خاصية الأضاءة عن بعد للرينو فلوانس...رفاهية

[Hany Saad]

راكن فى مول كبير زى كارفور بالليل و الدنيا زحمة و مش لاقى عربيتك، نازل جراج ظلمة، نازل متأخر و راكن فى شارع ظلمة، حد واقف جنب عربيتك و قلقان منه و عايزه يمشى و الكتير من المواقف اللى بتقابلنا يومياً.....الحل فى خاصية الأضاءة عن بعد اللى فى الرينو فلوانس



ببساطة دوس على زر الأضاءة رقم 3 اللى فى ال SMART CARD سوف يضىء الكشاف العالى لمدة 30 ثانية ليكشف لك مكان عربيتك، ينور الجراج او الشارع الظلمة و يطفى لوحده اتوماتيكياً و بالضغط عليه مرة تانية يمكن غلقه يدوياً

لاحظ ان range الكارت فوق ال 15 متر من العربية مع عدم وجود عوائق مرتفعة

طبعاً الكلام ده غير خاصية SEE ME HOME LIGHTNING اللى بنشغلها من دراع الكشاف العالى لما نشده علينا بعد ما نطفى العربية و ليه 4 تظبيطات 30, 60, 90 و 120 ثانية عن طريق عدد شدادات دراع الكشاف ناحيتنا و كأننا بنقلب النور العالى، كل شدة ب 30 ثانية و بيكتبلنا فى الشاشة see me home 60 seconds

استمتعوا بسيارتكم الفلوانس

[FAR!D]

الله ينور يا كبير
بس الكلام ده في الفيس ليفت ولا كمان القديمه ؟

[Hany Saad]

الله ينور يا كبير
بس الكلام ده في الفيس ليفت ولا كمان القديمه ؟

و عليك يا باشا.....القديم كمان فيها نفس الموضوع

[omaranes77]

طب انا سؤالي مالوش علاقة بالموضوع
اية نظام السيارة في التشغيل
زي الميحخان اصل الي اعرفو ان اؤميجان تحط الكارت ودوس علي زرار استارت هل دي كدة وبتخنلف من فئة لي فئة ولا

[saifo911]

حبقي انزل اجرب موضوع الدراع دا جديده

[Hany Saad]

طب انا سؤالي مالوش علاقة بالموضوع
اية نظام السيارة في التشغيل
زي الميحخان اصل الي اعرفو ان اؤميجان تحط الكارت ودوس علي زرار استارت هل دي كدة وبتخنلف من فئة لي فئة ولا

الميجان كان لازم تحط الكارت فى مكانه.....الفلوانس لأ....كفاية ان الكارت يكون فى محيط العربية....انا ببقى حطه فى جيبى او فى الكونسول و ادوس زر الستارت ....طبعاً حابب تحطه فى مكانه مفيش ادنى مشكلة برده
طبعاً الكلام ده مش فى المانيوال و لا اول فئة اتوماتيك علشان دول مفتاح مش كارت اما باقى الفئات نفس الشىء
تحياتى

[lenasam]

ما شاء الله
طاب الكورولا 2014 ما فيهاش الخاصية دى ؟

[omaranes77]

الميجان كان لازم تحط الكارت فى مكانه.....الفلوانس لأ....كفاية ان الكارت يكون فى محيط العربية....انا ببقى حطفه فى جيبى او فى الكونسول و ادوس زر الستارت ....طبعاً حابب تحطه فى مكانه مفيش ادنى مشكلة برده
طبعاً الكلام ده مش فى المانيوال و لا اول فئة اتوماتيك علشان دول مفتاح مش كارت اما باقى الفئات نفس الشىء
تحياتى

حبيبي شكرا للتوضيح
ومبروك علي اللقب الجديد

[Hany Saad]

حبيبي شكرا للتوضيح
ومبروك علي اللقب الجديد

الله يبارك فيك و مرحباً بيك دائماً معانا فى القسم و بنسعد بمشاركاتك القيمة
خالص تحياتى

[Hany Saad]

ما شاء الله
طاب الكورولا 2014 ما فيهاش الخاصية دى ؟

كل فئات الكورولا مفهاش الخاصية دى لانها مفتاح مش كارت و اعتقد ان كمان الهاى لاين فى الكورولا برده مفهاش الخاصية دى و اكيد رجالة الكورولا هيوضحولنا لو الهاى لاين فيها
تحياتى

[Hany Saad]

طبعاً لدقة المعلومة النور الكبير الواطى (مش العالى) مع ال led هما اللى بينوروا......

[mostafa magdy]

كل فئات الكورولا مفهاش الخاصية دى لانها مفتاح مش كارت و اعتقد ان كمان الهاى لاين فى الكورولا برده مفهاش الخاصية دى و اكيد رجالة الكورولا هيوضحولنا لو الهاى لاين فيها
تحياتى

ياه أد أيه ريحتني يا باش مهندس ههههههه .. أنا موضوع ال Esp ده كان تاعبني جدا ..
رينا يبارك لك يا باش مهندس يا عالمي علي المواضيع الجميله دي ..
تحياتي ..

[miceg]

تمام ياهندسة

[mrashadnt]

شكرا يا باشمهندس هاني على المعلومات القيمة دائما

[shifo]

طبعاً لدقة المعلومة النور الكبير الواطى (مش العالى) مع ال led هما اللى بينوروا......

والفوانيس الخلفيه كمان بتنور معاهم