الحمد لله استلمت الفلوانس

[mrashadnt]

الحمد لله استلمت عربيتي الفلوانس فئة e3 s اللون موكا امبارح دعواتكم للي ان ربنا يسترها معايا .
أول ما استلمت العربية وسوقتها كنت هايب سواقتها جدا وخصوصا اني كنت راكب لانوس فكأني قاعد في الشارع كاشف كل حدود العربية انما الفلوانس لأ ... المهم أنا عندي شوية استفسارات من الزملاء الكرام :
1- موضوع شهادة البيانات اللي بتطلع من مرور بين السرايات علشان الترخيص لازم أنا اللي أطلعها ولا التوكيل لاني حاسس بصراحة انهم بيلبسوني في الحيط وبيقولولي اني أنا اللي لازم أخلصها.
2-موضوع ال radio code بيقولوا لي لس مش عارفينه ف الراديو بيشتغل شوية وبعدين يفصل لوحده.
3- حاسس ان صوت التنبيه بتاع حساسات الركى واطي أوي ومش سامعه كويس فمش عارف ده طبيعي ولا ايه.

لس طبعا هتعرف على العربية أكتر واسمحوا لي أرخم على حضراتكم بقى بأسألتي وأنا شاكر جدا لحضراتكم

محمد رشاد

[ahmedelfeky]

الحمد لله استلمت عربيتي الفلوانس فئة e3 s اللون موكا امبارح دعواتكم للي ان ربنا يسترها معايا .
أول ما استلمت العربية وسوقتها كنت هايب سواقتها جدا وخصوصا اني كنت راكب لانوس فكأني قاعد في الشارع كاشف كل حدود العربية انما الفلوانس لأ ... المهم أنا عندي شوية استفسارات من الزملاء الكرام :
1- موضوع شهادة البيانات اللي بتطلع من مرور بين السرايات علشان الترخيص لازم أنا اللي أطلعها ولا التوكيل لاني حاسس بصراحة انهم بيلبسوني في الحيط وبيقولولي اني أنا اللي لازم أخلصها.
2-موضوع ال radio code بيقولوا لي لس مش عارفينه ف الراديو بيشتغل شوية وبعدين يفصل لوحده.
3- حاسس ان صوت التنبيه بتاع حساسات الركى واطي أوي ومش سامعه كويس فمش عارف ده طبيعي ولا ايه.

لس طبعا هتعرف على العربية أكتر واسمحوا لي أرخم على حضراتكم بقى بأسألتي وأنا شاكر جدا لحضراتكم

محمد رشاد

الف مبروك الاستلام وربنا يباركلك فيها

1-بالنسبه لمرور بين السرايات انا كنت مستلم من التوكيل برضه رحت طلعت الشهاده في نص ساعه مشوار سهل ومش محتاج تاخد العربيه معاك روح مواصلات افضل.

2-مش هقدر افيدك في دي انا استلمها بكود الراديو كان مكتوب علي المانيوال بتاع الكاسيت

3-انا معايا الفئه E3 بس اعتقد في اوبشن عندك بيعلي صوت الحساس قلب في القائمه بتاعه ال setting من دراع المساحات وان شاء الله الاعضاء اللي معاهم الفئه دي يأكدولك

[miceg]

أخي الكريم
الف ميلون مبروك
وربنا يديلك خيرها ويفكيك شرها ااااااااا امين
بالنسبة لشهادة البيانات فزميلي أ أحمد الفقي رد عليك فالجزئية دي
بالنسبة لصوت الباركينج سينسور في الدراع اللي على يمينك فالدركسيون على حرف الدراع زرار بتقدم بيه او بترجع بيه
هتقعد تقلب بيه لغايت ماتلاقي حاجة ظهرتلك فالشاشة اليمين بيقولك hold for settings فيما معناه يعني
هتضط ضغطة مطولة هتدخل على السيتسينج وهتدوس ضغطة صغيره لغايت ماتلاقي حاجة خاصه بال volume
ال default بتاعها 3 هتدخل عليها عن طريق ضغطة مطولة وهتختار رقم 5 وهتضغط ضغطة قوية عشان تعمل save
وبعدين هتخرج بره خالص عن طريق علامة back ضغطة مطولة أيضا
بالنسبة للكاسيت
كلم الوكيل دلوقتي خدمة العملاء واديهم رقم الشاسية هيعطيك الكود
طريقة إدخاله هي ألاهم لان اللي كلمني معرفش يقولي الخطوات كويس
الكود مكون من 4 خانات
الخانة الاولي خاصة بأول رقم فعشان تقف عليها هتدوس 1
الخانة الثانية هتدوس 2 وهكذا
طيب عشان تكتب 8 في أول خانة هتروح لاول خانه عن طريق ضط رقم الخانة ((1)) مثلا وبعدين تقلب الارقام عن طريق ال scroll اللي عالشمال بتاع الكاسيت هتلاقي الارقام بتتفير لغايت ماتختار الرقم اللي انت عاوزه
بعد ماتخلص خالص هتضغط رقم 6 ضغطة مطولة عشان تعمل confirm
ولو في حاجة انا تحت أمرك

[Hany Saad]

الحمد لله استلمت عربيتي الفلوانس فئة e3 s اللون موكا امبارح دعواتكم للي ان ربنا يسترها معايا .
أول ما استلمت العربية وسوقتها كنت هايب سواقتها جدا وخصوصا اني كنت راكب لانوس فكأني قاعد في الشارع كاشف كل حدود العربية انما الفلوانس لأ ... المهم أنا عندي شوية استفسارات من الزملاء الكرام :
1- موضوع شهادة البيانات اللي بتطلع من مرور بين السرايات علشان الترخيص لازم أنا اللي أطلعها ولا التوكيل لاني حاسس بصراحة انهم بيلبسوني في الحيط وبيقولولي اني أنا اللي لازم أخلصها.
2-موضوع ال radio code بيقولوا لي لس مش عارفينه ف الراديو بيشتغل شوية وبعدين يفصل لوحده.
3- حاسس ان صوت التنبيه بتاع حساسات الركى واطي أوي ومش سامعه كويس فمش عارف ده طبيعي ولا ايه.

