الى ملاك السانديرو

[mohammedmnmz]

مين هنا معاه السانديرو يا جماع؟؟؟؟؟؟؟؟؟؟؟؟؟؟؟؟؟
عايزين نتجمع في الموضوع ده بحيث نقدر نفيد بعض عن تجربتنا مع العربية و المشاكل المتكرره و حلها

[Shiemaa]

انا لسه بفكر اجيبها وناس كتير شكرو فيها بس تقريبا كلهم اجمعو ان تقفيلها وحش فرجعت افكر تاني بعد مكنت استقريت عليها

[mohammedmnmz]

هي تقفيلها فعلا وحش
بس مش فارق كتير يعني مش حاسس بان دي حاجه مضيقاني و انا راكبها
عموما خلي بالك ان فيه شكل جديد نازل و سعره المعلن لغاية دلوقتي 95 الف للمانيوال يعني فيه فرق في الفلوس لو الموضوع دا فار معاكي حاولي تحسمي امرك بسرعه

[Refaat33]

أنا معايا سانديرو إستلام مايو 2013 و ماشي بيها 9000 كم , والعربية جميلة الحمدلله ومفيش مشاكل , والتقفيل مش وحش قوي يعني :) .

ولو أي حد عنده أي أسئلة أنا ممكن أجاوب باللي أعرفه .

[mtc_46]

انامعايا العربية و عامل بيها 5000 كيلو لحد دلوقتى
انا مش فاهم يعنى ايه تقفيل وحش؟؟ .. العربية خاماتها الداخلية مش عالية .. لكن زيها زى بقيت الفئة دى و يمكن احسن شوية عدا الكراسى بصراحة حاسسهم عاملين زى بتوع السايبا برايد اللى كانت معايا .. تحسهم هفأ كدة
لكن التقفيل كتقفيل و ليس خامات مش وحش
عموما هى العربية فى المجمل كويسة و خصوصا الموتور و الفتيس الاوتوماتيك

[Shiemaa]

هي تقفيلها فعلا وحش
بس مش فارق كتير يعني مش حاسس بان دي حاجه مضيقاني و انا راكبها
عموما خلي بالك ان فيه شكل جديد نازل و سعره المعلن لغاية دلوقتي 95 الف للمانيوال يعني فيه فرق في الفلوس لو الموضوع دا فار معاكي حاولي تحسمي امرك بسرعه

يا لهوي

[Shiemaa]

انا اتصلت دلوقتي بوكيل رينو ومحمد ذكي قالولي ان السانديرو مفيش منها اتوماتيك واللي نازل بس مانيوال

هو اللي حضراتكم جايبنها مانيوال محدش جاب اتوماتيك خالص

[Refaat33]

الشكل الجديد نازل مانيوال بس لحد دلوقتي , ممكن حضرتك تشوفي الشكل القديم أتوماتك في المعارض أو ممكن حاجه كسر زيرو .

[mohammedmnmz]

انا اتصلت دلوقتي بوكيل رينو ومحمد ذكي قالولي ان السانديرو مفيش منها اتوماتيك واللي نازل بس مانيوال

هو اللي حضراتكم جايبنها مانيوال محدش جاب اتوماتيك خالص

كل اللي معانا يبأه الشكل القديم
و فيه منه اوتوماتيك بس الحقي لانها بتخلص بسرعة الصاروخ اليومين دول عشان زي ما قولتلك الشكل الجديد غالي و الشكل الجديد هو اللي مامنهوش اوتوماتيك لغاية دلوقتي
طيب ملحوظة كمان الشكل القديم عمال يخلص بسرعه و الجديد اغلى كتير فسعر العربية بيزيد بشكل يومي( استغلااااااااااااااااااااااااااااال) فبرضه لو ناوية الحقي
و في الاخر ما تنسيش الاستخاره
بس فعلا العربية جميله جدا و حت التقفيل دي مش فارقه نهائي لينا كمستخدمين

[mohammedmnmz]

أنا معايا سانديرو إستلام مايو 2013 و ماشي بيها 9000 كم , والعربية جميلة الحمدلله ومفيش مشاكل , والتقفيل مش وحش قوي يعني :) .

ولو أي حد عنده أي أسئلة أنا ممكن أجاوب باللي أعرفه .

هو كمبيوتر الرحلات دا التعامل معاه ازاي؟؟؟؟

[Hany Saad]

اعتقد من احسن العربيات فى هذه الفئة السعرية و لها مميزات خاصة بها وحدها زى الارتفاع عن الارض و الحجم الواسع و الصاج الجيد
تحياتى

[Shiemaa]

كل اللي معانا يبأه الشكل القديم
و فيه منه اوتوماتيك بس الحقي لانها بتخلص بسرعة الصاروخ اليومين دول عشان زي ما قولتلك الشكل الجديد غالي و الشكل الجديد هو اللي مامنهوش اوتوماتيك لغاية دلوقتي
طيب ملحوظة كمان الشكل القديم عمال يخلص بسرعه و الجديد اغلى كتير فسعر العربية بيزيد بشكل يومي( استغلااااااااااااااااااااااااااااال) فبرضه لو ناوية الحقي
و في الاخر ما تنسيش الاستخاره
بس فعلا العربية جميله جدا و حت التقفيل دي مش فارقه نهائي لينا كمستخدمين

حضرتك عندك فكرة الاقي الشكل القديم فين انصلت بكذا معرض مش لاقيه ولاقيت في المصريه قاللي ب ١٠٥ المستغلين

مش عارفه القيها فين او كسر زيرو بردو فين

لو حد عنده فكرة ممكن يساعدني

وسؤال تاني معلش هي ممكن يتركبلها حديد من ادام وورا ولا مينفعهاش

[mohammedmnmz]

حضرتك عندك فكرة الاقي الشكل القديم فين انصلت بكذا معرض مش لاقيه ولاقيت في المصريه قاللي ب ١٠٥ المستغلين

مش عارفه القيها فين او كسر زيرو بردو فين

لو حد عنده فكرة ممكن يساعدني

وسؤال تاني معلش هي ممكن يتركبلها حديد من ادام وورا ولا مينفعهاش

دا امتى الكلام ده؟؟؟؟؟؟؟؟؟؟؟
انا النهارده كنت في المصرية و الشكل القديم خلص و الشكل الجديد هو اللي موجود و ب 96 الف

[Shiemaa]

حد من المبيعات قاللي كده في التليفون انبارح

القديم اتوماتيك ب ١٠٥

[Shiemaa]

متعرفش ممكن القيها فين تاني