تم استلام السانديرو و الحمد لله

[insurancebroke]

ايه اخبار العربية
فين التقرير

[mohammedmnmz]

الف مبروك تتهني بيها

بس سؤال ليه مفكرتش في اي تن اوتوماتيك هاف اوبشن بالسعر ده بدل السانديرو المانيوال

و الله انا فكرت في كده فعلا
بس تعالى نبص للمقارنه
ال i10 تتفوق على السانديرو في انها اوتوماتك و قطع غيارها ارخص شويه و سعر اعادة البيع ماسك نفسه اكتر
طيب تعالى نشوف الرينو
تتفوق على ال i10 في انها عالية جداااااااااااااا ( احنا كنا راكبين فيها خمسه و باخد اي مطب بالعجلتين و مافيش اي مشاكل)
الماتور بتاع السانديرو 1600 سي سي و بتاع الاي تن 1100 بس (تقريبا موتوسكل )
السانديرو اوسع من الداخل بكتير
السانديرو مصفحه عند حوض الماتور يعني لوطلعت على الرصيف حوض الماتور كله آمن
السانديرو عربية عائلية لكن الاي تن مصنفه من العربيات الميني زي البيكانتو كده
الشكل برضه عجبني بتاع السانديرو اكتر من الاي تن و دي مسألة ازواق (بحس ان الاي تن حريمي قوي)
طيب بالنسبه انها مانوال دا ماكنش عيب بالنسبالي ما انا سايق مانيوال من زمان ايه الجديد يعني
و قطع الغيار فانا بتكلم على عربية زيرو يعني قدامك اربع خمس سنين كده على ما نشوف
سعر اعادة البيع انا اساسا ناوي احتفظ بيها فتره طويله فمفرقتش معايا الحكاية دي

دا رأيي الشخصي و احب اعرف رأيك برضه

[mohammedmnmz]

ايه اخبار العربية
فين التقرير

العربية جميل جدا لغاية دلوقتي و الحمد لله
بس طبعا دا رأي مبدئي انا لسا ممشتش بيها غير ييجي 200 كيلو
بالنسبة للتقرير فموجود يا ريس و دا اللينك بتاعه

http://www.nilemotors.net/Nile/412869-a.html

[Shiemaa]

مبروك عليك هو الحقيقة بالنسبة لي الاتوماتيك يفرق معايا بس طالما مش فرق معاك خلاص اكيد السانديرو احسن طبعا

بس سؤال هو مبينزلش منها غير لون واحد بس ؟ اصلها بدات تنتشر ومش شايفه منها الا لون واحد بس مدي علي ازرق غريب كده مش عارفه اسمه بصراحة

[SoFiMaN]

مبروك عليك هو الحقيقة بالنسبة لي الاتوماتيك يفرق معايا بس طالما مش فرق معاك خلاص اكيد السانديرو احسن طبعا

بس سؤال هو مبينزلش منها غير لون واحد بس ؟ اصلها بدات تنتشر ومش شايفه منها الا لون واحد بس مدي علي ازرق غريب كده مش عارفه اسمه بصراحة

لا طبعا فيها الوان كتير, انا مش عارف تقصد انهي لون بظبط بس فيه منها اسود-ابيض-نبيتي-فيراني-سيلفر-ازرق(بس نادر).

[Shiemaa]

يبقه اللي شوفته كتير فيراني اعتقد