ايه رأيكم في تركيب GPS tracking للفلوينس؟

[SoFiMaN]

السلام عليكم

من فترة و انا بفكر اركب GPS tracking اللي فيه خاصية توقيف العربية عن بعد لو لاقدر الله حصل اي حاجة بس كان مضايقني ان هيبقى حاجة متهربة مش رسمية, لحد ما لقيت اخيرا فودافون نزلة الخدمة باسم "عربيتي" للافراد من يومين و سعر اشتراكها 75جنيه شهريا و الجهاز 1400جنيه.. النقطة بقى هل التوكيل تفتكروا هيركبه ؟ ولا ايه و هل اي حد جربه ؟

[miceg]

اعتقد التوكيل مش هيركبه
وللأسف لو ركبته هيطلعو الضفيره من الضمان
ويارب حد تاني يفيدك

[saddam]

صديقي المواطن
أنا بركبه في عربياتي من 2011 بعد الثورة مباشرة ولا تقلق من موضوع متهرب ومش متهرب جهاز خارج الشركات الرسمثة أفضل وأسهل متابعته من بتاع اﻹتصالات وسيرفر مجانا مفيش إشتراك شهري غير باقة الموبايل وغالبا إتصالات عشان يبعتلك رسالة عن إحداثيات مكان السيارة غالبا حوالي 25 جنيه شهريا وأصلا التوكيل مش حيعرف مكانه عشان يطلعه بره الضمان وسعر اﻷجهزة المحترمة في كل مكان يبدأ من 1100 جنيه وحتى 1400 جنيه زمان كنا بنشتريه حتى ب 9 آلاف جنيه ومفيهوش مواصفات حتى وشهر ويعطل دلوأتي الدنيا إتطورت
عامة أنا كل الكلام ده مش مفيد أنا أهم حاجة تدور على جهاز به خاصية إنه يشغل نفسه مباشرة بعد إرجاع بطارية السيارة للعربية من غير الحاجة إنك تطلع الجهاز من مكانه الزري عشان تدوس زرار إعادة التشغيل وتكون توصيلاته ثابته بطريقة محترمة جدا جدا بحيث أي مطب ميخليش فيش الشاحن تتحرك والبطارية تبطل تشحن والجهاز يفصل بعد فترة يا ما عربيات إتسرقت بسبب العيببن دول وفيهم جي بي إس تراكر فإحذر وإنت بتشتري وجرب بعينك وأطلب منهم عالضمان إنك تعمل تجربة وتشيل بطارية العربية مثلا 3 أيام حتى بطارية الجهاز الداخلية تفصل شحن وتحط البطارية تاني بتاعت العربية فإن شغل الجهاز نفسه مباشرة فأنت في أمان وهو ده الجهاز المحترم غير كده فقولا واحدا فلوسك راحت عليك وإنت إنتهيت خلاص
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال