شكر وتقدير لكل اعضاء رينو ... وطلب مساعدة

[MEDOBAT]

في البدايه اتقدم بالشكر لكل اعضاء المنتدي عامة.. وقسم رينو خاصه علي تبادل خبراتهم و امانتهم في عرض عيوب ومميزات كل سيارة لمساعدة متخذي القرار
حلوة متخذي القرار دي ... تحس انك في "Support decision making presentation"
شكرا لمساعدتكم ليا في اتخاذ قرار شراء سيارة رينو فلوانس.. وخاصه الاستاذ Meggieboy و الاستاذ miceg واتمني يكون قرار صائب ان شاء الله
طيب ...ندخل في الموضوع
بعد الاطلاع علي معظم المواضيع المتعلقه ب فلوانس (مشاركه..مشاركه)استقريت علي الفئات 178 الف و 188 الف بعد قرار سابق اني اروح ل 169.5 الف و اركب لها rear camera زي بعض الاعضاء المحترمين هنا
ولكن الاغراءات كانت بتزيد ونطه في نطه وصلت للهاي لاين 188 الف

المشكله في الندره وبالتالي عدم توافر الالوان ( مش لاقي غير اسود و فيراني) وبصراحه انا نفسي في لون تاني خالص لاني بحب اكون مختلف و متميز ... فاخترت اللون ال..... "موكا" زي معظم الشباب في المنتدي وده بصراحه لانه لا يقاوم

نتيجه البحث كانت كالتالي:
التوكيل: معندوش حاجه خالص... لازم تحجز ب 10000 وتستني شهرين
محمد ذكي: عند واحده اسود ب 188 الف
القرش: عند واحده اسود ب 189 الف.. تقريبا هيجيبوهالي من عند محمد ذكي :)لانهم قالو هايجيبوهالي من المخزن
اما فئه ال 178 الف فموجود فيها الوان اسود و فيراني و سيلفر
الغريبه ان محدش جابلي سيرة خصومات خالص!!!
النصائح المطلوبه من حضراتكم:
1- اشتري منين؟.. وياريت لو حد بيدي خصومات
2-هل الافضل احجز مع التوكيل؟ ... ولا اخد حاجه استلام فوري من الالوان المتوفرة؟... ولو كدة.. اقتراحاتكم ايه في الالوان؟
3-التامين في رينو مع شركه ايه؟ واسعاره؟والخدمه اخبارها ايه؟ "علما اني معنديش مانع ادفع بريميم اكبر بس شركه التامين تتعامل مع التوكيل ديريكت
4- كان عندي اسئله اكتر من كده ..بس نسيتها من كتر الكتابه "طبعا ده من حسن حظكم" ده اذا كان حد هيقرا كل اللي انا كتبته اصلا :)

اشكركم شكرا جزيلا علي كل مساعداتكم الفترة اللي فاتت ... ومستني ارائكم
اخوكم أحمد

[Hany Saad]

في البدايه اتقدم بالشكر لكل اعضاء المنتدي عامة.. وقسم رينو خاصه علي تبادل خبراتهم و امانتهم في عرض عيوب ومميزات كل سيارة لمساعدة متخذي القرار
حلوة متخذي القرار دي ... تحس انك في "Support decision making presentation"
شكرا لمساعدتكم ليا في اتخاذ قرار شراء سيارة رينو فلوانس.. وخاصه الاستاذ Meggieboy و الاستاذ miceg واتمني يكون قرار صائب ان شاء الله
طيب ...ندخل في الموضوع
بعد الاطلاع علي معظم المواضيع المتعلقه ب فلوانس (مشاركه..مشاركه)استقريت علي الفئات 178 الف و 188 الف بعد قرار سابق اني اروح ل 169.5 الف و اركب لها rear camera زي بعض الاعضاء المحترمين هنا
ولكن الاغراءات كانت بتزيد ونطه في نطه وصلت للهاي لاين 188 الف

المشكله في الندره وبالتالي عدم توافر الالوان ( مش لاقي غير اسود و فيراني) وبصراحه انا نفسي في لون تاني خالص لاني بحب اكون مختلف و متميز ... فاخترت اللون ال..... "موكا" زي معظم الشباب في المنتدي وده بصراحه لانه لا يقاوم

