شوية حاجات عاوز اعرفها

[adhamsabry51]

سلام عليكم يا جماعة و كل عام و انتم بخير و تقيبل الله منا و منكم
المهم عاوز اسئلكم شوية حاجات هي طريقة السواقة بتاثر عاي استهلاك البنزين بمعني انا اصلي لسه باسوق جديد فساعات ادوس اوي علي البنزين في بداية الطلعة
ثانيا :الأيام دي اسكندرية مش هاقولكم ايييييييييييييييييييه زحمة عجب فساعات ممكن تفضل ماشب حاجة بتاعة ساعة كدع علي الأولاني هو ده برضه بيحرق بنزين كتير
ثالثا:الكمبيوتر بتاع الكليو و ساعات يبقي ماتب ان استهلاك العربية لل 100 كيلو 11و حاجة لتر بس ده و العربية واقفه هو الكلام ده سليم و الطبيعي يبقي الأستهلاك اد ايه
معلش اسئلة كتيرة بس احنا لسه حداد في "الكار"

[Ramy_Tantawi]

عليكم السلام ورحمة الله وبركاته يا استاذ ادهم وكل عام وانتم بخير وصحه ان شاء الله .

هحاول أجاوب معظم أسألتك ان شاء الله على قدي.

1-هي طريقة السواقة بتاثر عاي استهلاك البنزين ؟

بالطبع طريقة السواقه بتفرق وليها تأثير على استهلاك البنزين يعني السواقه المنفعله الطلوع مره واحده والتفويت والحرق في العموم او ما نسميه احياناً القياده الرياضيه اننا ننقل وعلى نسب عاليه يعني الار بي ام يكون على 5 وانت طالع ده معناه نسبة استهلاك اكتر للبنزين مقابل سحب اعلى وتسارع اعلى .........وبالتالي المعادله بسيطه قياده هادئه +نقل في عدد لفات موتو متوسط من 3-4 ار بي ام = استهلاك بنزين طبيعي . قياده متسرعه + نقل على عدد لفات عالي ار بي ام = استهلاك اعلى للبنزين ده طبعاً بالاضافه لأكتر من عامل تاني مؤثر في استهلاك البنزين وهو هل مشغل التكيف ولا لأ .......العربيه فيها كام شخص.....فاتح شباك العربيه وانت ماشي ولا قافله .....في حمل في شنطه العربيه ولا فاضيه...كل دي حاجات ليها تأثير طردي كل ما تزيد استهلاك البنزين يزيد معاها على طول.

2-الأيام دي اسكندرية مش هاقولكم ايييييييييييييييييييه زحمة عجب فساعات ممكن تفضل ماشب حاجة بتاعة ساعة كدع علي الأولاني هو ده برضه بيحرق بنزين كتير .

أنا شخصيا عندي لما بقف ساعه في زحمه وسط البلد مثلاً او صلاح سالم عندنا في القاهره ممكن احرق مثلاً 5 - لتر خصوصاً مع المكيف .....وممكن اروح مسافة 40-50 كيلو والاستهلاك يكون اقل من ال 5 لتر ........وعموماً نصيحه وده مش لاستهلاك البنزين فقط ولكن للحفاظ على طقم الدبرياج حاول على قد ما تقدر في الزحمه والتوقف الكتير ماتحملش رجلك كتير على الدبرياج وحاول تغير النقله يعني اول - تاني طبعاً ده قدر الامكان انا عارف ان في زحمتنا دي لو في نقله اصغر من الاول كنا استخدمناها .....

3-الكمبيوتر بتاع الكليو و ساعات يبقي ماتب ان استهلاك العربية لل 100 كيلو 11و حاجة لتر بس ده و العربية واقفه هو الكلام ده سليم و الطبيعي يبقي الأستهلاك اد ايه

كمبيوتر العربيه كل شغله انه يعمل عمليه حسابيه مش اكتر ولا اقل في اغلب الاحوال حسبته صحيحه بنسبة 90 % اكتر في الطرق المفتوحه او اللي السرعه فيها ثابته بمعنى ان استهلاك الكليو للأسف انا معرفهوش لكن خلينا نقول مثلاً 10 لتر لكل 100 كم .....الكمبيوتر حسبته حسبة هو قاري سرعه قد ايه للعربيه في زمن معين بيجيب متوسط السرعه دي ويقسمه على رقم ثابت محفوظ عنده ويقول في الآخر استهلاكنا للبنزين كام.......اللخبطه بتحصل لتغير متوسط السرعه اللي بيحصل يعني كنا ماشيين ساعه على 100 هتلاقيه كاتب ان متوسط الاستهلاك 10 لتر جينا بعد كده مشينا 5 دقائق على 30-40 تلاقيه كاتب ان استهلاك البنزين 11-12 لتر / كم وهكذا .........انا عارف اني برضه ماجاوبتش على سؤال حضرتك هل الاستهلاك طبيعي ولا لأ ان شاء الله ملاك الكليو هايفيدوا حضرتك في النقطه دي اكتر ........انا حبيت اوضح بس ان الرقم اللي بيقولوا كمبيوتر العربيه ممكن يتغير كل شويه .

أتمنى من الله ان تكون مداخلتي فيها شوية توضيحات او بعض اجابات لاسفسارات حضرتك وانا تحت امرك في اي سؤال آخر ان شاء الله.

تحياتي أخي الكريم وكل عام وانتم بخير .

[adhamsabry51]

جزاكم الله خيرا يا اخي

[farahat]

رد رائع و تمام جداً يا رامي باشا و منظم و مفيد كالعادة
أنا عندي إضافة بسيطة بحكم إن أنا بشتغل في مجال كمبيوتر السيارات ، بالنسبة للحسبه بتاعة متوسط الإستهلاك دي بيعملها الكمبيوتر عن طريق إنه بيقيس كمية البنزين إلي دخلت الموتور من لحظة ما إنت صفرت العدد بتاع الكمبيوتر ، و يقسمها على المسافة إلي إتقطعت خلال نفس الفترة ، و بكده يبقى عندنا :
متوسط الإستهلاك = xx لتر / yy كم ، و طبعاً بالنسبة و التناسب يقدر يحسب كام لتر كل ١٠٠ كم
أما الإستهلاك اللحظي ( current consumption ) د بيحسب من معدل سريان البنزين الدخل للموتور في الثانية الواحدة و دة إلي بيكون تقريبي فعلاً مش دقيق قوي و مش بيفيد كتير بس بيديك فكرة عن شكل الإستهلاك بتاعك

[Ramy_Tantawi]

العفو يا استاذ ادهم وجزاكم الله كل خير أخي الفاضل.

استاذ فرحات شكراً جزيلاً أولاً على اطراءك الرقيق وجزيل الشكر على تعديل معلوماتي الفقيره ولا اكذبك القول انا كنت فاهم فعلاً ان الحسبه مش داخل فيها مسار البنزين الداخل للموتور زي ما حضرتك وضحت لئني كنت متصور ان الموضوع ابسط من كده لكن واضح ان طالما الموضوع داخل فيه حسبة الموتور دخل ليه بنزين قد ايه يبقى الموضوع اكثر دقه مما تصورت انا وتعقيداً كمان ويزيد احترامي للرينو حتى وان كان النظام ده قد يكون معهود وموجود من زمان في عربيات تانيه لكن هو شيء يحسب لرينو وانظمتها المتطوره .

مره أخرى تقبل شكري الخالص لتعديل معلوماتي المنقوصه يا استاذ فرحات ....وشكر خاص انك اسميت المداخله اضافه وليس تصحيح وده من كرم اخلاق حضرتك وذوقك بجد والله مش مجامله ابداً ......وجزاكم الله كل خير .

[farahat]

العفو يا استاذ ادهم وجزاكم الله كل خير أخي الفاضل.

استاذ فرحات شكراً جزيلاً أولاً على اطراءك الرقيق وجزيل الشكر على تعديل معلوماتي الفقيره ولا اكذبك القول انا كنت فاهم فعلاً ان الحسبه مش داخل فيها مسار البنزين الداخل للموتور زي ما حضرتك وضحت لئني كنت متصور ان الموضوع ابسط من كده لكن واضح ان طالما الموضوع داخل فيه حسبة الموتور دخل ليه بنزين قد ايه يبقى الموضوع اكثر دقه مما تصورت انا وتعقيداً كمان ويزيد احترامي للرينو حتى وان كان النظام ده قد يكون معهود وموجود من زمان في عربيات تانيه لكن هو شيء يحسب لرينو وانظمتها المتطوره .

مره أخرى تقبل شكري الخالص لتعديل معلوماتي المنقوصه يا استاذ فرحات ....وشكر خاص انك اسميت المداخله اضافه وليس تصحيح وده من كرم اخلاق حضرتك وذوقك بجد والله مش مجامله ابداً ......وجزاكم الله كل خير .

يا فندم كلك ذوق و أخلاق دايماً سباق إلى النصيحة و عمل الخير ، ربنا يبارك فيك ، و يجزيك خير على كل أعمالك

[adhamsabry51]

جزاكم الله خيرا يا جماعة و كفاية ذوق بقي يحسن انا خلاص حاعيط

[Osama_soliman]

حقيقى
انا اشكر الاخ المحترم صاحب الاسلوب الراقى رامى

حقيقى اسلوب شيق وهادئ
واشكر الاخ فرحات على المعلومات الدقيقة التى اضافها

لانى كنت عايز اتاكد من معلومة علاقة استهلاك البنزين والمكيف


واشكر جميع المشاركين فى هذا المشاركة اللطيفة

مع تحياتى

اسامه سليمان

[Ramy_Tantawi]

جزاكم الله خيرا يا جماعة و كفاية ذوق بقي يحسن انا خلاص حاعيط

ربنا مايجيب عياط يا استاذ ادهم وجزاكم الله كل خير اخي الكريم...

أشكر مداخلتك يا استاذ اسامه اللي بجد اسعدتني كتير والحمد لله اننا قادرين نفيد بعض وربنا يجعلنا دائما سبب وأهل لذلك ان شاء الله ..