حد خد باله من اللمبة الزيادة فى فانوس الفلوانس فيس ليفت الأمامى؟

[Hany Saad]

حد خد باله من اللمبة الزيادة اللى مش بتنور داخل فانوس الفلوانس فيس ليفت الأمامى الفئات 169 ألف و أنت طالع؟



اللمبة دى بتاعت النور الواطى فى الفئة المانيوال أو أول فئة أتوماتيك اللى مفهمش LED، طبعاً علشان يوحد الفانوس الأمامى أستخدمه هو هو فى الفئات الأعلى و لغى وصلة اللمبة دى و خلى ال LED هو اللى ينور بالليل...
مش عارف لو قدرت أوصلها مع مفتاح النور الصغير او أخدلها وصلة من LED هيبقى شكلها حلو مع إضاءة ال LED و لا لأ؟؟

[miceg]

اما أنت عليك حاجات ياسالم هههههههه
بتلاحظ الحاجات دي إزاي ياعم هاني

[SoFiMaN]

موضوع ان مفيش اضاءة بالليل غير الليد فكرة مش ظريفة اوي.. ففعلا لو ينفع تشتغل يبقى هايل!

[mostafa magdy]

أعتقد هتبقي حلوه أوي يا باش مهندس .. منتظر الموضوع اللي هتقولنا فيه نعمل إيه عشان نوصلها :d
بتفاجئني كتير الصراحه :))

[ahmedelfeky]

انا خدت بالي قبل كده منها وفعلا استنتجت انها نور الطابلوه للفئات اللي مفيهاش ليدات بس أنا رأي انها كده اشيك والليدات لوحدها منوره افضل

وعلي فكره اللمبه راكبه اساسا يعني اللي عاوز يشغلها هيخليهم يوصلوا كهربتها مش هيحتاج لمض

[dr_ahmed80]

بتاخدو بالكو انتو بسم الله ماشاء الله
ده لو واحدة بتفلى بنتها مش تاخد بالها كده
نمسك الخشب