نتيجه البحث كانت كالتالي:
التوكيل: معندوش حاجه خالص... لازم تحجز ب 10000 وتستني شهرين
محمد ذكي: عند واحده اسود ب 188 الف
القرش: عند واحده اسود ب 189 الف.. تقريبا هيجيبوهالي من عند محمد ذكي :)لانهم قالو هايجيبوهالي من المخزن
اما فئه ال 178 الف فموجود فيها الوان اسود و فيراني و سيلفر
الغريبه ان محدش جابلي سيرة خصومات خالص!!!
النصائح المطلوبه من حضراتكم:
1- اشتري منين؟.. وياريت لو حد بيدي خصومات
2-هل الافضل احجز مع التوكيل؟ ... ولا اخد حاجه استلام فوري من الالوان المتوفرة؟... ولو كدة.. اقتراحاتكم ايه في الالوان؟
3-التامين في رينو مع شركه ايه؟ واسعاره؟والخدمه اخبارها ايه؟ "علما اني معنديش مانع ادفع بريميم اكبر بس شركه التامين تتعامل مع التوكيل ديريكت
4- كان عندي اسئله اكتر من كده ..بس نسيتها من كتر الكتابه "طبعا ده من حسن حظكم" ده اذا كان حد هيقرا كل اللي انا كتبته اصلا :)

اشكركم شكرا جزيلا علي كل مساعداتكم الفترة اللي فاتت ... ومستني ارائكم
اخوكم أحمد

أحمد بيه....منور المنتدى عامة و قسم رينو خاصة.....
أنا قريت اللى أنت كتبته كلمة كلمة على فكرة...و هجاوبك على حسب معلوماتى....

أولاً كل شركات السيارات حققت مبيعات كويسة قوى الفترة اللى فاتت و منهم طبعاً الفلوانس و ده سبب أن معلهاش discount دلوقتى.....
ثانياً مفيش دفعات جديدة لسه داخله و ده اللى بيخلى المعروض كبير و الخصومات تشتغل.....
أنا كنت سامع أن فيه دفعة داخلة كمان أسبوعين تلاتة فدى بالتأكيد هتوفر اللون اللى أنت عاوزه و لو فى فئة ال 178 ألف أو ال 169500 ألف و كمان ممكن تاخد خصم عليها.....
المشكلة فى فئة العاى لاين أن المصنع مش بيوفر منها كتير فساعات مش بتيجى خالص أو بتيجى ناقصة ألوان كتير.......
-أشجعك تاخد اللون اللى أنت بتحبه و هو الموكا....أحنا مش بنشترى عربية جديدة كل يوم....شوية أنتظار مش مشكلة.....
سمير ريان بيدى خصومات بس لازم شحنة توصل....مع ندرة البضاعة مش بيعملوا خصم....

التأمين مليش خبرة فيه لأنى مأمن تبع الشركة عندى فهسيب الوحوش يردوا على حضرتك فى النقطة دى.....

تشرفنا بمرورك و مرحباً بك فى أسرة رينو......

ربنا يوفقك فى الأختيار السليم و نفرح معاك عن قريب

تحياتى.....

[miceg]

