حكايتى مع توكيل رينو....قصة حقيقية

[miceg]

استاذ هاني
اتعرضت للموضوع ده يوم الثلاثاء الماضي بالليل
بعد غسيل السيارة من أسفل ورفعها في محطة بنزين وده بسبب كنت بلاقي العربية بتخبط والعفشة نشفت شوية
غسلت السيارة من اسفل بسبب الطين وألامطار
والدنيا اتظبطت شوية
وبعد كده جيت اركن بالليل لقيت صوت دربكة أو طقطقة وانا بركن وبلف الدركسيون على اخره جاي كإنه تخبيط من الخلف وجاي برضه لما كنت بكسر الدركسيون يمين
مع اني مستلم يوم 20/2/2014
كلمت التوكيل عشان احجز معاد وحجزت الخميس
جيت تاني يوم اركن فالعصر لم أجد الصوت
قولت ياواد ياخالد جايز عشان النويز وانا مش سامع كويس
المهم كان معادي الخميس في التوكيل الساعه ال 10.30
قولت انزل بدري عشان لو احتمال الصوت ظهر انزل التوكيل
لقيت الصوت موجود
ذهبت للتوكيل فوراااا فرع العبور
جه المهندس جرب معايا لم أجد صوت إطلاقا
قاللي اتفضل اختبر انت لقيت الصوت غير موجود
المهم هو دخل العربية صيانه وقاللي ربطنا العفشة بالكامل والعربية مافيهاش أصوات
وفعلا الصوت مظهرش معايا لما جيت اخر اليوم من الخارج
فكده انت لفت نظري ان الصوت ممكن مكنش موجود فالتوكيل لنعومة الارضية
وإني أجرب أركن في أرضية غير ممهدة وأحاول أشوف الصوت هيتكرر تاني ولا لا

[miceg]

بس للأمانة انا مستريحتش لفرع العبور
مافيش اهتمام بالعملاء كما يجب
يعني معادي الساعه 10.30 وجاي قبل معادي ب 15 دقيقة
والاقي بيستلم مني العربية الساعه 11
غير كده طريقة انه ينده على الناس بأولوية الحجز مستفزة حبتين
مقارنة توكيل نيسان السبع او اوتو إيجيبت فهو أأقل من وجهه نظري
السبع كنت اول ماوصل التوكيل ادخل على الكيو سيتسيم واسحب الريسيت
وليا أولوية وصول
انما أقعد 45 دقيقة عشان ينده عليا ده مش معقول
غير ان الاستقبال مهندس واحد هو اللي بيستلم العربيات ؟؟؟؟؟؟؟
السبع كانو 4 مهندسين داخلين خارجين ووشهم بشوش ومبتسمين للعملاء ويحببك فالتوكيل والعربية
انا عاوز أنقل صيانتي لأي مركز خدمة تاني

[Ahmed Selim]

ألف مبروك عليك و إن شاء الله تكن أتحلت.

أنا بصراحة ليا تجارب كتير كتبتها هنا مع التوكيل و فيها الكويس و فيها الوحش......بس الكويس أكتر بكتير بصراحة............يكفي أنهم غيرولي ترس الديفازر فى الميجان على 90 الف كيلو يعني بعد ما العربية طلعت من الضمان بسنة أو أكتر بدون ما أدفع ولا مليم.

[Ahmed Selim]

مبروك يا باش مهندس .. و الحمد لله
انا عند\ي حاجه عريبه شويه كنت عايز أسألهم عليها لما أروح ..
لما العربيه تبقي ع ال p و أجيب ال r ساعات بحس إن الفتيس " معصلج " معايا و بيعمل صوت جامد كده .. ده يبقي أيه

جرب يا باشا ترفع فرامل اليد و أنت دايس فرامل قبل ما تجيب ال p......ده و أنت بتركن طبعاً

و أنت خارج دوس فرامل الأول و بعد كده حرك عصاية الفتيس و بعد كده نزل فرامل اليد.


لو مبقتش تلاقي العصلجة دي يبقى سببها أنك بتركن على أرض مش مستوية و أول حاجة بتعملها أنك بتجيب عصاية الفتيس على ال p ( بتعشق العربية) و حمل العربية كله بيبقى على الفتيس.

