Tweet
بداية علشان مبقاش عامل زى باسم يوسف...الموضوع أتفتح فى قسم تويوتا كان عضو بيسأل أسخن و لا لأ و أنا رديت عليه هناك و قلت حبايبنا الوحوش هنا برده لازم نقولهم على المعلومة للإفادة.....
السؤال الذى يطرح نفسه لكثير من الأعضاء: أسخن قبل ما أطلع الصبح و لا أدور و أطلع على طول؟؟
أنا بقولك دور و أطلع على طول و أوعى تسخن.....
أركب عربيتك....شغل كاسيتك على برنامجك أو أغنيتك المفضلة....أفتح شباكك أو تكييفك و أربط حزامك و أنطلق....بس حاسب متنطلقش قوى فى الأول....أستنى متقرصش على الموتور و لا تعدى 3000 لفة لغاية أما يسخن و مؤشر الحرارة يوصل للمستوى المظبوط بتاعه و ساعتها طير يا كبير......
لازم نبقى عارفين أن عندنا فى العربيات الجديدة زيوت تخليقية و دى من أهم مميزاتها أنها عالجت مشكلة كبيرة و هى تأكل أجزاء المحرك عند بداية الدوارةنتيجة الأحتكاك فى الأجزاء مع عدم وصول الزيت ليها.....طبعاً دى كانت مشكلة مزمنة فى الزيوت المعدنية أنها بتتجمع تحت خالص لما العربية تبرد و لما تيجى تدور تانى يوم بيشتغل المحرك كام لفة على ما الزيت يلف فى دورته و حرارته تزيد فلوزجته تقل و يزيت كافة الأجزاء.....فى الزيوت التخليقية بقى بتسيب طبقة رقيقة على أجزاء المحرك (تشميع) قوم بقى الصبح و أنت بتدور يقل الأحتكاك لوجود هذه الطبقة و التأكل يقل....جميل بس مش هنا المشكلة اللى علشانها بنمشى على طول دون داعى للتسخين......
الأهم هو ال Catalytic Converter أو المحفز أو زى ما بيطلق عليه " علبة البيئة" الموجود فى الشكمان فى كل العربيات الحديثة (مش الحديثة قوى.. يعنى من 2005 كده و أنت طالع) و الذى بيعمل على تقليل الأنبعاثات الضارة الناتجة من الحرق و تحويلها إلى أنبعاثات أقل ضرراً بحيث يبقى خليط الأحتراق الخارج من العادم فى الحدود المقبولة.....أو زى ما بيقولوا صديق للبيئة....يعنى بيحول CO إلى CO2 و هكذا....
عند تسخين السيارة بدون حركة بيكون الحرق سىء جداً ونسبة البنزين الغير كامل الأحتراق عالية جداً و ده بيأذى جداً جداً المحفز و يقلل بشدة من عمره الأفتراضى.....
يبقى الخلاصة أيه: دور عربيتك الصبح و أطلع على طول و ما تسخنش.....
تحياتى للجميع
السؤال الذى يطرح نفسه لكثير من الأعضاء: أسخن قبل ما أطلع الصبح و لا أدور و أطلع على طول؟؟
أنا بقولك دور و أطلع على طول و أوعى تسخن.....
أركب عربيتك....شغل كاسيتك على برنامجك أو أغنيتك المفضلة....أفتح شباكك أو تكييفك و أربط حزامك و أنطلق....بس حاسب متنطلقش قوى فى الأول....أستنى متقرصش على الموتور و لا تعدى 3000 لفة لغاية أما يسخن و مؤشر الحرارة يوصل للمستوى المظبوط بتاعه و ساعتها طير يا كبير......
لازم نبقى عارفين أن عندنا فى العربيات الجديدة زيوت تخليقية و دى من أهم مميزاتها أنها عالجت مشكلة كبيرة و هى تأكل أجزاء المحرك عند بداية الدوارةنتيجة الأحتكاك فى الأجزاء مع عدم وصول الزيت ليها.....طبعاً دى كانت مشكلة مزمنة فى الزيوت المعدنية أنها بتتجمع تحت خالص لما العربية تبرد و لما تيجى تدور تانى يوم بيشتغل المحرك كام لفة على ما الزيت يلف فى دورته و حرارته تزيد فلوزجته تقل و يزيت كافة الأجزاء.....فى الزيوت التخليقية بقى بتسيب طبقة رقيقة على أجزاء المحرك (تشميع) قوم بقى الصبح و أنت بتدور يقل الأحتكاك لوجود هذه الطبقة و التأكل يقل....جميل بس مش هنا المشكلة اللى علشانها بنمشى على طول دون داعى للتسخين......
الأهم هو ال Catalytic Converter أو المحفز أو زى ما بيطلق عليه " علبة البيئة" الموجود فى الشكمان فى كل العربيات الحديثة (مش الحديثة قوى.. يعنى من 2005 كده و أنت طالع) و الذى بيعمل على تقليل الأنبعاثات الضارة الناتجة من الحرق و تحويلها إلى أنبعاثات أقل ضرراً بحيث يبقى خليط الأحتراق الخارج من العادم فى الحدود المقبولة.....أو زى ما بيقولوا صديق للبيئة....يعنى بيحول CO إلى CO2 و هكذا....
عند تسخين السيارة بدون حركة بيكون الحرق سىء جداً ونسبة البنزين الغير كامل الأحتراق عالية جداً و ده بيأذى جداً جداً المحفز و يقلل بشدة من عمره الأفتراضى.....
يبقى الخلاصة أيه: دور عربيتك الصبح و أطلع على طول و ما تسخنش.....
تحياتى للجميع
Comment