تحذير من ميكانيكى هاى تك صقر قريش

[mishmishy]

السلام عليكم احبائى اعضاء قسم الرينو . . انا احد محبى الميجان وحين قررت ان اقتنيها للاسف الشديد كنت ضحية لشخص لا يعرف معنى الضمير وهو مالك ورشة هاى تك فى صقر قريش حيث انه رشح لى أحد السيارات الميجان والتى اشتريتها بناءا على نصيحته . .وبثمن يدل انها بحالة ممتازة فكانت البداية انه قام ببعض الصيانات ومن ضمنها تغيير سير الدينامو حيث فوجئت ان السيارة تقول check injection و صوت خبطة فى الموتور فتوقفت بالسيارة واكتشفت ان سير الدينامو تمزق ولف على الطمبورة وطبعا حدث فتح للصبابات كما علمت حين قمت بتحميل السيارة على ونش وذهبت بها الى هاى تك وهو من كان قد قام بتركيبة بشكل خاطىء ادى الى هذا العطل الذى كلفنى مبلغ محترم لاذنب لى به وحين سالت المذكور محمد عبدالمنعم صاحب هاى تك قال اسباب ما انزل الله بها من سلطان لتتوالى الصيانات الغير مكتمله وتتكرر الاعطال واهمها ان الشكمان يخرج منه دخان ازرق ذو رائحة كريهه فكان الرد ان ذلك بسبب علبة البيئة والتى قمت بتغييرها واكتشفت انها لا تحتاج تغيير وان الموتور اساسا بحالة سيئة وانه يعمل بكفاءة 55% فقط ويتم احتراق الزيت اى انها تحتاج الى موتور و كان اخرها ان الفتيس يرشح زيت فقام بفك الموتور والفتيس وتكبدت طبعا مبلغ محترم ولم ينقطع ترشيح الزيت رغم انى ذهبت له بها اكثر من 4 مرات بعدها وكل مرة يدعى انه تم اصلاح سبب الترشيح لاجد فى الصباح بقعة زيت جديدة تحت السيارة واكتشفت انه قام بتركيب جوان غير اصلى وهو ما ادى الى عدم احكام ربط الفتيس وتسريب الزيت . . واخذت قرار بيع السيارة لانى لا اثق به فى تغيير الموتور ولانى تم استنزافى تماما . . والحمد لله قمت ببيعها ليتوقف النزيف المادى والمعنوى والنفسى والعصبى حيث اننى كنت لا اثق ان اذهب بها الى اى مكان ولكم ان تتخيلوا انه على مدار 9 اشهر سيرت بها 4 الاف كم فقط لا غير اى مقدار غيار زيت وكل هذا بسبب معدوم الضمير محمد عبدالمنعم صاحب هاى تك صقر قريش . وكان الواجب عليا ان احذر اخوانى مالكى الميجان والسلام عليكم ورحمة الله

[miceg]

أخونا الفاضل
ربنا يعوض عليك
وينتقم من معدومي الضمير
قلبي عندك والله وربنا يعوضك بفضله وكرمه ولصبرك على مابتلاك
شكرا لإفادة ألاعضاء وجعل الله ذلك ذخرا لك يوم القيامة

[تامر.محمد]

حسبي الله و نعم الوكيل

قدر الله ما شاء فعل

كان حقك يا اخي الكريم تسأل هنا في القسم كان الاخوة دلوك تعمل ايه و تروح لانهي صنايعية متجربين

Sent from my GT-N7000 using Forum Runner

[moh158]

ربنا يعوض عليك و عايز اضيف حاجة كمان ان محمد عبد المنغم انسان نصاب ما عندوش ضمير و عايش في دور انه مهندس و هو ميكانيكي عادي جدا.

للأسف كان عندي تجربة سيئة معاه ادت الي حرق اليو بي سي

بس أنا عندي عتاب علي حضرتك انك فضلت مكمل معاه الي الاخر

[lad]

اساسا معظم صقر قريش نصابين و حرامية

[محمود سامح]

الله يعوض على حضرتك فعلا لاتشترى سيارة من ميكانيكى عن تجربة فاشلة مع ميكانيكى فى الحرفين ولبسنى فى 5000 جنية اسمة محمد الشرقاوى او الادهم نفس الاسلوب منهم لله

[mishmishy]

انا شاكر ليكم جميعا والعوض من الله سبحانة وتعالى والبنسبة للاخ الكريم اللى بيقولى انا كملت معاه ليه بقوله للاسف كنت مضطر لانى دفعت فلوس وبدل ما اروح لحد جديد وادفع تانى كنت بضطر اكمل معاه علشان احل المشكله . . انا اتكلفت حوالى 10 الاف جنيه فوق سعر العربية وفى الاخر بعتها وهى محتاجة موتور وفيها حساس اكسجين وفى تسريب زيت من علبه الدركسيون . . وقررت اركب زيرو فقط وحسبى الله ونعم الوكيل وربنا لا يباركله ابدا

[محمود سامح]

الف مبروك على الزيرو ياباشا

[airfox]

الله يعوض عليك بس انا المخلوق ده نصب عليا من سنه و نص اول ما جبت العربيه برده بس ربنا ستر و الناس المحترمه هنا لحقوني احمد مقصود و ايمن مومو و انا لسه علي اتصال با ايمن و كنت عامل موضوع كبير و ناس كتير شاركت فيه . ربنا يعوض عليك .بس متقفلش من العربيه وربنا يكرمك بواحده نضيفة و هتحس بفرق. انا فعلا لما حصل معايا كده كنت جايب اخري و كنت خلاص هبيع لولا اني الناس هنا ساعدتني و فعلا لما بتلاقي حد بتثق فيه يصلح العربيه و بيعامل ربنا بتفرق جامد . انا صاحبي اشتري ميجان من طارق الي في الهرم بعد ما اتعاملت معاه و للامانه و الحق العربيه فله و هو قاله ليك عندي ضمان و فعلا العربيه بعدي شهر و شويه طلعت جير بوكس و هو فضل كذا مره يصلح فيها و برده يرجع لحد ما في الاخر بعد اربع شهور اتاكد ان العيب سولنيد فالف و غيره علي حسابه احنا اخدنا منه العربيه بالغالي بس الصراحه تستاهل . ربنا يعوض عليك تاني و حسبي الله ونعم الوكيل في النصاب ده

[neemmohamed]

ربنا ييسر لك الخير ان شاء الله

[m_elbog]

محمد عبد المنعم ده هو الملقب بــ( محمد المدير ) انا الشيخ محمد الكهربائى كان بعثنى ليه عشان يشوف لمبة الايرباج منورة على طول ليه وكشف بالكمبيوتر وقالى ان العطل فى ايرباج كرسى السائق والتابلوه فقولت الغيهم وبالفعل عمل لهم الغاء وطلب خمسين جنيه دى المرة الوحيدة اللى اتعاملت معاه فيها .... ربنا يعوض عليك

[محمود سامح]

فعلا لاتشترى سيارة من ورشة اكبر غلطة

[محمود سامح]

محمد عبد المنعم بتاع هاى تك تلميذ الميكانيكى محمد الشرقاوى بالحرقين بس مش فى الميكانيكا لالافى غش والنصب غلى الناس احذروه لا يغرف غير غش الناس

[mishmishy]

هو فعلا ملقب بالمدير بس بنى ادم ربنا يديلة على اد افعالة ونيته بجد ربنا لا يسامحه

[turbomedia]

ربنا يعوض عليك