الفلوانس ومدى مميزاتها وانى شايفها افضل ما فى السوق بعد الجيتا ولانى كنت عاوز اغير الجيتا واجيب عربيه تكون فى نفس مستوى الجيتا من الراحه والامان والاداء

لقيت ان فى ناس اشتكت منها فى المنتدى زى الدكتور احمد عثمان ولقيت جروب على الفيس بوك معمول لشكاوى ملاك العربيات الرينو من التوكيل وانه بطيخه وضايع ومفيش حد بيفهم فا دا يخلينى بصراحه اقول لا للفرنساوى مره اخرى لان تاريخى مع الفرنساوى والحمد لله اسود غامق فا للاسف مازالت التوكيلات فى مصر زى الزفت وان الفرنساوى فى مصر كلمه زفت قليله عليه وانا اسف على كلامى لكل ملاك رينو ولكن دا راى الشخصى وحبيت اقوله بعد ما قرات على كم المشاكل من الوكيل وتحذير ملاك سيارات رينو من التوكيل ولهذا انصح كل شخص مقبل على شراء رينو بالتراجع نظرا لبلاوى التوكيل

[hugan]

اظن السيراتو هي الحصان الرابح حاليا

[Hany Saad]

بعد ما قرات عن العربيه الفلوانس ومدى مميزاتها وانى شايفها افضل ما فى السوق بعد الجيتا ولانى كنت عاوز اغير الجيتا واجيب عربيه تكون فى نفس مستوى الجيتا من الراحه والامان والاداء

لقيت ان فى ناس اشتكت منها فى المنتدى زى الدكتور احمد عثمان ولقيت جروب على الفيس بوك معمول لشكاوى ملاك العربيات الرينو من التوكيل وانه بطيخه وضايع ومفيش حد بيفهم فا دا يخلينى بصراحه اقول لا للفرنساوى مره اخرى لان تاريخى مع الفرنساوى والحمد لله اسود غامق فا للاسف مازالت التوكيلات فى مصر زى الزفت وان الفرنساوى فى مصر كلمه زفت قليله عليه وانا اسف على كلامى لكل ملاك رينو ولكن دا راى الشخصى وحبيت اقوله بعد ما قرات على كم المشاكل من الوكيل وتحذير ملاك سيارات رينو من التوكيل ولهذا انصح كل شخص مقبل على شراء رينو بالتراجع نظرا لبلاوى التوكيل

طبعاً بنشكر حضرتك على تحذيرك و قرارك حضرتك حر طبعاً فيه و لكن مش شايف حضرتك أنك تحكم على توكيل أنه زفت و تحظر الناس منه و تحذرهم من شراء الرينو عامة بدون أن تجرب التوكيل شخصياً فيه شىء من التجنى و الحكم المسبق على الأمور
حضرتك بصيت للدكتور أحمد عثمان اللى أتنقلت عربيته لأسيوط بطريقة خاطئة و عنده مشكلة فيها على انه العموم و تجاهلت باقى أعضاء قسم رينو اللى معندهمش مشكلة مع التوكيل او مع العربية

السؤال هنا، طيب حضرتك تنصحنا بأنه عربية و أنه توكيل يكون أفضل من رينو؟
العضو المحترم hugan نصح بالسيراتو بس توكيل كيا و رينو نفس الشركة و فى نفس المكان، يبقى برده بلاش منه
حضرتك نازل من جيتا، نروح لفولكس بس أتوموتيف توكيل فى البلالا و الفتيس ال DSG ايدك و القبر
اوكتافيا نفس الفتيس و توكيل رايح
غبور لا تعليق
تويوتا العضو الوشاحى مقدم شكوى فيه
مين توكيل محترم فى مصر علشان كلنا نروحله اذا كان رينو زفت؟ نرجو الأفادة

[haisam ali]

شهاده حق بدون تحيز انا الحمد لله بعت عربيتى الميجان من فتره .... بس هقولها وأفضل أقولها توكيل رينو من أفضل التوكيلات فى مصر

[Hany Saad]

شهاده حق بدون تحيز انا الحمد لله بعت عربيتى الميجان من فتره .... بس هقولها وأفضل أقولها توكيل رينو من أفضل التوكيلات فى مصر

أؤيد كلامك و بشدة و عن تجربة ٣ عربيات و لمدة ١٣ سنة مع نفس التوكيل....بداية من كليو ٢٠٠١ ثم ميجان ٢٠٠٦ ثم فلوانس ٢٠١٤
و السبب الأساسى فى إختيارى للفلوانس هو توكيل رينو و مدى جودة خدمته و عن تجربة ١٣ سنة

[abou-yahia]

الاوبل استرا

[Hany Saad]

