موضوع للإفاده .. للعبد لله و لجميع الأعضاء و مطلوب المساعده !

[mostafa magdy]

بسم الله ..

اللي حصل إني هحكلي الموضوع من الأول بإيجاز شديد ..
و انا ماشي بالعربيه الرينو فلوينس " فيس ليفت " كانت عامله 4000 كيلو فجأه ظهرتلي رساله " Top Up Your Oil Level " !!!!
عملت لهم مشكله قي التوكيل من الساعه 9 بالليل وقت حدوث الموضوع لحد 11 تاني يوم الصبح ..
رسيت إنهم بعتولي كساحه مخصوص تاخد العربيه ..
و تم تزويد زيت في التوكيل و قالولي هنشوفها بعد 1000 أو 1500 كيلو ..


في النص كده واجب إني أقول إن التوكيل كان محترم معايا و شفت كميه إتصالات من 10 أشخاص مختلفين علي الأقل بيطمنوا مني عملت إيه " من التوكيل نفسه " !!!

المهم بعد مرور 2000 كيلو يعني العربيه عامله 6000 حاليا !
لاحظت عن طريق عداد الزيت الديجتال إني بعد ألأف تقريبا " و العربيه علي 5000 كيلو " في كوره نزلت OOOOOo .. قلت يمكن عادي ..
و انا خلاص أيام و هروح التوكيل أعمل الصيانه و أخليهم يشوفوا العربيه بعد المشكله زي ما طلبوا لاقيت في كورتين نزلوا OOOOoo !!!

روحت عملت الصيانه و كله تمام .. لاقيت الكورتين اللي كانوا ناقصين اتملوا خلاص OOOOOO
مشكورا أخونا Meggieboy الباش مهندس هاني سعد .. نبهني للموضوع و قالي في حاجه مش تمام ..
يا إما تسريب زيت و هنلاقي الموتور شكله زي المواتير القديمه .. يا إما تنقيط زيت من تحت .. أو هتلاقي لون العادم غريب .. و الحمد لله ولا حاجه من دي حاصله
كلمت المهندس في التوكيل علي اللي حصل .. قالي إحنا كشفنا علي ضغط الزيت و كله تمام و مفيش أي حاجه في الموتور الحمد لله !! علي كلامه ..

انا الوقتي زي ما نصحني الباش مهندس هاني هروح أعمل أمر شغل و أثبت فيه مشكله نقص حاد في الزيت للمره التانيه .. و بقيس الزيت مانيوال كل يوم تقريبا هو اخر حاجه إنه أعلي حتي من ال Maximum بس المهندس بيقولي إننا بنزود شويه زيت في الصيانات الصغيره اللي هي 5000 و 15000 ..... etc

هل من مقترحات أثابكم الله

[bassem.naguib]

بنزود زيت في الصيانات الصغيرة ؟!!

في رأيي وفي الغالب أنها تهيسة سوفت على شاشة البيانات في التابلوه علشان المقاس كويس .

أو ممكن برضه تهيسة بسبب أن الزيت زيادة شوية زي ما بتقول

بس يا ريت تراعي عند قياس الزيت ان العربية تكون واقفة على أرض مستوية

[mostafa magdy]

ربنا يكرمك يا كبير ..
العربيه بتكون عندي في جراج أرضه مستويه علي ميزان الميه :d
الفكره إن أحمد الفقي أخونا .. قالي برده إنهم فعلا بيزودوا زيت في الصيانات الصغيره

[bassem.naguib]

طيب راقب كويس بقى هل فيه تعريق زيت عند الموتور وحواليه بصفة عامة أو من الكارتيرة من تحت .

أو فيه تنقيط زيت تحت العربية قبل ما تطلع .

غير كدة يبقى زي ما بيقولوا طبيعي .. متقلقش مفيش حاجة إن شاء الله

[تامر.محمد]

بيزودوا زيت في الصيانات الصغيره

ازاي ده ؟
و اللي مش حاطط توتال ان شاء الله ؟؟؟؟؟؟؟؟؟؟؟

[mostafa magdy]

ما الباش مهندس أحمد الفقي كان بيقولي عشان كده .. هيجيب زيت من اللي حاطه عشان يزودوه !!
و هو كده كده باقي معاه تقريبا من أيام الصيانه ..