استاذ أحمد
منور الدنيا
وان شاء الله قرار صائب والعربية تبيض وشنا معاك
طيب نمسكهم وحده وحده
بالنسبة لموضوع الشراء والفئات فقد تأتي الرياح بما لاتشتهي السفن
كان نفسي فالفئة اللي سعرها 188 .000 بس كنت محتاج موكا ومع ذلك لقيت الفئة اللي ب 178
فاستقريت عليهااااااااااا وقولت خلاص الفرش الجلد هعمله والزينون ممكن اعمله بس طبعا مش زي الاوريجينال
المشكلة كلها فالايرباجز الخلفي وأهميتها واللي بتحط الفلوانس في فئة أغلى من فئتها لعدم وجود هذه الايرباجز في أخواتها
بس الأسود جميل أيضا ولو مصمم على الفئة ال e3s1 يبقا هتجيب أسود وهيعجبك جدااااااااااااااااا
انما لو مصمم على الموكا يبقا حسب راحتك النفسية للفئات لو يفرق معاك ال 3 حاجات اللي قولتهالك
1- اشتري منين؟.. وياريت لو حد بيدي خصومات
بص في معارض كتير بتدي خصومات
بس الفئة اللي انت مختارها عليها إفبال فغالبا مش هيكون في خصم أووي
بس من ناحيتي ممكن أسالك من المعرض اللي اشتريت منه ويارب ألاقي طلبك
2- -هل الافضل احجز مع التوكيل؟ ... ولا اخد حاجه استلام فوري من الالوان المتوفرة؟... ولو كدة.. اقتراحاتكم ايه في الالوان؟
الاجابة فوق وزي ماقولتلك فرق 10.000 مقابل فرش جلد كامل و6 إيرباجز وزينون انت الكسبان
اللون الاسود والموكا قريبين من بعض لان الموكا بيقلب أسود في الظلال وفي الظلام
الأسود م هاني سعد إستناه مدة كبيره ومكنش متوفر لما كان بيدور عليه فأنت قدامك جاهز أهووو
-التامين في رينو مع شركه ايه؟ واسعاره؟والخدمه اخبارها ايه؟ "علما اني معنديش مانع ادفع بريميم اكبر بس شركه التامين تتعامل مع التوكيل ديريكت
مقدرش أفيدك اوووي فموضوع التأمين
لكن إن شاء الله حد من الاخوة الافاضل يقدر يفيدك
وأسمي خالد ياباشا :d

[ahmedelfeky]

ربنا يوفقك للخير انا رأيي كالتالي

1-بالنسبه للهاي لاين وسعره الفروق تستاهل لو حضرتك ماعندكش مشكله في الفرق المادي.

2-اسود ولا موكا دي ترجعلك طبعا مع اني رأيي لو هتختار غوامق الاسود افخم بكتير وفي معلومه صغيره حضرتك حاول تتأكد منها لون الفرش الداخلي للهاي لاين موكا هيبقي لونه بيج ولا اسود في ناس مابتحبش الفرش فاتح اللون حتي ولو جلد.

3-الافضل تحجز من التوكيل وفي فعلا دفعه هتتوفر علي اخر ابريل لمنتصف مايو ودي اخويا حاجز فيها وكان ممكن يشتري فوري بس التوكيل افضل واضمن الا اذا كانت ظروفك لاتسمح بالانتظار لهذه المده

4-التأمين والله انا مش مأمن واللي فهمته اني مش هستفاد من التأمين بجد الا لو لاقدر الله عربيتي اتبهدلت في حادثه وساعتها حتي لو اتصلحت في التوكيل علي حساب التأمين هكون اتقفلت منها وهخلص منها

وحكيكلك حاجه حصلت معايا اول ماشتريت العربيه من سنه سألت علي مبلغ التأمين اللي المفروض ادفعه لقيته في رينج من 7 ل 8 الاف جنيه للسنه الاولي المهم بعد 3 شهور عربيتي اتخبطت من ورا واتكلفت تصليح في التوكيل حوالي 9000 جنيه بالتالي حتي لو كنت مأمن الموضوع كان تحصيل حاصل.

[MEDOBAT]

أحمد بيه....منور المنتدى عامة و قسم رينو خاصة.....
أنا قريت اللى أنت كتبته كلمة كلمة على فكرة...و هجاوبك على حسب معلوماتى....

أولاً كل شركات السيارات حققت مبيعات كويسة قوى الفترة اللى فاتت و منهم طبعاً الفلوانس و ده سبب أن معلهاش discount دلوقتى.....
ثانياً مفيش دفعات جديدة لسه داخله و ده اللى بيخلى المعروض كبير و الخصومات تشتغل.....
أنا كنت سامع أن فيه دفعة داخلة كمان أسبوعين تلاتة فدى بالتأكيد هتوفر اللون اللى أنت عاوزه و لو فى فئة ال 178 ألف أو ال 169500 ألف و كمان ممكن تاخد خصم عليها.....
المشكلة فى فئة العاى لاين أن المصنع مش بيوفر منها كتير فساعات مش بتيجى خالص أو بتيجى ناقصة ألوان كتير.......
-أشجعك تاخد اللون اللى أنت بتحبه و هو الموكا....أحنا مش بنشترى عربية جديدة كل يوم....شوية أنتظار مش مشكلة.....
سمير ريان بيدى خصومات بس لازم شحنة توصل....مع ندرة البضاعة مش بيعملوا خصم....