الاوبل استرا

يا باشا الراجل مش زعلان من العربية....الراجل زعلان من توكيل رينو قوم بدل ما تخدمه تلبسه فى منصور :) ؛)

[تامر.محمد]

الحكم على التوكيلات عموما نسبي
التوكيل الفلاني حالته ايه بالنسبة لباقي التوكيلات ؟

انا شايف الكلام كله عالتوكيل مش على العربية نفسها
النقطة مردود عليها بصراحة

يا ريت توكيل لا غبار عليه في مصر و انا ابقى اول واحد يشتري العربات بتاعته

[Ahmed_Adham]

ايه المشكله في التوكيل بالتحديد؟ أكيد في كل مكان فيه حالات فرديه لكن أنا لما رحت لقيت اهتمام كويس من المبيعات ده غير ان الناس هنا بتشكر لحد كبير في العربيه والتوكيل وأنا بتعامل مع كيا من نفس الشركه والتوكيل معاملته كويسه ومفيش مشاكل الحمد لله 6 صيانات لحد دلوقتي.

[Hany Saad]

ايه المشكله في التوكيل بالتحديد؟ أكيد في كل مكان فيه حالات فرديه لكن أنا لما رحت لقيت اهتمام كويس من المبيعات ده غير ان الناس هنا بتشكر لحد كبير في العربيه والتوكيل وأنا بتعامل مع كيا من نفس الشركه والتوكيل معاملته كويسه ومفيش مشاكل الحمد لله 6 صيانات لحد دلوقتي.

بأكد كلام حضرتك....محدش قال انه توكيل مثالى و لا مفهوش غلطات...لان مفيش حاجة اسمها كده فى العالم و لكن فى المجمل و بمقاييس التوكيلات فى مصر يعتبر من أفضلهم

[haisam ali]

الحكم على التوكيلات عموما نسبي
التوكيل الفلاني حالته ايه بالنسبة لباقي التوكيلات ؟

انا شايف الكلام كله عالتوكيل مش على العربية نفسها
النقطة مردود عليها بصراحة

يا ريت توكيل لا غبار عليه في مصر و انا ابقى اول واحد يشتري العربات بتاعته

هوه ده الكلام المظبوط ... الله يفتح عليك

[SoFiMaN]

يا باشا انت جاي تتكلم على افضل توكيل فيكي يا مصر و تقول زفت !!! انا ممكن اصدق اي حاجة او عيب في العربية رغم اني من ملاكها و مش شايف عيوب كبيرة لكن انا بتكلم اني بتعامل مع التوكيل في اكتر من عربية رينو و لم اجد افضل منه بالتعامل و سرعة انجاز !

[AhmedJumaa]

أنا إن شاء الله ناوي علي الشراء

بس حابب أقولك أنك بتتهم بدون دليل قاطع أو دليل مادي كلام مرسل

عارف فلان لا طيب اتعملت مع لا يبقي متعرفهوش ...

وبالدليل أن كلامك لم يغير اي شئ من وجهة نظري بل زاد أصرار إكثر :)

وفقك لله فى أختيارك

[noapology]

مبدايا كده حضرتك جاي من جيتا وكنت بتفكر في فلوانس مش عارف ازاي المفروض الجيتا اعلي من الفلوانس ثانيا حضرتك سبت كل المواضيع اللي بتشكر في العربيه و جيت في مشكله فرديه علشان تحكم علي رينو ؟؟؟ او علي حسب كلامك الفرنساوي طب مكتبتش الموضوع ده مثلا في قسم بيجو ليه مش ده فرنساوي برضوا ؟؟؟ حضرتك بكلامك ده بتشوه سمعه الفلوانس مش التوكيل

[haisam ali]

مبدايا كده حضرتك جاي من جيتا وكنت بتفكر في فلوانس مش عارف ازاي المفروض الجيتا اعلي من الفلوانس ثانيا حضرتك سبت كل المواضيع اللي بتشكر في العربيه و جيت في مشكله فرديه علشان تحكم علي رينو ؟؟؟ او علي حسب كلامك الفرنساوي طب مكتبتش الموضوع ده مثلا في قسم بيجو ليه مش ده فرنساوي برضوا ؟؟؟ حضرتك بكلامك ده بتشوه سمعه الفلوانس مش التوكيل

معلش مع اتفاقى مع حضراتكم ان التوكيل ممتاز جدا جدا والفلوانس ممتازة بجد .... بس ياغالى الجيتا عربيه بجد وتتقارن بأى عربيه باشا دى المانى وتقريبا هيا من فءه الفلوانس الحجميه فموضوع المقارنه ده نطلعه بعيد شويه معلش .... هذا وبالله التوفيق