البربريز الخلفي أتدمر في الفيس ليفت

[mostafa magdy]

زي ما قريتوا في العنوان الزجاج الخلفي أتدمر تماما ..
واحد إبن حلال دلني علي مهندس في شارع السودان بعد ميدان لينان كلمته قالي 650 ..
انا بس عايز حاجه نضيفه عشان العربيه لسه جديده .. هل من أقتراحات ؟
شكرا

[meganelover]

التوكيل ....مش حتلاقي الاصلي غير هناك...
ريح دماغك غالي شويه بس مفيش مشاكل بعد كده
لا تسريب ميه ولا صوت صفارة هواء ولا السخان بتاع الشبورة يسخن قوي فيفرقع الازاز.
انا غيرت الامامي ب3500 جنية بس فابريقه ما تحسش انه اتغير.

[Hany Saad]

ياه يا مصطفى باشا....زعلتنى جداً يا كبير
فداك الف عربية و لا تضايق نفسك......
معلش نصحتى ليك ركب الأصلى من التوكيل علشان الاتى:
١- الاصلى مظلل علشان يزود كفاءة التكييف مش هتلاقيه بره
٢- فيه سخان جوه الزجاج برده مش هتلاقيه بره و ده علشان ازالة التكثف
٣- الأصلى عدد طبقاته اعلى من اللى فى السوق و مقاومته للكسر أعلى بكتير
٤- نوع السليكون اللى بيلزق بيه التوكيل بيقاوم التمدد فى الحرارة العالية فى الصيف و مش هيتشقق و يدخل ميه فى الشتا

[mostafa magdy]

شكرا جدا ..
طيب مفيش تخيل هيكون في حدود كام !!!

[haisam ali]

شكرا جدا ..
طيب مفيش تخيل هيكون في حدود كام !!!

معلش مهما كان غالى اضغط على نفسك سنه صغيره وهتستريح بجد .... كل الكلام اللى قاله الاستاذ meggieboy مظبوط جدا ويستاهل التضحيه قصاده صدقنى

[Mohamed.Hany]

معلش يا مصطفي فداك و الحمد لله علي كل شئ.
طبعا متفق مع راي الزملاء خليك مع التوكيل و عوضك علي الله

[Hany Saad]

شكرا جدا ..
طيب مفيش تخيل هيكون في حدود كام !!!

أعتقد من 2000 الى 3000 جنيه......معلش العربية جديدة و هتزعل لو ركبت بتاع السوق و هتحس ان فيه حاجة مش مظبوطة فى العربية

[AHMED1718]

بلا اصلي بلا بطيخ لو أمامي كنت هقولك هات الأصلي علشان يتحمل الرصاص المتناثر من عربيات النقل.. خلفي مشي حالك عليك وعلي دكتور جريش العاشر ووفر فلوسك

[mostafa magdy]

شكرا لكم جميعا ..

[insurancebroke]

ركب د جريش كويس جدا جدا بس تروح فرع جريش نفسه عشان بيعرفو يركبو كويس وبجد عنده صنايعية كويسين جدا

وممكن الاول تتصل بيه وتعرف بكام وتعرف فيه سخان ولا لا

[mostafa magdy]

هو الفروع اللي فيها تصليح العبور فقط ؟

[miceg]

قدر الله وماشاء فعل
معلش يامصطفى باشا
زعلتلك والله
يالا حصل خير

سؤالي هنا
لو العربية مأمن عليها هيبقا التأمين شامل الزجاج ولا لا

[mostafa magdy]

اه بيكون شامل الإزاز بس أنا مش مأمن

[elpasha1]

ذكتود جريش في العاشر
سيفتي انترناشونال للزجاج في اكتوبر امام جبنه المصريين

[ahmedelfeky]

غيره في توكيل العبور يا د مصطفي العربيه لسه زيرو