التأمين مليش خبرة فيه لأنى مأمن تبع الشركة عندى فهسيب الوحوش يردوا على حضرتك فى النقطة دى.....

تشرفنا بمرورك و مرحباً بك فى أسرة رينو......

ربنا يوفقك فى الأختيار السليم و نفرح معاك عن قريب

تحياتى.....

اشكرك ياباشا علي الافاده و المعلومات القيمه :)
انا كنت كلمت سمير ريان ... بس لقيت الموضوع "بلدوكش" شويه.. الشخص اللي رد عليا حسسني انه بيكلم ابن اخته وكمان قاللي الهاي لاين موجوده ياباشا.. وسعرها 177 الف!!!! طبعا يقصد الفئه اللي قبلها.. حسيت ان هم زي المصريه كده ... لازم يجاوبك بسرعه حتي لو الاجابه غلط... ودة بيقلقني الصراحه :)
عموما هحاول واعتقد لو حد عنده نصيحه باي معرض تاني مش هيبخل عليا
مرة اخري شكرا جزيلا :)

[MEDOBAT]

استاذ خالد
ياباشا كلك ذوق... ان شاء الله هتبيض وشك
انا هحاول ابص علي الاسود الهاي لاين علي الحقيه و اشوف بس اعضاء كتير كانوا بيشتكوا منه بسبب التراب والخرابيش اللي سهل تظهر فيه
والف شكر علي تأكيدك علي ان الهاي لاين اختيار كويس :)
شكرا علي اهتمامك...
تحياتي :)

[MEDOBAT]

ربنا يوفقك للخير انا رأيي كالتالي

اللهم امين .... انا وانت وكل الناس يارب

1-بالنسبه للهاي لاين وسعره الفروق تستاهل لو حضرتك ماعندكش مشكله في الفرق المادي.
لا الحمد لله... بس كنت حابب اتاكد انه good deal
2-اسود ولا موكا دي ترجعلك طبعا مع اني رأيي لو هتختار غوامق الاسود افخم بكتير وفي معلومه صغيره حضرتك حاول تتأكد منها لون الفرش الداخلي للهاي لاين موكا هيبقي لونه بيج ولا اسود في ناس مابتحبش الفرش فاتح اللون حتي ولو جلد.

هحاول اشوف الاسود ان شاء الله.. .بس موضوع الفرش البيج "علي الرغم انه شيك" لكن مش عارف اعتماديته ايه خاصة مع وجود اطفال
3-الافضل تحجز من التوكيل وفي فعلا دفعه هتتوفر علي اخر ابريل لمنتصف مايو ودي اخويا حاجز فيها وكان ممكن يشتري فوري بس التوكيل افضل واضمن الا اذا كانت ظروفك لاتسمح بالانتظار لهذه المده

مفيش مشاكل من الانتظار... بس اضمن من حيث ايه؟؟؟

4-التأمين والله انا مش مأمن واللي فهمته اني مش هستفاد من التأمين بجد الا لو لاقدر الله عربيتي اتبهدلت في حادثه وساعتها حتي لو اتصلحت في التوكيل علي حساب التأمين هكون اتقفلت منها وهخلص منها

وحكيكلك حاجه حصلت معايا اول ماشتريت العربيه من سنه سألت علي مبلغ التأمين اللي المفروض ادفعه لقيته في رينج من 7 ل 8 الاف جنيه للسنه الاولي المهم بعد 3 شهور عربيتي اتخبطت من ورا واتكلفت تصليح في التوكيل حوالي 9000 جنيه بالتالي حتي لو كنت مأمن الموضوع كان تحصيل حاصل.

الحمد لله... ربنا يكفيك الشر

الف شكر يا استاذ احمد لذوقك :)

[Hany Saad]

الهاى لاين اللى ب 188 ألف بينزل كله فرش و تابلوه و تنجيد أبوب أسود على أى لون عربية.....
الفئة الأعلى اللى بتيجى بالطلب ب 195 ألف بيبقى فيها جنوط 17 بدلا من 16 و فرش جلد بيج و تابلوه بيج و تنجيد أبواب بيج...بس مش عايز أقولك شكله فخم أد إيه....طبعاً أنا معاك فى البهدله السريعة بس شكله هلامى الصراحة.....فخامة السنين و بينور العربية من جوه

[ahmedelfeky]

موضوع ان التوكيل اضمن ده بيبقي من حيث

1-العربيه بتروح لفرع التوكيل اللي هتستلم منه علي كساحه (ونش ) العربيه بتبقي عامله في حدود 12 كم يعني مفيش حد ساقها قبل كده غيرك.