[miceg]

بص يامصطفى باشااااااا
اهم حاجة انك ترخم عليهم بكل كبيرة وصغيره
عشان لو لا قدر الله حصل حاجة وجه حد فتح بوقه تخليه يطلع الشكاوي الموجودة
ويلبسو الموضوع بالكامل
بالنسبة لموضوع الكورة اللي بتظهر في الشاشة الديجيتال
اعتقد ان الموضوع طبيعي
بس التوكيل ميعرفش مدلول الكورة دي أد ايه كام مللي بالبلدي يعني

[mostafa magdy]

العزيز علي قلبي الباش مهندس هاني Meggieboy قال الكورتين بمعدل لتر ع الأقل !!
بس عندك حق أنا فعلا ثابت كل حاجه علي السيستم بتاعهم ..

[miceg]

لالالالالالالالالالالالالالالالا
لتر كتير اوووي
الا إذا كان الزيت مضروب ومعامل البخر بتاعه عالي
انا شاكك فالزيت بس عشان تقطع الشك باليقين متكملش ال 10.000 وخدلهم حاجة محترمة الماني فسكتك
بالمرة تشيل صوت الكراكة أكيد اللي ظاهرلك

[mostafa magdy]

كلامك صح يا باش مهندس بس الفكره إني لو غيرت الزيت حاليا من عندي " كاسترول " مثلا .. هيقولولي متتكلمش تاني بقا ملناش دعوه بيك .. إنت مغير زيت بره !!!
في ظني يعني ..

[SoFiMaN]

كلامك صح يا باش مهندس بس الفكره إني لو غيرت الزيت حاليا من عندي " كاسترول " مثلا .. هيقولولي متتكلمش تاني بقا ملناش دعوه بيك .. إنت مغير زيت بره !!!
في ظني يعني ..

كلامك صح طبعا انت تروح زي ماهو دلوقتي و تقوله ان شرطتين ينزلوا ده مش طبيعي ابدا !

[ahmedelfeky]

دكتور مصطفي يعلم ربنا والله الواحد اد ايه اتقفل لما عرف موضوع الزيت الي مقلقك في العربيه خلينا ناخد الامور واحده واحده من اول ماستلمت العربيه

[OVERLINE]فيما قبل اكتشاف المشكله[/OVERLINE]

1-احتمال انك مستلم العربيه ناقصه زيت 5% لسببن صعب اوي ان عربيه تطلع من مصنع زيرو ويكون زيتها ناقص ممكن عربيه تطلع بقطعه غيار فيها مشكله مثلا ...السبب التاني انك حتي لو شاري من معرض مش من التوكيل كل العربيات اللي بتتسلم للمعارض بيتعملها Pre delivery inspection )PDI ) انا عربيتي مثلا كانت جاهزه يوم الاربعاء للاستلام لكن اللي اخرها ليوم الاحد حوار ال PDI (فحص ماقبل التسليم ) ده الا اذا كان المعرض شفط شويه زيت وده مستحيل اكيد.

2-أحتمال ان المكنه فيها حاجه او بتاكل زيت 5% وبرضه نسبته ضعيف لان استهلاك الزيت وحرقه نتيجه عدم كفاءه طقم الشنبر اللي راكب جوه المكنه درب من الخيال العربيه زيرو (وانت شفت ان مفيش دخان ابيض طالع من الشكمان ومفيش ريحه غريبه )

3-أحتمال ان في leak في اي مكان في الموتور 30% سواء ناحيه كارتيره الزيت او اي مكان تاني او في سبب يزود معدل البخر (الفايز) بتاع الزيت (وانت شفت ان الموتور نضيف ومفيش اثار زيت حواليه لان الموضوع ده لو عندك هتلاقي طبقه تراب محترمه لازقه في الزيت حوالين مصدر التسريب)

4-احتمال ان في مشكله في حساس ضغط الزيت 60% وده اللي بيعتمد عليه مقاس الزيت ال digital وخد بالك ان المقاس الديجيتال ده بيفضل مخزن اخر ضغط زيت تم قياده السياره فيه يعني بعد ماتغير زيت في التوكيل لازم تمشي بالعربيه كام كيلو عشان يخزن القراءه الجديده ومستوي الزيت الجديد

[OVERLINE]فيما بعد اكتشاف نقص الزيت وزياره التوكيل[/OVERLINE]