لس طبعا هتعرف على العربية أكتر واسمحوا لي أرخم على حضراتكم بقى بأسألتي وأنا شاكر جدا لحضراتكم

محمد رشاد

الف مبروك محمد بيه...ربنا يديك خيرها و يكفيك شرها
طبعاً فرق ابعاد كبير ما بين الفلوانس و اللانوس...نصحتى ليك فى الاول ارفع الكرسى من الدراع بتاعه علشان تكشف الطريق كام يوم كده لغاية لما تاخد على الابعاد بتاعتها و ايضاً خد كل ملفاتك على الواسع ان شا الله لو على مرتين علشان ابعاد العربية ممكن تبقى خادعة فى الاول

بالنسبة لاستفسار المرور مش هقدر افيدك قوى
بالنسبة لكود الكاسيت تكلم بكرة التوكيل على 16202 و تكون معاك رقم الشاسيه بتاع العربية او رقم ال VIN اللى على البرابريز الأمامى تحت و هما هيملوك كود الكاسيت كام
كما اوضح العزيز احمد بيه الفقى يوجد خمس مستويات لصوت التنبيه و العربية بتيجى مظبوطة على المستوى التالت، من ال settings هتظبط الصوت على المستوى الخامس
الف مبروك مره اخرى
تحياتى

[mostafa magdy]

أهلا بك عضوا جديد في أسره الفلوينس الضخمه ..
ألف مليون مبروك .. أختيار موفق
بالنسبه للإستفساراتك ..
شهاده البيانات المعرض هو اللي عملها لي بصراحه .. بس هي سهل يعني علي ما أعتقد
الكود أتصل بفرينش موتورز- 01001237041 - 0226923165 في حدود الساعه 10 تكون ف يالعربيه هياخد منك رقم الشاسيه و يديك الكود و انت بتكلمه ..
صوت الحساسات بقا
شوفت كمبيوتر العربيه و الدراع اللي حضرتك بتقلب منه فوق و تحت !!؟؟
قلب لحد ما تجيب Settings تمام ..
دوس علي زرار اللي بيقلب لفوق او اللي لتحت بس Hold دوس عليه و خليك دايس ثواني كده هتلاقي قايمه تانيه أتفتحت ..
قلب فيها هتلاقي Sensor level و هو 5 مستويات .. هات أعلي حاجه و بس كده هتلاقي الدنيا ربيع و الحو بديع ..
ألف مليون مبروووووك يا فندم .. أدامها الله نعمه عليك ..

[mostafa magdy]

بعد ما كتبت الرد لاقيت خالد باشا و الباش مهندس المحترم هاني سعد رد .. لو كنت شفت الردود قبل ما اكتب كنت أتخرست .. معلش عندي دي :d

[miceg]

ههههههههههههههههههه
ده انا اللي أخرس عزيزي مصطفى بيه
ياباشا ده بيين سرعه دعم قسم رينوووووو
وانه الحمد لله دايما متواجد وفي خدمة ألاعضاء
وانا أقل واحد فيكم وبتعلم منكم جميعااااااااااا

[shiko85]

ربنا يديلك خيرها ويفكيك شرها

[hossam_osman1]

الف مبروك يا باشا
وربنا يباركلك فيها ويكفيك شرها
علي فكره احنا الاتنين طلعنا نفس الطلعه
انا برضه كنت راكب لانوس الاول وكنت حاسس بفرق رهيب في الابعاد ووضوح الرؤيه (علي رأيك كنت في اللانوس حاسس اني قاعد في الشارع ..هههه)
بس الاحساس ده هيروح بعد 3 او 4 ايام خروج متواصل بالعربيه ويفضل يكون في اماكن متدرجه من حيث الزحام وضيق الشوارع ... ونصيحه مني حاول انك تبعد عن اللانوس خالص خلال الفتره دي علشان متتبرجلش. وتختصر مده التعود علي زوايا وحجم العروسه الجديده .
ومليون مبروك انضمامك لاسره الفلوانس المحترمه

[miceg]

نصيحة أخرى
إذهب فورا لفرع من فروع بريدجيستون
هيرفع السيارة وهيفرغ العجل بالكامل من الهواء
واديها نيتروجين واظبط الكاوتش الامامي 32 والخلفي 29 او ممكن تخليهم كلهم 30
والموضوع ده هيكلفك حوالي 40 جنيه او نصف التكلفة لو معاك كارت نايل موتورز
هتلاقي العفشة ناعمة جدا لان المصنع بيخرج العربية العجل ضغطه 45
واوعى تعمل زي حبايبنا في قسم تويوتا وتوصل الضغط الامامي والخلفي 34 و 38
احنا في غنى عن كل ده لان العربية عالية جدااا مافيش كلام

[mostafa magdy]

خالد بيه
ـــــــــــــــــــــ
ملناش دعوه بحد يا موهيي :d

[miceg]

قصدك ان هنا كل واهد فهاله
ههههههههههههههههه

[J A G U A R]

ربنا يباركلك فيها ويحفظهالك

[mahmoud_ali]

الف مبروك ياباشا وربنا يسترها معاك

[mrashadnt]

أشكر لكل السادة الكرام أعضاء المنتدى شعورهم الطيب وتعاونهم ويا رب أكون في الفترة اللي جاية اضافة للمنتدى

أشكركم مرة أخرى