2-كل العربيات اللي بتنزل مصر بيتعملها (PDI (pre-delivery inspection بما فيها اللي بتتسلم لمعارض البيع لكن ممكن موزع يكون مستعجل مثلا وياخد كام عربيه قبل مايتعملها تشيك

3-الموزعين (طبعا مش كلمهم بيعملوا كده ) ساعات العربيات بتتخبط او تتحك حكات بسيطه اثناء النقل من المخازن لفروعهم فبيظبطوها وتتباع زيرو طبعا والزبون مابيكتشفش الموضوع انما التوكيل عمره ماهيغامر بسمعته حتي لو اتخبطت منه عربيه بيظبطها ويديها لاي موزع من اياهم بسعر مخفض والموزه ده طبعا بيبعها بسعرها الطبيعي ما اكتر المواضيع اللي شفتها سواء علي المنتدي او الحياه العمليه.

موضوع اللون بقي كل الخرابيش بتبقي واضحه في كل الالوان تقريبا ماعدا الفاتحه زي الفضي انما خربوش في الموكا هيبان من بعيد زيه زي الاسود بالظبط وان كان اللون الاسود بيتفوق علي الفضي في موضوع الاكصدام لو اتحك مش بيبان بسهوله لانه البطانه لونها اسود برضه

بالتوفيق ان شاء الله وربنا يختارلك اللي فيه الخير

تحياتي

[Hany Saad]

موضوع ان التوكيل اضمن ده بيبقي من حيث

1-العربيه بتروح لفرع التوكيل اللي هتستلم منه علي كساحه (ونش ) العربيه بتبقي عامله في حدود 12 كم يعني مفيش حد ساقها قبل كده غيرك.

2-كل العربيات اللي بتنزل مصر بيتعملها (PDI (pre-delivery inspection بما فيها اللي بتتسلم لمعارض البيع لكن ممكن موزع يكون مستعجل مثلا وياخد كام عربيه قبل مايتعملها تشيك

3-الموزعين (طبعا مش كلمهم بيعملوا كده ) ساعات العربيات بتتخبط او تتحك حكات بسيطه اثناء النقل من المخازن لفروعهم فبيظبطوها وتتباع زيرو طبعا والزبون مابيكتشفش الموضوع انما التوكيل عمره ماهيغامر بسمعته حتي لو اتخبطت منه عربيه بيظبطها ويديها لاي موزع من اياهم بسعر مخفض والموزه ده طبعا بيبعها بسعرها الطبيعي ما اكتر المواضيع اللي شفتها سواء علي المنتدي او الحياه العمليه.

موضوع اللون بقي كل الخرابيش بتبقي واضحه في كل الالوان تقريبا ماعدا الفاتحه زي الفضي انما خربوش في الموكا هيبان من بعيد زيه زي الاسود بالظبط وان كان اللون الاسود بيتفوق علي الفضي في موضوع الاكصدام لو اتحك مش بيبان بسهوله لانه البطانه لونها اسود برضه

بالتوفيق ان شاء الله وربنا يختارلك اللي فيه الخير

تحياتي

بأكد كلام أحمد بيه....بطانة أكصدام اللون الأسود لونها أسود و مش بيبان فيه أى خرابيش تماماً
طبعاً من خبرتى مع الميجان....معايا Permanent Marker لونه أسود و قلم تحديد لونه أسود.....أول بأول لما بيكون فى خرابيش بسيطة فى العربية بالماركر و قلم التحديد بتختفى فى ثوانى......

[MEDOBAT]

ياسلام
كلام يستحق التقدير..... كله جديد عليا الصراحه
واضح جدا ليه التوكيل اضمن :)
بردوا موضوع اللون منطقي جدا... والله شكلي هاشوف الاسود ولو عجبني هخلص فيها ان شاء الله
ده لوكانت لسه موجوده
مشكور جدا علي المعلومات المفيده دي :)