المفروض انهم شييكوا علي كل الكلام اللي فوق ده وزودوا الزيت بحيث انه يغطي المنطقه المشرشره في المقاس العادي ويقف عند علامه maxالمفروض الزيت في اول 5000 كيلو ماينقصش اكتر من نص لتر وسيبك من المانيوال بتاع العربيه في النقطه دي بالذات(مابين علامه ال min والmax كله علي بعضه حوالي 1.5 لتر )يعني لو بعد 5000 كيلو لقيت المستوي نازل حوالي 3ملي عن ال max ده يوازي 150 ل 200 ملي مثلا ...مع الاخذ في الاعتبار ان من ضمن العوامل اللي بيتوقف عليها معدل بخر الزيت بالاضافه لنوع الزيت هي نمط القياده يعني انت علي طول بتسوق في مناطق زحمه جو البلد معدل البخر هيزيد اكتر من العربيه اللي بتمشي مشواير طوالي علي طرق سريعه

[OVERLINE]خلاصه الحوار
[/OVERLINE]
معاليك دلوقتي تتابع العربيه بالمقاس العادي والديجيتال معا لكن الاخذ بنتيجه المقاس العادي وزي ماقلتلك يا دكتور مصطفي ثبت ظروف القياس لان في غلطات الناس بتعملها ذي مثلا المقاس في ناحيه مشرشره بارزه في ضهرها لو لفيت المقاس 180 درجه هتشوف الشرشره برضه بس مش بارزه ياريت تاخد بالك من دي عشان الاتجاه بتاع الناحيه البارزه لازم يكون ثابت في كل الاوقات يعني ياما ناحيه المكنه علي طول او ناحيه وش العربيه علي طول وتوقيت القياس ماينفعش يبقي مره الصبح بدري والموتور متلج ومره بعد ماتبطل ب ساعه مثلا والموتور لسه دافي


تحياتي

[Hany Saad]

العزيز الغالى دكتور مصطفى مجدى،
اسف لتأخرى فى الرد على سيادتك و مشاركتك الموضوع لأنى اليوم فى القاهرة و لسه واصل الفندق بعد يوم شاق طويل حالاً
طبعاً مفيش كلام يتقال بعد كلام الرجالة هنا.....
بعد تفكير عميق و بعد قراءة رد المحترم أحمد بيه الفقى اميل جداً ان الموضوع مشكلة فى حساس الزيت الديجيتال او السوفت ويير بتاع ال warnings او كلاهما
موتور سيادتك 100% سليم و مفهوش الهوا.....لان بكل بساطة كمية النقص ده معناه ان موتورك بينقط زيت و انت ماشى و ده درب من الخيال
الموضوع لن يخرج عن error فى الحساس الديجيتال و اكيد هينزله حل قريب من رينو.....
لمساعدتك حضرتك و حتى يرتاح بالك تماماً ان شاء الله غداً صباحاً سوف اتحدث لأصدقائى مهندسى التوكيل فى الأسكندرية للإطلاع على بواطن الأمور و إبلاغك بالمشكلة بالظبط و طريقة حلها و متى......
موتورك صاغ سليم و استمتع و ليا عندك زيرو يا دكتور علشان اطمن بنفسي على الموتور :)
خالص تحياتى

[mostafa magdy]

دكتور مصطفي يعلم ربنا والله الواحد اد ايه اتقفل لما عرف موضوع الزيت الي مقلقك في العربيه خلينا ناخد الامور واحده واحده من اول ماستلمت العربيه

[overline]فيما قبل اكتشاف المشكله[/overline]

1-احتمال انك مستلم العربيه ناقصه زيت 5% لسببن صعب اوي ان عربيه تطلع من مصنع زيرو ويكون زيتها ناقص ممكن عربيه تطلع بقطعه غيار فيها مشكله مثلا ...السبب التاني انك حتي لو شاري من معرض مش من التوكيل كل العربيات اللي بتتسلم للمعارض بيتعملها pre delivery inspection )pdi ) انا عربيتي مثلا كانت جاهزه يوم الاربعاء للاستلام لكن اللي اخرها ليوم الاحد حوار ال pdi (فحص ماقبل التسليم ) ده الا اذا كان المعرض شفط شويه زيت وده مستحيل اكيد.

