ايه موضوع العفشه التورشن بيم دى اللى نازله فى الفلونس

[yasser100]

الحمد لله اشتريت الفلوينس e3rs و العربيه بصراحه مبهره و جميله فى كل حاجه شكلا و موضوعا بس عايز حد يفهمنى ايه موضوع التعليق الخلفى بتاعها ده اللى هو تورشن بيم و سمعت على انه مش كويس فى الثبات على الطرق السريعه و ازاى عربيه بالسعر ده و الامكانيات دى ما تنزلش فيها عفشه مالتى ؟ دى كانت نازله فى الاوبترا , ارجو الايضاح

[miceg]

أخي الكريم ربنا يباركلك فالعربية
واعتقد انك داخل صراع مع ذاتك بعد شراء السيارة وده أسوأ شىء لانه هيفسد فرحتك
التورشن بيم ليه مميزاته وليه عيوبه والمالتلي لينك أيضا
من مميزات التورشن بيم :-
انه خفيف وسهل صيانته وسعره أيضا ولا يشغل حجم كبير مما يتيح بالوسع داخل الكنبة الخلفية والشنطة والقدرة على حمل أحمال ثقيلة بدون عناء ولا يؤثر على كاوشات او زوايا السيارة
يعني من الاخر بيجمع بين التكلفة والراحة والوسع الداخلى والثبات
المالتي لينك :-
ميزاته في الراحة وزيادة ثبات العربية بس أكثر تعقيدا ولو حصل حاجة للدونجل بتاعه صعب انه يتعدل وممكن تغير العفشة بالكامل
وخد فإعتبارك إنه بيفرق مالتي لينك الماني عن فرنساوي عن كوري وهكذا
وليه عربياته اللي بينزل فيها وبتختلف متعه القيادة لان المالتي لينك مش واحد
بالنسبة للتورشن بيم فبينزل فالكورولا 2014 والسيراتو 2014 والفلوانس
مع العلم ان تورشن بيم + esp أكثر ثباتا من تورشن بيم لوحده
وبرضه التورشن بيم الياباني غير الكوري غير ألاوروبي وهكذا
لا تفسد عليك فرحتك .. ولو ان الحاجات دي المفروض تكون عارفها قبل ماتشتري
وطالما انت مبسوط من العربية خلاص مش هيفرق معاك المسميات
تحياتي

[yasser100]

لالالالالالالالالا يا باشا العربيه مقتنع بها تماما و بعد مقارنات مع الكورولا و الاسترا بس بصراحه ما خطرش على بالى ادقق فى العفشه لانى متأكد انهم مش هاينزلوا عفشه اى كلام فى عربيه زى دى حتى لو تورشن بيم . و انا عارف كويس انه مافيش عربيه كامله و لكن باخد الاجمالى , شاكر لرد سيادتك و فعلا باستمتع بها :)) , ما عليش ليه طلب تانى , اشتريت العربيه من معرض و معرض كبير لا داعى لذكر اسمه علشان التوكيل عنده حجز و فتره طويله خصوصا على e3s و طبعا الشرا من معرض لا يخلو من حركات العيال , ما استلمتش الخمس مسامير بتوع الاستبن و همه طبعا مختلفين عن مسامير الجنوط لان الجنوط 16 و الاستبن 15 و مش جنط , المهم هو سعرهم مش غالى بس مقاسهم كام ؟ لو عندك فكره افيدنى

[miceg]

انا برضه استلمت من معرض
ومستلمتش المسامير ومعنديش فكرة والله
هحاول اوصل للمعومة وأقولك
وربنا يديم عليك وعلينا الفلوانس نعمة ويحفظها من الزوال

تحياتي

[yasser100]

انا برضه استلمت من معرض
ومستلمتش المسامير ومعنديش فكرة والله
هحاول اوصل للمعومة وأقولك
وربنا يديم عليك وعلينا الفلوانس نعمة ويحفظها من الزوال

تحياتي

امين و يكفينا شر العين , انا سالت التوكيل بنفسى و قال بينزل 5 مسامير للاستبن بس ما يعرفوش المقاس , محتاجين يوصلونا بمهندس , بس دى فعلا مشكله ما حدش يقدر يعرف امتى تتعرض لموقف تغيير العجل حتى لو جديد , و الله انا باخاف من المعارض علشان الحركات دى بس هاعمل ايه , التوكيل هو اللى بيجبرنا و عليه ضغط حجز لدرجة انه لفيت اكتر من 5 معارض كبيره علشان اتفرج بس و ما فيش حتى فى التوكيل عربيه تتفرج عليها

[Astra Lovers]

