فلوانس فيس ليفت....اعلى سيدان فى مصر

[Hany Saad]

انهارده كنت بركن عند الشغل و نزلت ببص لقيت العربية من الجنب فوق الرصيف....العجل مطلعش على الرصيف

لأ العتب هو اللى طلع فوق الرصيف!!!!!!!!!!!!!!!!!!!!!!!!!!!!!



دى المسافة ما بين عتب الفلوانس و الرصيف.........
لو دى كانت عربية تانية كان العتب راح فى داهية

[AhmedJumaa]

هههههههههههه كل مدي كل ما بتشوق أكتر :d

وده كان أحد أسباب أيضاً اختياري وربنا يوفقنا فى الوان اللي عملي أزمه داخليا ده :d

[Hany Saad]

هههههههههههه كل مدي كل ما بتشوق أكتر :d

وده كان أحد أسباب أيضاً اختياري وربنا يوفقنا فى الوان اللي عملي أزمه داخليا ده :d

تستلم على خير ان شاء الله يا احمد بيه و ان شاء الله يطلع اللون على ذوقك و تنبسط من العربية....

[AhmedJumaa]

تستلم على خير ان شاء الله يا احمد بيه و ان شاء الله يطلع اللون على ذوقك و تنبسط من العربية....

يارب

كلها بكرة ونستلم قبل ما يحصلي حاجه

[Mohamed.Hany]

مش مستاهلة قوي ده رصيف قصير و اي عربية جنبه تبقي عالية، ليك عليا بكرة و انا رايح الشغل اصورلك صورة زي دي بالظبط يا هندسة.
اعلي سيدان في مصر هي تويوتا كوروﻻ 2013 بارتفاع 17.5 سم.
حتي بص

http://www.gaadi.com/Toyota-Corolla+Altis-ground-clearance

[Hany Saad]

مش مستاهلة قوي ده رصيف قصير و اي عربية جنبه تبقي عالية، ليك عليا بكرة و انا رايح الشغل اصورلك صورة زي دي بالظبط يا هندسة.
اعلي سيدان في مصر هي تويوتا كوروﻻ 2013 بارتفاع 17.5 سم.
حتي بص
Toyota Corolla Altis Ground Clearance | Problem and Solution | Gaadi.com

اسأل اى واحد اسكندرانى عن الرصفان الجديدة الأسمنت اللى اتعملت من كام سنة ايام المحافظ عادل لبيب و قولة ارتفاعهم عامل ازاى و كام عربية ضيعت العتب بتاعها منهم و انت هتفهم قصدى ايه
الرصفان دى استاندرد فى اسكندرية كلها....اسألهم ينفع يفتح حتى باب عربيته و هو راكن جنب الرصيف
ساعتها هتعرف انا قصدى ايه

[Mohamed.Hany]

اسأل اى واحد اسكندرانى عن الرصفان الجديدة الأسمنت اللى اتعملت من كام سنة ايام المحافظ عادل لبيب و قولة ارتفاعهم عامل ازاى و كام عربية ضيعت العتب بتاعها منهم و انت هتفهم قصدى ايه
الرصفان دى استاندرد فى اسكندرية كلها....اسألهم ينفع يفتح حتى باب عربيته و هو راكن جنب الرصيف
ساعتها هتعرف انا قصدى ايه

مدام الفلوانس عدت منها يبقي اكيد الكوروﻻ هتعدي عشان الكوروﻻ اعلي من الفلوانس، و ربنا يستر علي عتب العربيات ولو ان مفيش قلق منه في الكوروﻻ عشان هو مصمم لما يتخبط بيتفك باربع مسامير و يتغير لا سمكرة بقي ولا رش ولا وجع قلب

[mostafa magdy]

شكرا يا باش مهندس هاني علي التقرير ..
الباش مهندس محمد .. أيام ما كان معايا الكورولا 2013 مكنتش مهتم أوي بصراحه أعرف ال Ground Clearance .. لكن كانت بتحك مني كتير في مطبات و مطلع الجراج بتاعي .. لكن الحمد لله الفلوينس ولا الهوا فعلا ..
و أيان كان كل عربيه فيها الحلو و الوحش .. حتي الكورولا ال 2013 ..
و تقبل تحياتي الخااالصه

