مشكلة فى الفيس ليفت

[ميدو الشريف]

أنا استلمت الفلوانس من 4 أيام تقريبا ....انطباعى عنها ككل عربية جميلة جدا بس كان عندى كام مشكلة كده لو حد عنده فكرة ياريت يفدنى فيهم :
1-صوت غريب بيظهر أما اعدى ال 80 ف هواية التكييف اليمين بس فضل يومين و اختفى لوحده
2-العفشة حاسسها ناشفة بالنسبة للانسر اللى معايا بس لسة ما ظبطش ضغط الهوا
3-الكاسيت بقى أول حاجة مش لاقى الshuffle فيه و دى حاجة أساسية بالنسبالى
مفيش تحكم ف الfolders من الدريكسيون و مفيش زرار ok

غير كده العربية كويسة جدا سحبها كويس.. تكيفها ممتاز ... ثباتها كويس جدا...تستحق الفلوس اللى ادفعت فيها

[Hany Saad]

أنا استلمت الفلوانس من 4 أيام تقريبا ....انطباعى عنها ككل عربية جميلة جدا بس كان عندى كام مشكلة كده لو حد عنده فكرة ياريت يفدنى فيهم :
1-صوت غريب بيظهر أما اعدى ال 80 ف هواية التكييف اليمين بس فضل يومين و اختفى لوحده
2-العفشة حاسسها ناشفة بالنسبة للانسر اللى معايا بس لسة ما ظبطش ضغط الهوا
3-الكاسيت بقى أول حاجة مش لاقى الshuffle فيه و دى حاجة أساسية بالنسبالى
مفيش تحكم ف الfolders من الدريكسيون و مفيش زرار ok

غير كده العربية كويسة جدا سحبها كويس.. تكيفها ممتاز ... ثباتها كويس جدا...تستحق الفلوس اللى ادفعت فيها

أولاً ألف مبروك الفلوانس و ربنا يديك خيرها و يكفيك شرها
بالنسبة لأستفسارات حضرتك:
1- طالما الصوت راح لوحده يبقى تمام
2- الكاوتش بيجى منفوخ بغباء علشان ميريحش و هتلاقى كل عجلة مقاس و منفوخ فوق ال 40....روح عند بتاع كاوتش كويس أضبط أمامى 32 و خلفى 29 و يا سلام لو تحط نيتروجين...هتلاقى العفشة لوز العنب.
3-فيه خاصية Random جوه Audio Setting ...علم عليها صح و عيش و متنساش تظبط باقى ال audio settings علشان بيفرق جداً فى جودة الصوت و قوته....
موضوع الfolders و ال Ok من الطارة حتى الأن ملهمش حل و جارى البحث عن حل لهم

مبروك مرة أخرى و أهلا بيك مع الوحوش و تحت أمرك فى أى إستفسار

[ميدو الشريف]

ألف شكر لحضرتك.. الله يبارك فيك و يكفينا شر العربيات :)
أكيد طبغا من غير ما تقول ... أنا جبت العربية أساسا على كلامكو عليها :d

[miceg]

انزل فيت اند فيكس
وفرغ الهواء من الكاوتشات
وحط نيتروجين
واظبط العجل ألامامي على 32 والخلفى 29
ساعتها هتلاقي العفشة إختلفت شكلا وموضوعااااااا

[mostafa magdy]

الف مبروك العربيه و كنت داخل ارد بس لاقيت الباش مهندس هاني Meggieboy فينفعش أتكلم بعده :D
أهلا بيك في اسره الفلوينس ..

[Hany Saad]

الف مبروك العربيه و كنت داخل ارد بس لاقيت الباش مهندس هاني meggieboy فينفعش أتكلم بعده :d
أهلا بيك في اسره الفلوينس ..

يا دكتور دايماً بتحرجنا بذوقك
ان شاء الله تكون غيرت الزجاج الخلفى على خير و تكون اخر المشاكل مع الفلوانس