[EngAhmedSayed]

يارب تيبقى كل التوكيلات كدة
و موضوع مميز من حضرتك
بالتوفيق ان شاء الله

[heeshooheeshoo]

فى النهاية لما تسألونى انت زعلان من العربية أقولكم أبداً و الضمان اتعمل علشان كده
طيب مضايق من التوكيل: أحسن توكيل فيكى يا مصر
طيب و شعورك ايه: Satisfied customer
هذه القصة حقيقة و ليست من واقع الخيال و أبطالها حقيقون موجودون معنا هنا انا واحد منهم و الطرف الاخر توكيل رينو المحترم
انا اشتريت الفلوانس علشان توكيلها و بشكرهم جداً على هذا الشغل الأحترافى....

خلاص ؟
تأكدت من توكيل رينو ؟
نجحوا فى الإختبار ؟
عرفت مستواهم المحترم ؟
شاعر بالرضا ؟

كفاياك كده .. وربنا يجعله آخر إختبار للتوكيل

وبإذن الله ما تحتاجه إلا فى الصيانات الدورية ويجعلها المشكلة الأولى والأخيرة

ربنا يحفظك ويبارك لك فيما رزق



وتقبل تحياتى

[ahmedelfeky]

معقولة....أنا كنت فاكر عندى فقط!!!!!
انا الناحية الشمال عندى مفهاش اى صوت خالص......سواء قبل او بعد التغيير
أنا محصلش معايا موضوع الطقطقه ده فى الشمال خالص على اى وضع للفتيس و لما كان صوت الطقة عندى كنت لما بركن فى الجراج بجيب ال p و اقعد الف الدريكسيون يمين و شمال علشان احدد مصدر الصوت و عمر ما الموضوع كان مرتبط بنوع الغيار عندى و لكن للتأكد، بكره ان شاء الله هجيب ال p و اجرب و اقولك....لاحظ برده الصوت كان طقه واحدة فقط عاملة بالظبط كأنك ضارب اشارة و بتلف الدريكسيون ناحيتها...هو ده بالظبط وصف الصوت
بالنسبة للسؤال التانى: لو فرضنا ان الدريكسيون بيلف ٣ لفات كاملة شمال و زيهم يمين، الصوت التكة كان بيظهر فى اللفة التانية يمين فقط......و بيظهر اكتر كلما كانت الأرض خشنة و غير متساوية، أو بمعنى اخر مقاومة الأرض للعجل جامدة، اما فى حالة لو الارض ملساء او فيه ميه او طين يعنى مفيش مقاومة عالية على العجل فاستحالة يظهر الصوت....طبعاً مع الاخذ فى الاعتبار ان و انا ماشى مفيش الهوا، يظهر الصوت فقط أثناء الركن و مكنش دايماً كمان...يعنى بمزاجه

طيب الحمد لله انا بسمع صوت تزييق خفيف بس لما بجيب اخر الدريكسيون شمال او يمين يعني اخر مشوار الدريكسيون قبل ما يقف لما بغير الفتيس من P ل N الصوت بيختفي .صوت التزييق التاني اللي بسمعه عندي الجراج زي مايكون في مطب صناعي يعني وانا بركن بيبقي العجلتين الللي قدام مستواهم اعلي بحوالي 10 ل 15 سم من العجلتين الورانيين في الوقت ده ببقي حاطط الفتيس علي الR وضاغط علي الفرامل لو خفيت رجلي علي الفرامل وزودت تاني فرامل بسمع الصوت ده واول ما ارجع الفتيس للوضع N عشان العربيه تنزل لوحدها لانه يعتبر منزل بيختفي الصوت مهما كانت قوه ضغطتي علي الفرامل وبجمله بقي متعلقات الدريكسيون العربيه عاوزه ظبط زوايا بعد ماوصلت 15 الف كيلو الدريكسيون وانا سايق وخليتها في النص بتحدف يمين عشان تمشي مظبوط الدريكسيون بيبقي كاسر سنه ناحيه الشمال مش عارف اقولهم في التوكيل عليها مع صيانه ال 15000الف (مش متأكد عندهم ظبط زوايا ولا لأ) ولا اظبطها عن Fix & fit وخلاص

[ALshahba]

الف مبروك يا م/هاني
الحمد لله انها خرجت علي خير
والاهم ان الوكيل غيرهالك مجانا تحمل المبلغ الرهيب ده....وكمان ااسلوب احترامه للعملاء
السعر ده حتلاقيه في نوع عربيه محترم زي رينو ويمكن اكتر بكتييييير فى مرسيدس

بالتوفيق
دمت فى امان الله

[mostafa magdy]

طبعاً توكيل محترم وأنه مأنكرش المشكلة وغيرها في الضمان .. بس اللي يوقع القلب في الرجلين هو السعر .. ولكن أعتقد أنه علشان العربية لسه جديدة ومع الوقت الاسعار حتنزل .
بس هل القطمة وعمود الدركسيون هما نفس الشكل السابق ولا تختلف .



