إعـــــــلان

Collapse

.

,
See more
See less

تم حجز فلوانس :)

Collapse
X
 
  • Filter
  • الوقت
  • Show
Clear All
new posts

  • #16
    في البدايه ألف مبروك و أختيار موفق .. و لون ما شاء الله ولا أروع
    عند الأستلام شيك علي العربيه كويس أي خدش أي حاجه مش عجباك متستملش .. شوف الأستبن هو هيبقي جنط حديد عادي مش زي الجنوط اللي في العربيه راكبه يعني !
    و شوف شنطه عدتك اللي مع العربيه و الظمان و الكتالوجات
    أسأل علي أقرب بنزينه عشان العربيه هتبقي فاضيه خالص
    لو في بتاع كاوتش كويس ظبط عنده نيتروجين .. الأمامي 32 و الخلفي 29

    و أخويا الأستاذ خالد عليك علق علي باقي النقط .. و ألف مليون مبروك

    Comment


    • #17
      و في حاجه كمان هتستلم كيس مسامير إحتياطي للعجل .. 20 مسمار
      و حاجه كمان ممكن تفيد حضرتك

      إحتياطات استخدام العربيه في أول 1000 .. تكاثرت الأقاويل في المنطقه داهيه ..
      يعني الأفضل متعلاش بال Rpm عن 3 . أو متدوسش في السرعه عن 100 .. قالك يعني مصر الطريق بتاعها زي بتاع طوكيو كده أنا عندي لما بجيب 70 بتخض .. و بقول الطريق فاضي أوي كده ليه
      التكييف .. كلام التوكيل إستخدمه عادي من أول يوم .. المفروض في أول 1000 متستخدموش .. و الدنيا لسه برده تمام فسيب العربيه تاخد وقتها
      الموتور معمول له تليين أصلا
      في نقطه مهمه أوووووووووووووووووووووووووووووووووووووووي
      أكشف علي زيت العربيه و أنت في المعرض .. و لو حد ضحك عليك متزعلش .. لأني حصل معايا مشكله بسبب الموضوع ده .. لو مش واصل لحد اخر حته مشرشره أبقي روح التوكيل يزوده لك .. الموضوع بسيط
      طريقه تانيه و أنت بتدور العربيه .. هتلاقي الكمبيوتر بيقولك Checking system دوس علي الزار اللي بيقلب فوق و تحت في الكمبيوتر هتلاقي Oil level OOOOOO و بنفس الشكل لو الدواير كلها بيضاء ناصعه إنت في امان و زيتك مليان حنان .. لو في واحده حتي ناقصه يبقي الزيت محتاج يتزود لأنه هيقعد معاك لحد ال 10000
      خليك حونين ع العفشه في أول ألف .. و ربنا يبارك لك فيها .. و الف مليون مبروك .. حقيقي أنا فرحان لك أوي

      Comment


      • #18
        المشاركة الأصلية كتبت بواسطة mostafa magdy مشاهدة المشاركة
        و في حاجه كمان هتستلم كيس مسامير إحتياطي للعجل .. 20 مسمار
        و حاجه كمان ممكن تفيد حضرتك

        إحتياطات استخدام العربيه في أول 1000 .. تكاثرت الأقاويل في المنطقه داهيه ..
        يعني الأفضل متعلاش بال rpm عن 3 . أو متدوسش في السرعه عن 100 .. قالك يعني مصر الطريق بتاعها زي بتاع طوكيو كده أنا عندي لما بجيب 70 بتخض .. و بقول الطريق فاضي أوي كده ليه
        التكييف .. كلام التوكيل إستخدمه عادي من أول يوم .. المفروض في أول 1000 متستخدموش .. و الدنيا لسه برده تمام فسيب العربيه تاخد وقتها
        الموتور معمول له تليين أصلا
        في نقطه مهمه أوووووووووووووووووووووووووووووووووووووووي
        أكشف علي زيت العربيه و أنت في المعرض .. و لو حد ضحك عليك متزعلش .. لأني حصل معايا مشكله بسبب الموضوع ده .. لو مش واصل لحد اخر حته مشرشره أبقي روح التوكيل يزوده لك .. الموضوع بسيط
        طريقه تانيه و أنت بتدور العربيه .. هتلاقي الكمبيوتر بيقولك checking system دوس علي الزار اللي بيقلب فوق و تحت في الكمبيوتر هتلاقي oil level oooooo و بنفس الشكل لو الدواير كلها بيضاء ناصعه إنت في امان و زيتك مليان حنان .. لو في واحده حتي ناقصه يبقي الزيت محتاج يتزود لأنه هيقعد معاك لحد ال 10000
        خليك حونين ع العفشه في أول ألف .. و ربنا يبارك لك فيها .. و الف مليون مبروك .. حقيقي أنا فرحان لك أوي
        شوفت بقه التمييز يا دكتور مصطفى....حضرتك طلعت غالى قوى عند رينو و بعتنلك كيس مسامير.....انا بقى لا استلمت مسامير و لا حاجة....هنبقى نستلف منك لما نحتاج :)؛)
        م/هانى سعد
        Meggieboy سابقا
        [SIGPIC][/SIGPIC]

