خاصية البلوتوث في كاست السانديرو

[mohammedmnmz]

بدأت النهارده اتفحص الكاست عن قرب شوي في عربيتي السانديرو
و طبعا كنت عارف ان فيه بلوتوث بس كنت لسا ماشغلتوش
بدأت احاول اشغله واحده واحده لغاية ما عرفت اربط الموبيل بالكاست و لقيت الكاست لوحده بينزل قايمة الاسماء من التليفون و جربته و عملت كذا مكالمه و انا سايق و انا واقف الصوت كان نقييييييييييييييييييييي جدا عندي و عند اللي بيكلمني
(ميزه جميله فعلا في العربيه تخليك تعمل اي تليفون و انت سايق من غير ما تتلخم بالموبيل او توجع ودانك بالسماعات)
طبعا انا عامل الموضوع ده للي لسا شاري العربية زي حالاتي و مايعرفش الخاصية دي

[mohammedmnmz]

طيب نيجي لطريقه التشغيل
طبعا نشغل الاول بلوتوث الموبيل
و بعدين فيه زرار في الكاست اسمه Tele بنضغط عليه بيظهر Bluetooth بنضغط ok و بعدين بنختار on عشان نشغل البلوتوث في الكاست (طبعا التحريك بيكون يا اما من البكره بتاعة تظبيط الموجه يا اما من الكاست او من البكره اللي في التحكم الورا الدركسيون و الاختيار بيكون من زرار ok اللي في التحكم اللي ورا الدركسيون او بالضغط على البكره اللي في الكاست كأنها زرار)
طيب بعد كده نختار pair device و نبحث عن الكاست في الموبيل و نختاره من القايمه في الموبيل
بيطلب ال pin و دا بيكون مكتوب على شاشة الكاست ( غالبا بيكون 1234 او 0000 )
بعد ما تدخل ال pin في الموبيل بيطلبه منك تاني على الكاست بيديك قايمة فيها ارقام و انت تتنقل بنفس الطريه و تكتب الرقم و تقوله validate
بيتم الربط بين الموبيل و الكاست و يطلب منك السماح للكاست بتنزيل قايمة الاسماء طبعا انت بتوافق
و بكده كل ما تركب و يكون بلوتوث موبايلك مفتوح تقدر تعمل اي مكالمه او تستقبل اي مكالمه عن طريق كاست العربية بكل سهوله عن طريق التحكم اللي ورا الدركسيون

يا رب يكون شرحي سهل و يفيد الناس

[mr_green]

شكرا على المعلومات و ربنا يباركلك فى عربيتك :)

[mohammedmnmz]

شكرا على المعلومات و ربنا يباركلك فى عربيتك :)

العفو و ربنا يبارك فيك