قارنت بين الفلونس وبين الاسترا والكورولا واقتنعت ب رينوا
مينفعش اصلا مقارنه بين رينو واوبل او رينوا وكورولا
حضرتك كده ظلمت نفسك\
تحياتي

[yasser100]

قارنت بين الفلونس وبين الاسترا والكورولا واقتنعت ب رينوا
مينفعش اصلا مقارنه بين رينو واوبل او رينوا وكورولا
حضرتك كده ظلمت نفسك\
تحياتي

ما عليش مش فاهم :) , ظلمت نفسى من ناحية ايه بالظبط ؟ الافضليه لهم ؟ لا اعتقد

[J A G U A R]

التورشن بيم فى الفرنسى كويس

[HOSSAM99]

مش كل المالتي لينك ثابت و لا كل التورشن مراجيح
هو طبعا المالتي لينك بيديك قبل الثبات نعومة و راحة لكن مش هو أساس ثبات العربيه
الفلوانس من أجمل العربيات في فئتها في الثبات مع إنها مش أوروبي مخلص لكن ثابته جدا و مريحه في نفس الوقت
أستمتع بعربيتك و مبروك عليك

[yasser100]

مش كل المالتي لينك ثابت و لا كل التورشن مراجيح
هو طبعا المالتي لينك بيديك قبل الثبات نعومة و راحة لكن مش هو أساس ثبات العربيه
الفلوانس من أجمل العربيات في فئتها في الثبات مع إنها مش أوروبي مخلص لكن ثابته جدا و مريحه في نفس الوقت
أستمتع بعربيتك و مبروك عليك

شكرا على الاختصار المفيد و ما فيش النهارده عربيه مخلصه بتاعت بلادها , التيوتا الجديده تركى و الاسترا بولندى و الجيتا مكسيكى و الاوبترا الجديده صينى

[تامر.محمد]

قارنت بين الفلونس وبين الاسترا والكورولا واقتنعت ب رينوا
مينفعش اصلا مقارنه بين رينو واوبل او رينوا وكورولا
حضرتك كده ظلمت نفسك\
تحياتي

ليه ظلم نفسه ؟
اغلب الناس اللي بتشتري في الفئة دي بتركب العربيات و تجربها قبل ما تشتري لأن العربيات دي بتتجاب بمبالغ مش قليلة
سواء الفلوينس او الاسترا او الكورولا او السيراتو , الاربعة فعلا احلى من بعض و كل واحدة فيهم فيها حاجة مش في التانية , لكن الفروق ما بينهم مافيهاش حاجة تستدعي ان اللي يركب واحدة فيهم يبقى ظلم نفسه لأنه ما جابش التانية

كلهم اعتماديتهم كويسة مع بعض التفاوت
كلهم تسارعهم مش اوي باستثناء السيراتو
اتنين منهم الفتيس بتاعهم cvt , الفلوينس و الكورولا
كلهم عفشتهم تورشن بيم باستثناء الاسترا
كلهم وسائل الامان فيهم عالية و نتايجهم في اختبارات التصادم كويسة , السيراتو اقل شوية من الباقيين
اتنين منهم فيهم esp , الاسترا و الكورولا
كلهم خاماتهم الداخلية كويسة
اتنين منهم صالونهم واسع , الفلوينس و الكورولا , الاسترا لأ , و السيراتو مش عارف
تكييف الفلوينس و الكورولا و السيراتو كويسين , الاسترا مش عارف
فتحة التكييف الخلفية موجودة في الفلوينس و مش عارف الباقي نظامه ايه
التوكيل كويس بالنسبة للرينو و الكيا و التويوتا , الاوبل لأ

الموضوع بسيط
اما عن المقارنة بين رينو و اوبل او رينو و تويوتا عموما , فحدث ولا حرج

الميجان2 ام اعتمادية على قدها , انا اللي باقول اهو :) , حطها في مقارنة مع الاسترا 2000 - 2005 (مع قريبي موديل 2000 و عارفها كويس و مع زميل ليا موديل 2005 او 2004 و عارفها كويس برده ) , الميجان2 تكسبها , و شوف دي و هي ماشية و شوف دي و هي ماشية , حطها في مقارنة مع الاسترا 2007 هتلاقيهم قريبين من بعض , و ده مش معناه ان الفرق لصالح الاسترا

حط الفلوينس في المقارنة مع التويوتا 2008-2013 , هاتتفوق الكورولا في التسارع بفرق محسوس و الاعتمادية بفرق مش كبير , الباقي كله لصالح الفلوينس

حط الفلوينس في مقارنة مع الاسترا 2007 (مش عارف استمر انتاجها ل2011 لما الفلوينس نزلت ولا لأ) , الفلوينس تكسبها

