إعـــــــلان

**alfa_we** · 03-10-2008, 04:06 AM

بالنسبة ليا
مفيش مكان اضمن من التوكيل وليه اكتر من فرع فى الجمهورية بس بتفضل مستنى شهرين تقريبا
الموصفات ممكن ترجعلها فى اللينك دا

البطاقة الفنية الكاملة للرينو لوجان - نايل موتورز - NileMotors.net

http://www.nilemotors.net/Nile/showthread.php?t=25545

الكاسيت شغال زى الفل عندى ومفهوش اى مشاكل
والحمد لله لغاية دلوقتى مفيش اى مشاكل او عيوب فى العربية
واى استفسار احنا معاك

**amr123** · 03-10-2008, 05:20 AM

اضمن مكان للشراء هو التوكيل طبعا لكن هتستنى كتير ...ممكن تسأل في احد الموزعين المعتمدين زي زكى و الطارق و شركة عربيات
الكاسيت عندى الحمد لله ممتاز و مفهموش مشكلة يعني دي مش مشكلة عامة

الفل اوبشن فيها ايرباج طبعا و على حد علمى كل اللوجان فيها
الي بيزيد في الفل اوبشن بردو على حد علمى و ممكن تتأكد بنفسك لحين اكون نسيت حاجة هو
زجاج خلفى كهربائى - مريات كهرباء - فوانيس شبورة - كرسي السائق مستوين - الشبكة الامامية بلون السيارة و (على ما اعتقد ) مساند رأس خلفى

لا اعتقد ان حضرتك محتاج خبراء ..انت بس جرب كل كبيرة و صغيرة فيها قبل ما تمشى و راجع الدهان كويس انه مفهموش جروح و لو بعد ما اخدتها عند ملحوظة التوكيل هيحلهالك

العيب الى انا شايفه فيها بأمانة وده رأى شخصى ممكن يكون في عربيتي بس صوت موتورها عالى و هي واقفة و بحس ان التكيف بيأثر شوية على سحبها خاصة على الغيرات البطيئة

وربنا يكرمك للخير - لو عايز رأي هات الفول اوبشن فرق ال 5 الاف مش كتير على الكماليات دي - ده لو تقدر طبعا
اتمنى اكون ساعدتك و كل سنة و انت طيب

**alfa_we** · 03-10-2008, 06:17 AM

اه صحيح انا حاسس ان صوت العربية عالى شوية حتى لو ماشى بيها

**hesham_tawfiq** · 03-10-2008, 05:24 PM

السلام عليكم وكل سنه وانتم جميعا بخير
زى مالاخوه كللهم هنا قالو عيوب العربيه صوتها العالى وهى واقفه وانا احب اضيف ان من عيوبها ان اللى سايقها مبيقدرش يحدد ابعادها من ورا لما ييجى يركن عشان الشنطه عاليه.
بالنسبه للسى دى التهنيجه اللى كانت عندى راحت خالص لوحدها وبالتالى اعتقد سبب المشكله فى الحر الشديد بس السى دى بيهنج.
وبالتوفيق ان شاء الله

**hesham_tawfiq** · 03-10-2008, 05:31 PM

نسيت اقول كمان ان ثبات العربيه بيقل بصوره ملحوظه بعد 120 بسبب انها عاليه عن الارض وان كان دا مش عيب بالنسبالى لانى عمرى مابوصل للسرعه دى اصلا
"مفيش حاجه مستاهله السرعه دى فالبلد دى "

**alfa_we** · 03-10-2008, 08:59 PM

المشاركة الأصلية كتبت بواسطة hesham_tawfiq مشاهدة المشاركة

نسيت اقول كمان ان ثبات العربيه بيقل بصوره ملحوظه بعد 120 بسبب انها عاليه عن الارض وان كان دا مش عيب بالنسبالى لانى عمرى مابوصل للسرعه دى اصلا
"مفيش حاجه مستاهله السرعه دى فالبلد دى "

كل سنة وانت طيب استاذ هشام
بس انا عايز اعرف الكلام دا عن تجربة ؟

**amr123** · 04-10-2008, 02:21 PM

كل سنة و انت طيب يا استاذ هشام ...

بس انا مش بحس بموضوع عدم ثبات العربية بعد 120 انا بجري بيها لحد 160 عادي الحمد لله
بس انا بتكلم على الجري الطوالى ...لكن ثبات المنحنيات انا مقدرش افتى فيه

**hesham_tawfiq** · 05-10-2008, 03:45 AM

السلام عليكم جميعا وكل عام وانتم بخير
الكلام دا طبعا عن تجربه
انا مشيت بيها عالسرعه دى عشان اجربها من ميدان جهينه لحد تادى اكتوبر ( اكيد البشمهندس عمرو عارف المنطقه دى فاضيه ازاى + ان الطريق هابط والهوا معايا) ودا لمجرد بس انى اجربها
اول ما وصلت للسرعه 120-130 انا حسيت ان العربيه ممكن تعوم منى فنزلت بالسرعه فورا
فعشان كده قللقت من الموضوع دا. عموما انا يرضه بكرر ان دا مش عيب بالنسبه ليا . انا بس كنت عاوز اعرف حدود العربيه

**alfa_we** · 05-10-2008, 05:13 AM

انا برضوا شايفها بتعوم بس فى المنحنيات على 130 / 140 كدة

**amr123** · 07-10-2008, 01:35 AM

انا اعتقد ان اي عربية جر امامى في الفئات المتوسطة دي طبيعي جدا انها تعوم على المنحنيات لو على سرعة عالية ..
انا المهم عندى الطوالى عشان السفر بس

و ربنا يستر

**Dream286** · 09-10-2008, 04:28 PM

ياترى ايه اخبار الباور .....؟؟؟

**amr123** · 09-10-2008, 07:40 PM

عادي الباور بتاعها عادى لا هو حلو قوى ولا تقيل قوى ...معقول

إعـــــــلان

.

استفسارات لمالكي رينو لوجان

استفسارات لمالكي رينو لوجان

Comment

Comment

Comment

Comment

Comment

Comment

Comment

Comment

Comment

Comment

Comment

Comment