2-أحتمال ان المكنه فيها حاجه او بتاكل زيت 5% وبرضه نسبته ضعيف لان استهلاك الزيت وحرقه نتيجه عدم كفاءه طقم الشنبر اللي راكب جوه المكنه درب من الخيال العربيه زيرو (وانت شفت ان مفيش دخان ابيض طالع من الشكمان ومفيش ريحه غريبه )

3-أحتمال ان في leak في اي مكان في الموتور 30% سواء ناحيه كارتيره الزيت او اي مكان تاني او في سبب يزود معدل البخر (الفايز) بتاع الزيت (وانت شفت ان الموتور نضيف ومفيش اثار زيت حواليه لان الموضوع ده لو عندك هتلاقي طبقه تراب محترمه لازقه في الزيت حوالين مصدر التسريب)

4-احتمال ان في مشكله في حساس ضغط الزيت 60% وده اللي بيعتمد عليه مقاس الزيت ال digital وخد بالك ان المقاس الديجيتال ده بيفضل مخزن اخر ضغط زيت تم قياده السياره فيه يعني بعد ماتغير زيت في التوكيل لازم تمشي بالعربيه كام كيلو عشان يخزن القراءه الجديده ومستوي الزيت الجديد

[overline]فيما بعد اكتشاف نقص الزيت وزياره التوكيل[/overline]

المفروض انهم شييكوا علي كل الكلام اللي فوق ده وزودوا الزيت بحيث انه يغطي المنطقه المشرشره في المقاس العادي ويقف عند علامه maxالمفروض الزيت في اول 5000 كيلو ماينقصش اكتر من نص لتر وسيبك من المانيوال بتاع العربيه في النقطه دي بالذات(مابين علامه ال min والmax كله علي بعضه حوالي 1.5 لتر )يعني لو بعد 5000 كيلو لقيت المستوي نازل حوالي 3ملي عن ال max ده يوازي 150 ل 200 ملي مثلا ...مع الاخذ في الاعتبار ان من ضمن العوامل اللي بيتوقف عليها معدل بخر الزيت بالاضافه لنوع الزيت هي نمط القياده يعني انت علي طول بتسوق في مناطق زحمه جو البلد معدل البخر هيزيد اكتر من العربيه اللي بتمشي مشواير طوالي علي طرق سريعه

[overline]خلاصه الحوار
[/overline]
معاليك دلوقتي تتابع العربيه بالمقاس العادي والديجيتال معا لكن الاخذ بنتيجه المقاس العادي وزي ماقلتلك يا دكتور مصطفي ثبت ظروف القياس لان في غلطات الناس بتعملها ذي مثلا المقاس في ناحيه مشرشره بارزه في ضهرها لو لفيت المقاس 180 درجه هتشوف الشرشره برضه بس مش بارزه ياريت تاخد بالك من دي عشان الاتجاه بتاع الناحيه البارزه لازم يكون ثابت في كل الاوقات يعني ياما ناحيه المكنه علي طول او ناحيه وش العربيه علي طول وتوقيت القياس ماينفعش يبقي مره الصبح بدري والموتور متلج ومره بعد ماتبطل ب ساعه مثلا والموتور لسه دافي


تحياتي

:copy of m-s5::copy of m-s5:

صديقي العزيز .. أنا عاجز عن الشكر ربنا يطمنك .. و يبارك لك في عربيتك .. أنا هتابع زي ما قلنا و ربنا يسهل ..

[mostafa magdy]

العزيز الغالى دكتور مصطفى مجدى،
اسف لتأخرى فى الرد على سيادتك و مشاركتك الموضوع لأنى اليوم فى القاهرة و لسه واصل الفندق بعد يوم شاق طويل حالاً
طبعاً مفيش كلام يتقال بعد كلام الرجالة هنا.....
بعد تفكير عميق و بعد قراءة رد المحترم أحمد بيه الفقى اميل جداً ان الموضوع مشكلة فى حساس الزيت الديجيتال او السوفت ويير بتاع ال warnings او كلاهما
موتور سيادتك 100% سليم و مفهوش الهوا.....لان بكل بساطة كمية النقص ده معناه ان موتورك بينقط زيت و انت ماشى و ده درب من الخيال
الموضوع لن يخرج عن error فى الحساس الديجيتال و اكيد هينزله حل قريب من رينو.....
لمساعدتك حضرتك و حتى يرتاح بالك تماماً ان شاء الله غداً صباحاً سوف اتحدث لأصدقائى مهندسى التوكيل فى الأسكندرية للإطلاع على بواطن الأمور و إبلاغك بالمشكلة بالظبط و طريقة حلها و متى......
موتورك صاغ سليم و استمتع و ليا عندك زيرو يا دكتور علشان اطمن بنفسي على الموتور :)
خالص تحياتى

الأعز الأغلي باش مهندس هاني .. يعلم الله كم أكن لك كل إحترام .. و مش بتيجي سيرتك غير لما أذكرك بكل خير ..
أنا شاكر افضالك جدا .. و أنا متابع مع العربيه كويس .. و منتظر رد حضرتك