كلامي مش معناه ان الاوبل وحشة ولا ان التويوتا وحشة , الاوبل عربيات حلوة جدا لكن توكيلها قاتلها , و التويوتا كان عيبها ان العربية بتيجي مأشفرة و اتصلح تمام
لكن معناه ان الرينو حاليا مش اقل اصلا , فضلا عن ان يتقال للي جابه انه ظلم نفسه

تحياتي

[yasser100]

يا جماعه انا مش متحيز و لا متعصب لماركه التلاته كانوا قدامى باستثناء السيراتو ما كانتش فى دماغى اصلا و التلاته نفس رينج الاسعار ان كان فيه فروق فى 3000 او 4000 مش همه اللى بيكونوا السبب مع واحد بيشترى عربيه ب 180000 يغير تفكيره لماركه عن التانيه فى التلاته كل الموضوع بالنسبه لى انه باحسب مميزات و عيوب و ايه اللى يناسبنى من وجهة نظرى , انا مثلا طويل باحتاج صالون واسع و ده مش موجود لا فى الكورولا و لا الاسترا , انا مش بافضل نظام الكونسول الامامى مليان زراير على الهايفه و المليانه و كلها اغلبها زراير كاسيت زى اللى فى الاسترا اللى هو نسخه من تابلوه الكروز و ده على حساب المساحه , انا شفت استرا الجديده محمله 3 ورا جايه على الارض و التيوتا ضعف الجسم بتاع العربيه مش بيعجبنى و مش معنى ده انه وحشين لا و لكن من وجهة نظرى مش بافضلهم بس غيرى بيفضلهم

[تامر.محمد]

يا جماعه انا مش متحيز و لا متعصب لماركه التلاته كانوا قدامى باستثناء السيراتو ما كانتش فى دماغى اصلا و التلاته نفس رينج الاسعار ان كان فيه فروق فى 3000 او 4000 مش همه اللى بيكونوا السبب مع واحد بيشترى عربيه ب 180000 يغير تفكيره لماركه عن التانيه فى التلاته كل الموضوع بالنسبه لى انه باحسب مميزات و عيوب و ايه اللى يناسبنى من وجهة نظرى , انا مثلا طويل باحتاج صالون واسع و ده مش موجود لا فى الكورولا و لا الاسترا , انا مش بافضل نظام الكونسول الامامى مليان زراير على الهايفه و المليانه و كلها اغلبها زراير كاسيت زى اللى فى الاسترا اللى هو نسخه من تابلوه الكروز و ده على حساب المساحه , انا شفت استرا الجديده محمله 3 ورا جايه على الارض و التيوتا ضعف الجسم بتاع العربيه مش بيعجبنى و مش معنى ده انه وحشين لا و لكن من وجهة نظرى مش بافضلهم بس غيرى بيفضلهم

احتياجاتك هي الاساس بالتأكيد

انصحك تبص على الكورولا تاني , انا لما ركبتها ما حستش انها ضيقة بالمرة , حسيتها واسعة و مريحة , و انا راكب ميجان2 المفروض انها واسعة برده
بصراحة مش فاهم نقطة ضعف جسم الكورولا , بس عموما الزملا من قسم تويوتا يفيدوك

و كلنا عموما تحت امرك فيما يخص اي سؤال ان شاء الله و ربنا ما يجعلنا متحيزين ابدا لأنها امانة :)))


اضافة : انا اسف ما اخدتش بالي انك اشتريت خلاص , مبروك الفلوينس و احنا برده معاك في اي حاجة ان شاء الله

[yasser100]

احتياجاتك هي الاساس بالتأكيد

انصحك تبص على الكورولا تاني , انا لما ركبتها ما حستش انها ضيقة بالمرة , حسيتها واسعة و مريحة , و انا راكب ميجان2 المفروض انها واسعة برده
بصراحة مش فاهم نقطة ضعف جسم الكورولا , بس عموما الزملا من قسم تويوتا يفيدوك

و كلنا عموما تحت امرك فيما يخص اي سؤال ان شاء الله و ربنا ما يجعلنا متحيزين ابدا لأنها امانة :)))


اضافة : انا اسف ما اخدتش بالي انك اشتريت خلاص , مبروك الفلوينس و احنا برده معاك في اي حاجة ان شاء الله

شكرا يا كبير و ربنا يبارك للجميع فيما رزق :)

[a7m8n]

فلوانس

معلش ياجماعه لحظه بس كده هو مين قال ان عفشه الفلوانس تورشيم بيم اصلا ؟؟؟؟؟؟؟؟؟؟
هى مش تورشيم بيم على فكره ها حاجه تانيه
Trailing arm type with coil springs, stabiliser bar and double acting shock absorbers
لو حد عنده معلومه تانيه ياريت يقولى