محتار اختار مين فيهم هما الاتنين عاجبني

[elostaz13]

السلام عليكم
كنت عاوز ياريت رائي اعضاء قسم رينو لاني بجد خلاص قربت اتجنن ومش عارف اختار انا عايش حاليا في الكويت وفي عرض قوي على الفلوانس الخليجي هي موتور وجير نيسان مع اختلاف فقط في شكل المقدمة عن الفيس لفت الجديدة في مصر ومحتار بينها وبين نيسان سنترا الجديدة وللعلم السنترا هنا سعرها اازيد من الفلوانس بفرق بسيط لان نيسان ليها سوق ااكتر في الخليج ونادرا لما حد يشتري رينو هنا لان السنترا لسة منزلتش مصر وااعتقد هاتنزل بسعر مبالغ فيه فياريت رايكم اشتري الفلوانس رغم اختلاف شكل المقدمة وهنا موجود ثلاث فئات منها ورايكم ااخد الفئة التانية والا الفل اوبشن الفرق مبينهم الفل تزيد رنجات 17 وفرش بيج وتكييف تاتش وفتحة سقف وسينسور امامي وخلفي اما الفئة التانية فيها رنجات 16 ومثبت سرعة وكشافات ضباب وتحكم سكان وتكييف عادي واشارات بالمرايا الفرق بين الفئتين تقريبا 15 الف جنيه مصري بس ااكيد هاتزيد في الجمارك لما اانزل بيها بعد كام سنة فاانا ميال للفئة التانية ماعدا ان لون الفرش هايكون ااسود وانا بعشق البيج بس ممكن ابقى اافصل لها بيج بعد كدة فياريت تفيدوني اخليني في الفلوانس وهاتكون معمرة والا نيسان سنترا اافضل وانا استبعدت الكورولا لان الخليجي نزلت فاضية وبالفتيس القديم للشكل السابق ارجو منكم النصيحة لان عروض الاسعار هنا مغرية خلال شهر مارس وانا هاستخدم العربية هنا تلات او اربع سنين واانزل بيها مصر ومبفكرش في سعر اعادة البيع لاني هاستخدمها على طول فيهمني الاعتمادية واسعار قطع الغيار وتوافرها في مصر وهل فعلا قطع غيار نيسان تيدا ممكن تركب على الفلوانس لان الموتور نيسان معلش انا اسف طولت عليكم بس دل لحيرتي الشديدة

[kokowasfy]

صعب حد يفيدك الان الاتنين محدش يعرف عنهم حاجة و بلتوفيق

[insurancebroke]

بصراحه الاختيار صعب
بس لو العربية هتكون معاك هنا في مصر اعتقد النيسان

[haisam ali]

بس النيسان الموديل ده مانعرفش هنا فى مصر عنه أى حاجه وممكن ماينزلش ..... فإحنا هنستنوا شويه انا نشوفوا لو نزلت نقارن لو مانزلتش يبقى هتصورلنا العربيه الرينو دى من كل حته من بره ومن جوه ومن الموتور وتظبطنا صور نقوم نقدر ندلك على الفرق مابين اللى عندك ومابين اللى هنا فى مصر .... ومن رأيي الضعيف دائماً بقول وانت بتشترى عربيه زيرو ياتشتريها كامله كل حاجه ياما ماتشتريش بجد الكماليات حاجه تانيه خالص وبمعنى اخر عربيه تانيه خالص ومع الوقت لو مجبتهاش كامله هتندم صدقنى .... هذا وبالله التوفيق

[hanyyacot]

على فكرة النيسان سينترا نزلت فى معرض فورميولا . ومعروضة بس لسه ما اخدتش سعر . بيعرضوها ويشوفوا الطلب عليها . هى شكلها كويس من جوة ومن برة بس ماعرفش عنها حاجة . الفلوانس كويسة اوى . اقعد فى الاتنين وشوف هاتستريح لمين اكتر

[mostafa magdy]

الفلوينس اللي هنا اللي أعرفه إنه أختلاف شكل .. العربيه محترمه جدا
بس بصراحه معرفش النيسان خالص .. أتمني تلاقي حد يفيدك

[elostaz13]

دي صورة الفلوانس هنا ياريت بس حد يفدني هي نفس الفيس لفت اللي في مصر من ناحية الموتور والفتيس والتكييف لانهم من نيسان والفرق شكل المقدمة بس وانا بعت ايميل لشركة رينو بس للاسف لسة مجاش رد منهم عن الفروق بين الشكلين اين خبراء الرينو

[magomago]

.

انا اعرف ان فى ضمان على الفلوينس فى الكويت سارى فى مصر بيوصل لعشر سنوات ... ممكن تتاكد من الوكيل فى الكويت
ولكن لو موتور السنترا 1600 cc تبقى هى افضل ,,,, اللى خلى الجوك تنزل مصر يبقى اكيد السنترا هاتنزل هى كمان
وهاتنتشر

[walidzakzok]

هاتلك حتة سيراتو احسن من الكلام دة كله