        Comment


        • #19
          المشاركة الأصلية كتبت بواسطة ahmedjumaa مشاهدة المشاركة
          أهلا بيك

          للاسف شوفت الوان الاسود أكثر من مره لايوجد به أقتناع
          وأكثر ما شدني بهذه الوان الوان الشامبين أو الموكاً

          لذلك كما أوضحت أفكر فى عمل حجز للوان + أطلع بفئة 188 الف بدلاً 178 الف

          والفرق أتوقع سيكون بسيط
          أحمد بيه....طبعاً لو فرق ال10 الاف جنيه تقدر عليه يبقى اشجعك تعلى الفئة من قلبى....هتاخد ٦ايرباجز بدل ٢ و دول لوحدهم يزيدوا عن الفرق ده و كمان هتاخد فرش جلد كامل فى منتهى الشياكة بتاع الفابريكة و زينون أصلى مع غسيل كشافات مع ضبط تلقائى لأرتفاعه
          الكماليات الزيادة تستاهل و انت مبتشتريش عربية جديدة كل يوم...يبقى متع نفسك لو تقدر
          اشجعك كمان تتمسك بلونك اللى عاجبك اللى هو الموكا و متغيرهوش علشان متزعلش كل اما تشوفه فى الشارع....الموضوع ده بيضايق جداً
          لو مش مرتبط بمعرض الأبيض عن طريق بنك او غيره يبقى تكلم الموزعين الكبار زى سمير ريان و المصرية و محمد زكى و التوكيل نفسه و تسأل على الموكا الهاى لاين و تقولهم انك جاهز و هتلاقيهم خلقولك واحدة من تحت الأرض

          لو فعلاً مفيش يبقى مقدمكش غير الأنتظار و لكن لاحظ الأتى
          الفئة الهاى لاين و لأنها اسبيشيال اوردر مش دايماً بتيجى فى كل رسالة علشان المصنع مش بيوفرها كتير و ممكن تيجى و متجيش باللون اللى انت عايزه
          اسف انى بزيد حيرتك و لكن انا بكشفلك السوق عامل ازاى
          انا استنيت ٦ شهور علشان استلم اسود هاى لاين

          ان شاء الله تتوفق فى واحدة بسرعة و تفرح بيها و تفرحنا معاك و مبروك مقدماً
          تحياتى
          م/هانى سعد
          Meggieboy سابقا
          [SIGPIC][/SIGPIC]

          Comment


          • #20
            انا خدت كيس مسامير بتوع الاستبن 5 مسامير بس مش 20 يادكتور مصطفي يامتظبط اسيادنا راضين عنك
            [SIGPIC][/SIGPIC]

            Comment


            • #21
              المشاركة الأصلية كتبت بواسطة ahmedjumaa مشاهدة المشاركة
              السلام عليكم ورحمة الله وبركاته

              أهلا بكم

              أخيراً تم حجز فلوانس فئة 178
              كنت حابب أجيب فئة 188 ولكن للاسف كانت ليس متوفراً

              تم أختيار الون موكا + من معررض الابيض

              هل هناك شئ يجب عمله عند الاستلام ؟
              وماهي نصائحكم ؟

              أيضاً أعلم أن الدفعات الاخيرة فيها 4 بصمات لليد هل هذه صحيح ؟

              تحياتي
              الف مبروك يا احمد بيه وتمسك باللي انت عاوزه واستناه احسن
              [SIGPIC][/SIGPIC]

              Comment


              • #22
                المشاركة الأصلية كتبت بواسطة Meggieboy مشاهدة المشاركة
                شوفت بقه التمييز يا دكتور مصطفى....حضرتك طلعت غالى قوى عند رينو و بعتنلك كيس مسامير.....انا بقى لا استلمت مسامير و لا حاجة....هنبقى نستلف منك لما نحتاج :)؛)

