بشرى سارة بخصوص اللوجان الأوتوماتيك الشكل الجديد

[abohassan]

السلام عليكم ورحمة الله وبركاتة

أنا عرفت خبر كويس يا جماعه من ناس معرفه داخل التوكيل قلت أقولكم عليه بس خلوه فى سركم ومحدش يقول خالص علشان إنتوا عارفين الحاجات دى بتتنظر

إن شاء الله سوف يتم فتح باب الحجز على اللوجان الأوتوماتيك الشكل الجديد فى خلال شهرين لثلاثة شهور وفية إحتمال كبير يفتحو الحجز فى خلال شهر ..

سيبكم بقى من الكلام الفاضى والهرى بتاع الكول سنتر ومسؤلى المبيعات .. علشان لو تفتكروا فى أول السنه دى لما الناس سألت على الشكل الجديد .. قالولهم مش هاينزل .. وأديه نزل ..

بالنسبه للسعر مش عارف لسه هيبقى بكام بس بالقياس كدا لو الهاى لاين مانيوال بحوالى 97000 يبقى لو زودنا حوالى 10000 للأوتوماتيك إن شاء الله يبقى سعرها فى حدود من 107000 ل 110000

[Hany Saad]

فعلاً أعتقد الكلام ده سليم جداً لأن مفيش ما يمنع أن الأتوماتيك ينزل على طول لأن الموتور متغيرش....هى مسألة وقت بسيط مش أكتر.....و فعلاً اللى حضرتك بتقوله على زيادة حوالى 10000 جنيه لفئة الأتوماتيك هو تقدير ممتاز لرينج السعر......
الكول سنتر و المبيعات للأسف مضطرين يقولوا أن مش نازله و مفيش معلومات و كده علشان ميوقفوش الحجز على المانيوال لغاية لما توصل الأتوماتيك.....

ألف شكر على الأخبار الجميلة.....

تحياتى....

[miceg]

كلام جميل جدااااااااا
والتسعير مظبوط
ومن الاخر كده
اللوجان الاوتو الجديدة هتحل محل النيسان صني القديمة

[محمود سامح]

شكرااا

[eng: mohamed]

بس لو وصلت 110000 كده احنا ممكن نحتار بين الصني واللوجان لانهم هيبقوا تقريبا في نفس الفئه السعريه

[mhkorayem]

أنا مش فاهم اصلاً هما ليه منزلهاش من الاول مع المانيوال
مش لاقي مبرر بصراحه ومحدش يقولي سياسه تسويقيه عشان هو كده كده بيبيع وكده كده كسبان سواء باع مانيوال ولا واتوماتيك
مش عارف بصراحه ايه الحكمه في الموضوع ده مش لاقي له معنى

[Ali mubarak]

بس الشكل الجديد جامد اخر حاجه.....انا شخصيا بفضل المانيوال بحس انها رجالي اكتر مع كامل احترامي لكل من يحب الاوتو

[abohassan]

تحياتى

فعلاً أعتقد الكلام ده سليم جداً لأن مفيش ما يمنع أن الأتوماتيك ينزل على طول لأن الموتور متغيرش....هى مسألة وقت بسيط مش أكتر.....و فعلاً اللى حضرتك بتقوله على زيادة حوالى 10000 جنيه لفئة الأتوماتيك هو تقدير ممتاز لرينج السعر......
الكول سنتر و المبيعات للأسف مضطرين يقولوا أن مش نازله و مفيش معلومات و كده علشان ميوقفوش الحجز على المانيوال لغاية لما توصل الأتوماتيك.....

ألف شكر على الأخبار الجميلة.....

تحياتى....

لا شكر على واجب ... بس فعلا هما مش مضطرين يقولوا كدا لان كل فئه وموديل ليها العميل بتاعها . و كدا كدا فيه ناس بتشترى المانويال حتى لو الأوتو موجود .

بس لو وصلت 110000 كده احنا ممكن نحتار بين الصني واللوجان لانهم هيبقوا تقريبا في نفس الفئه السعريه

بس أعتقد المنافسه تبقى محسومه للوجان كفرق كماليات ... دا فى حالة لو ثبتنا عوامل زى ( التوكيل كويس هنا وهنا - التقفيل والخامات الداخليه تقريبا متشابهة يمكن أعلى شويه فى الصنى )

أنا مش فاهم اصلاً هما ليه منزلهاش من الاول مع المانيوال
مش لاقي مبرر بصراحه ومحدش يقولي سياسه تسويقيه عشان هو كده كده بيبيع وكده كده كسبان سواء باع مانيوال ولا واتوماتيك
مش عارف بصراحه ايه الحكمه في الموضوع ده مش لاقي له معنى

نفس السؤال بسأله لنفسى ... بحس إنه غباء تسويقى .. لان كدا كدا فيه ناس بتشترى المانويال حتى لو الأوتو موجود زى ما قلت قبل كدا وخصوصا فى حالة عدم تغيير الموتور يعنى هوه هوه المتور القديم بتاع الأوتو

وتحياتى ليكم جميعا ...


.

[Gelgel2004]

الف شكر للمعلومة
بس التقفيل ايه يا برنس
رومانى و الا مغربى ؟؟
لانى شوقت اللحامات اللى فى شنطة المغربى سيئة جدا

[adel_edrees]

يا جماعة اللوجان دخلت مرحلة جديدة من الشكل و الكماليات أصبح من الصعب أدخالها في منافسة مع الفيرنا و اللانوس و ألمجراند ممكن تخش في نفس المستوى بتاع الصنى و الريو و البيجو 301 صحيح أنهم ممكن تبقى أقلهم لأكن مش وحش أنها ترتقى في سلم المنافسة بس أنا برضه لو هي نزلت ب 110 و ال 301 نزلت ب 125 تشترى مين ده السؤال اللى يحتاج ألى مراجعة سعرية و تقييم السعر مرة أخرى يا أما جودة السيارة تبقى على أقل تقدير منافسة لجودة المنافسين

[mohammedmnmz]

اللوجان و السانديرو كده بيفقدو واحده من اهم مميزاتهم اللي هي السعر
ناس كتير فعلا بتبأه عايزه عربية كويسه و مشكلتها الفلوس و كانت اللوجان حل اكتر من رائع
و دلوقتي الحل دا هيختفي و هنرجع لللانوس و الفيرنا

[YahiaAshraf]

اعلان اللوجان الجديد كان نازل النهارده فى ملحق جريدة الأهرام و مكتوب تبدا من 81 الف

[S O P H O S]

مش عارف بعد التجربة هتكون ايه
بالمحرك الي فيها اوتو