[Hany Saad]

مدام الفلوانس عدت منها يبقي اكيد الكوروﻻ هتعدي عشان الكوروﻻ اعلي من الفلوانس، و ربنا يستر علي عتب العربيات ولو ان مفيش قلق منه في الكوروﻻ عشان هو مصمم لما يتخبط بيتفك باربع مسامير و يتغير لا سمكرة بقي ولا رش ولا وجع قلب :s_thum1[1]:

يا باشا محنا عارفين طبعاً....الكورولا سواء 2013 او2014 احسن و اعلى عربيات فى مصر

[miceg]

نفس الموقف حصل معايا
كنت مش لاقي ركنة تحت البيت
وجيت أركن عند مسجد والرصيد مكنش مستوي وكان طالع منه جزء على الحرف زي مثلث كده وانا برجع ومش واخد بالي من الحرف
لقيت الحرف تحت العتب
طبعا اترعبت من المنظر
لكن ببص أصلا مافيش حتى ولو همسة
ومش هنسى تعليق زميل كان راكب جوك
قاللي الفلوانس عربية سيدان اه بس كإني راكب كروس أوفر

[miceg]

مش مستاهلة قوي ده رصيف قصير و اي عربية جنبه تبقي عالية، ليك عليا بكرة و انا رايح الشغل اصورلك صورة زي دي بالظبط يا هندسة.
اعلي سيدان في مصر هي تويوتا كوروﻻ 2013 بارتفاع 17.5 سم.
حتي بص
Toyota Corolla Altis Ground Clearance | Problem and Solution | Gaadi.com

ده قبل ماتخلي ضغط الكاوتش 34 و 38 ولا بعد

[Mohamed.Hany]

ده قبل ماتخلي ضغط الكاوتش 34 و 38 ولا بعد

ده و الكاوتش 30 وده كلام الموقع اللي بيقول الفلوانس 16.8 بيقول الكوروﻻ 17.5

[ahmedelfeky]

مش مستاهلة قوي ده رصيف قصير و اي عربية جنبه تبقي عالية، ليك عليا بكرة و انا رايح الشغل اصورلك صورة زي دي بالظبط يا هندسة.
اعلي سيدان في مصر هي تويوتا كوروﻻ 2013 بارتفاع 17.5 سم.
حتي بص
Toyota Corolla Altis Ground Clearance | Problem and Solution | Gaadi.com

منور ياهندسه انا بيتهيئلي مهندس هاني يقصد بالنسبه ل 2014 وبعدين كورولا 2013 عربيه فقيره مقارنه بالفلوانس 2014 اكيد 0.7 سم مش هيفرق ساعتها وقت الشراء مش 2013 دي برضه الجنوب افريقي اللي فيها مشاكل في الفتيس ولا لأ؟؟؟؟ انا مش متذكر بصراحه

[Mohamed.Hany]

منور ياهندسه انا بيتهيئلي مهندس هاني يقصد بالنسبه ل 2014 وبعدين كورولا 2013 عربيه فقيره مقارنه بالفلوانس 2014 اكيد 0.7 سم مش هيفرق ساعتها وقت الشراء مش 2013 دي برضه الجنوب افريقي اللي فيها مشاكل في الفتيس ولا لأ؟؟؟؟ انا مش متذكر بصراحه

2010 اللي جنوب افريقي و هي مش مشكلة فتيس هي نوع فتيس جديد الناس متعودتش عليه ففشل و اللي حب يغيرة تويوتا غيرتهوله ببلاش حتي لو خارج الضمان.
انا عارف ان كوروﻻ 2013 قليلة في الاوبشنز بس بشمهندس هاني مجبش سيرة كوروﻻ 2013 ولا 2014 هو قال اعلي سيدان في مصر عشان كدة قلت ان كوروﻻ 2013 سيدان و اعلي مش اكتر.

[miceg]

احنا فسنة كام
2014
مالنا بقا ومال 2013
يعني تبقا في موديلات 2014 ملعلطة ونبص ل 2013 ليه bm هههههههههههههههه