                يا باشا مساميري كلها تحت أمرك

                Comment


                • #23
                  باشا العربيه مفيهاش دواسااااااااااااااااااااااات .. أنا أخدت دواسات هديه :d
                  فلو تعرف تاخد معاك طقم دواسات كده جديد و حضرتك بتستلم هتبقي عملت معروف في نفسك ..
                  أنا عايز أقولك إن الموكيت " مبيستورش " #عمرو_أديب_ستايل :))))))

                  Comment


                  • #24
                    المشاركة الأصلية كتبت بواسطة ahmedelfeky مشاهدة المشاركة
                    انا خدت كيس مسامير بتوع الاستبن 5 مسامير بس مش 20 يادكتور مصطفي يامتظبط اسيادنا راضين عنك

                    بعد النق ده .. لا يساعني إلا أن اقول بعلو صوتي " أين مساميري "
                    #أين_أشيائي

                    Comment


                    • #25
                      أنا اسف في حلقه وقعت مني .. موضوع إن اللون أصبح غير متوافر و هتعمل Special Order ..
                      أضم صوتي لصوت العقل الباش مهندس هاني ..
                      و فعلا هات الفئه اللي إنت حاببها و اللون اللي إنت حابه و مش مشكله حضرتك تستني شويه مع إني عارف أد أيه ده صعب و كل واحد و ظروفه .. أنا جبت ال Oyster Grey عن قمه الأقتناع و كان داخل دماغي الموكا .. و كل ما أشوفه أحس إن كان نفسي أجيبه ..
                      تقول إيه بقا ع الطمع :D

                      Comment


                      • #26
                        شكراً لكم جميعاً قد أسعدني مروكم :)
                        أيضاً هناك أستمتاع من النقاش :d

                        تم الاتصال اليوم بالمعرض وتحديد 3 ألوان من اللي أنا حابيبهم كا || الموكا - الشامبين - الرمادي ||
                        وأن شاء الله هتصل الساعه 5 ونلاقي الوان اللي طلبتها

                        أو أن شاء الله عمل أسبيشل اوردر علي فـئة 188 الف بالون الموكا أو الشامبين أو الرمادي

                        وإن شاء الله خير ،

                        أشكركم مره ثانية

                        تحياتي .

                        Comment


                        • #27
                          ربنا يكرم يا أحمد باشا و منتظرين علي أحر من الجمر .. تقرير إستلامك الجميل ..
                          و مستعد أن ابقي علي هذا الجمر لو هتعمل Special Order .. المهم يكون سعادتك مبسوط :)

                          Comment


                          • #28
                            المشاركة الأصلية كتبت بواسطة mostafa magdy مشاهدة المشاركة
                            ربنا يكرم يا أحمد باشا و منتظرين علي أحر من الجمر .. تقرير إستلامك الجميل ..
                            و مستعد أن ابقي علي هذا الجمر لو هتعمل special order .. المهم يكون سعادتك مبسوط :)
                            ربنا يخليك يأمصطفي بية تسلملي أنا أيضاً علي أحر من الجمر حقيقة
                            حأبب أدخل فى مجال المنافسة خصوصاً مع الساحره فلوانس ...

                            وبالطبع الفضل لله ثم لكم لاختياري هذه السيارة ...

                            تحياتي

                            Comment


                            • #29
                              الحمد الله :)

                              تم حسم القرار بشراء الفضي :d وأمري لله بعد الاطلاع عليه أعجبني جداً وقريب من الشامبين

                              بعد بكرة الاستلام إن شاء الله

                              أيضاً أرائكم بخصوص الوان الذي تم أختيارة

                              Comment


                              • #30
                                المشاركة الأصلية كتبت بواسطة AhmedJumaa مشاهدة المشاركة
                                الحمد الله :)

                                تم حسم القرار بشراء الفضي :d وأمري لله بعد الاطلاع عليه أعجبني جداً وقريب من الشامبين

                                بعد بكرة الاستلام إن شاء الله

                                أيضاً أرائكم بخصوص الوان الذي تم أختيارة
                                انا معايا الفضي ولغايه دلوقتي مش شايف احسن منه بالنسبه ليا (انا كان متاح ليا كل الالوان وقت الحجز) واستنيت 3 شهور وكنت مصمم علي الفضي لان الشبكه االاماميه بلونها الاسود مع الجنوط مع الفرش الداخلي (رمادي xأسود )علي اللون الفضي تحفه مبروك ان شاء الله وتستلم علي خير
                                [SIGPIC][/SIGPIC]

                                Comment

                                Working...
                                X