بتبقى دايس فرامل كويس يا مصطفى ولا لآه .. حاول تدوس فرامل كويس وأنت بتنقل .

اه يا كبير ببقي دايس فرامل كويس ..

[essam wahby]

تقرير رائع هيفيد مﻻك الفلوانس

[ramy_gamal]

توكيل فعلا محترم
بس انا ليا سؤال ليه شركه كبيرة كدة وعربيه يطلع فيها عيب كدة مش المفروض بيحصل مراجعه على العربيه كلها ( انا مش بعيب فى العربيه انا اقنعت واحد صاحبى بيها من كلامك طبعا وحجزها من الطارق وقالوله العربيه قبل ما يستلمها بترجع الشركه يتراجع عليها وبعد كدة يسلموها ل العميل ) يعنى موضوع اليدات بتاعتك مش كانت المفروض يكتشفوها قبل ما يسلموهالك

[Hany Saad]

توكيل فعلا محترم
بس انا ليا سؤال ليه شركه كبيرة كدة وعربيه يطلع فيها عيب كدة مش المفروض بيحصل مراجعه على العربيه كلها ( انا مش بعيب فى العربيه انا اقنعت واحد صاحبى بيها من كلامك طبعا وحجزها من الطارق وقالوله العربيه قبل ما يستلمها بترجع الشركه يتراجع عليها وبعد كدة يسلموها ل العميل ) يعنى موضوع اليدات بتاعتك مش كانت المفروض يكتشفوها قبل ما يسلموهالك

عندك حق مليون الميه...
طبعاً موضوع ال led كان لازم حد من بتوع ال pdi فى تركيا أو بتوع ال pdi فى التوكيل يشوفه و لكن من كترة الضغط و الطلب على التوريد فى تركيا أو سرعة تسليم العملاء فى مصر مش بيكتشف الحاجات الصغيرة دى....يعنى لو ال led الشمال كله مش منور كانوا أكيد شافوه أما أن لمبه صغيرة من لمض الناحية الشمال مش شغالة و مع السرعة فمش هيركزوا...ده أنا لما روحت أغيروا فى التوكيل مكنوش شايفين اللمبة المطفية فى الأول و بعدين لما بصوا كويس شافوها....
طبعاً أنا مش بلتلمس لهم العذر و لكن هو ده اللى بيحصل.....

بالنسبة للقطمة...بصراحة أنا أستلمت العربية و لمدة أسبوعين مكنش فيها أى صوت و بعدين ظهر الصوت...فده طبعاً صعب يكتشفوه فى ال pdi

[melmegharbel]

ربنا يبارك لك في العربية ويحفظك، انا كنت خايف اثناء القراءة انهم يخيبوا ظني فيهم، انا معايا فلوانس 2010 ويمكن أكون من أول الناس اللي استلمت العربية، وفي خلال أربع سنين مع التوكيل، الحقيقة أقدر أقول وانا مستريح انهم توكيل محترم جدا، وفعلا الواحد بيحس بالاهتمام وعشان كده عمري ما فكرت اشتغل بره التوكيل.

مره تانيه ربنا يبارك لك ولكل الفلوانسيه :)

[osama ebrahim]

السلام عليكم
انا معايا فلوانس اوتوماتيك 2013 بقيت في الفتره الاخير بسمع صوت طقطقه من داخل العربيه لما بكون ماشي في ارض مكسره ودايس فرامل شاكك ان الصوت ممكن يكون من الفرش بتاع الابواب ... بس مش متأكد حد تعرض للموضوع دا قبل كده ... شكرا

[Abarth]

مبروك يا باش مهندس .. و الحمد لله
انا عند\ي حاجه عريبه شويه كنت عايز أسألهم عليها لما أروح ..
لما العربيه تبقي ع ال p و أجيب ال r ساعات بحس إن الفتيس " معصلج " معايا و بيعمل صوت جامد كده .. ده يبقي أيه

الموضوع ده سببه إنك لما بتيجى تركن العربية لا تتبع الخطوات الأتية:
لازم تدوس فرامل وإنت بتنقل سواء من إلــ rأو nإلـــp وتشد فرامل اليد وإنت لسه دايس على دواسة الفرامل وشيل رجلك من الدواسة بعد تعشيق فرامل اليد وهى على الوضع p ونفس القصة عند الطلوع تدوس فرامل وتجيب إلـــ r أو n وتشيل تعشيقة فرامل اليد