Tweet
انا تقريباً كل اسبوع ليا مشوار القاهرة....لسه راجع انهاردة و العربية الحمد لله عملت 3500 كم حتى الان و حابب اشارك انطبعاتى بعد ال 3000 كم للأستفادة:
- صوت الموتور انعم بمراحل....فعلاً تحس انه ريح كده مع بعضه و مبقاش ينعر مع الشد و الصبح فى التسخين صوته بقى اهدى بمراحل
- تسارع ممتاز جداً و جربت بقى اكبس و اجمد قلبى و انطلق الوحش الكاسر، اتعودت اكتر على ال cvt و ال rpm مبقاش يطلع عالى لفوق لانى فهمته و حتى لما بيطلع صوته اهدى جداً عن الاول
- استجابة ال cvt فى الطلعة الاولى ممتاز و ذلك لانعدام النقلات...جرب كده تقرص خفيف مع اى عربية مانيوال و لا اتوماتيك من 0-60 و هتلاقيه اتعقد علشان مش عارف ان الcvt بياخد الطلعة دى على نفس واحد....جربتها كذا مرة انهاردة و افتكرونى بشد معاهم بس طبعاً كنت بجرب و اسخنهم و بعدين امشى براحتى
- حاسس ان العفشة برده بقت كده متناغمة و العربية بقت انعم ككل
- تكييف مممتاز بمعنى الكلمة....درجة الحرارة الخارجية كانت 31 و العربية سودا بفرش جلد اسود و مركونة فى الشمس، هوتها و شغلت التكييف على 21 و كان التسقيع ممتاز....اقل من كده ايدى بتبرد من سقوعيه التكييف و اعلى من كده كان الجو لطيف لكن مش ساقع.....انا كنت جايب الهوا من بره مش عامل تدوير للهوا
- عملت 600 كم من الاسكندرية للتجمع الخامس لمصر الجديدة ثم للتجمع ثم عودة للأسكندرية بمتوسط استهلاك بلغ 14 كم فى اللتر و استهلاك بنزين بلغ حوالى 45 لتر....200 كم من ال 600 كانوا زحمة محور التعمير و العامرية و الدائرى و مصر الجديدة و التجمع و 400 كم كانوا الصحراوى نفسه
سرعة ثابتة على الصحراوى 100 كم/ساعة
- بسيب الدريكسيون و انا سايق و بديله زقه خفيفة جانبية علشان اشوف ايه اخبار الباور الكهربا، طبعا ثابت جداً على السرعات و مفيهوش رمشه
العربية ممتعة جداً....انا بتكلم على سواقتى و طبعاً حد غيرى سواقته تختلف ممكن ميستريحش للعربية....بالنسبة لى الشنطة بملاها حاجات و العربية ناعمة قوى، مفيش اى اصوات او تزييق او خلافه، عزل الهوا ممتاز طبعاً انا سواقتى غالبيتها لغاية 120 ، تكييف ممتاز، ساوند سيستم رائع و التليفون متوصل بالبلوتوث و العربية ما شاء الله ثابتة على الأرض و مفيش اى مشكلة فى كل جبال المطبات اللى على الطريق و مبخدش اى مطب بحرص و لا بالجنب.....مشغل الكروز كنترول و مريح رجلى و مستمتع بالرحلة، الكراسى مريحة جداً فى السفر
الخلاصة كنت عايز عربية سفر بامتياز و الحمدلله ربنا وفقنى فيها و فاقت توقعاتى
تحياتى
- صوت الموتور انعم بمراحل....فعلاً تحس انه ريح كده مع بعضه و مبقاش ينعر مع الشد و الصبح فى التسخين صوته بقى اهدى بمراحل
- تسارع ممتاز جداً و جربت بقى اكبس و اجمد قلبى و انطلق الوحش الكاسر، اتعودت اكتر على ال cvt و ال rpm مبقاش يطلع عالى لفوق لانى فهمته و حتى لما بيطلع صوته اهدى جداً عن الاول
- استجابة ال cvt فى الطلعة الاولى ممتاز و ذلك لانعدام النقلات...جرب كده تقرص خفيف مع اى عربية مانيوال و لا اتوماتيك من 0-60 و هتلاقيه اتعقد علشان مش عارف ان الcvt بياخد الطلعة دى على نفس واحد....جربتها كذا مرة انهاردة و افتكرونى بشد معاهم بس طبعاً كنت بجرب و اسخنهم و بعدين امشى براحتى
- حاسس ان العفشة برده بقت كده متناغمة و العربية بقت انعم ككل
- تكييف مممتاز بمعنى الكلمة....درجة الحرارة الخارجية كانت 31 و العربية سودا بفرش جلد اسود و مركونة فى الشمس، هوتها و شغلت التكييف على 21 و كان التسقيع ممتاز....اقل من كده ايدى بتبرد من سقوعيه التكييف و اعلى من كده كان الجو لطيف لكن مش ساقع.....انا كنت جايب الهوا من بره مش عامل تدوير للهوا
- عملت 600 كم من الاسكندرية للتجمع الخامس لمصر الجديدة ثم للتجمع ثم عودة للأسكندرية بمتوسط استهلاك بلغ 14 كم فى اللتر و استهلاك بنزين بلغ حوالى 45 لتر....200 كم من ال 600 كانوا زحمة محور التعمير و العامرية و الدائرى و مصر الجديدة و التجمع و 400 كم كانوا الصحراوى نفسه
سرعة ثابتة على الصحراوى 100 كم/ساعة
- بسيب الدريكسيون و انا سايق و بديله زقه خفيفة جانبية علشان اشوف ايه اخبار الباور الكهربا، طبعا ثابت جداً على السرعات و مفيهوش رمشه
العربية ممتعة جداً....انا بتكلم على سواقتى و طبعاً حد غيرى سواقته تختلف ممكن ميستريحش للعربية....بالنسبة لى الشنطة بملاها حاجات و العربية ناعمة قوى، مفيش اى اصوات او تزييق او خلافه، عزل الهوا ممتاز طبعاً انا سواقتى غالبيتها لغاية 120 ، تكييف ممتاز، ساوند سيستم رائع و التليفون متوصل بالبلوتوث و العربية ما شاء الله ثابتة على الأرض و مفيش اى مشكلة فى كل جبال المطبات اللى على الطريق و مبخدش اى مطب بحرص و لا بالجنب.....مشغل الكروز كنترول و مريح رجلى و مستمتع بالرحلة، الكراسى مريحة جداً فى السفر
الخلاصة كنت عايز عربية سفر بامتياز و الحمدلله ربنا وفقنى فيها و فاقت توقعاتى
تحياتى
Comment