بخصوص مسامير العجل الزيادة للفلوانس فيس ليفت

[Hany Saad]

طبعاً فيه ناس استلمت مسامير زيادة للعجل مع العربية....فيه استلم 20 مسمار احتياطى و فيه استلم 5 مسمار احتياطى و فيه زى العبد لله ما استلمش مسامير زيادة خالص

السؤال هنا هو ليه فيه مسامير احتياطى اصلاً؟؟؟!!!!!!
الطبيعى انى هركب الاستبن مكان عجلة نايمة باستخدام نفس المسامير اللى فى العجلة النايمة....لانه بغض النظر ان الجنط الاستبن 15 مش 16 و لكن سن القلاووظ اللى فى بيت العجلة ثابت و مقاسه مقاس سن المسمار اللى راكب
يعنى سواء ركبت جنط 15 او 16 هتستخدم نفس المسمار للاتنين
مستنى اسمع رأيكم فى الموضوع ده

تحياتى

[miceg]

الله يباركلك ياعمونا
طيب بالنسبة برضه للناس اللي استملت 20 مسمار مش ده كثير برضه
المفروض يقسمهم على أخواته هنا فالقسم
احم احم :d

[Hany Saad]

الله يباركلك ياعمونا
طيب بالنسبة برضه للناس اللي استملت 20 مسمار مش ده كثير برضه
المفروض يقسمهم على أخواته هنا فالقسم
احم احم :d

منا يا خالد بيه عمال اهو اقول ناس استلمت 20 و ناس غلبانه ماستلمتش حاجة علشان حبايبنا اللى استلموا 20 يعنى يشوفوا اخوتهم بحاجة :):)؛)

التكافل حلو مفيش كلام :):)

حبيبي يا خالد بيه انت و دكتور مصطفى

تحياتى ليكم

[ahmedelfeky]

ماهي مش هتيجي كده ع النت ياجماعه اما نعمل مقابله ان شاء الله الاعضاء اللي معاهم 20 مسمار دول كلمتين حلوين ونسيبله منهم 5 يمشي حاله بيهم وال 15 يستروا 3 عربيات غلابه

[mostafa magdy]

إنتوا بتقولوا أيه يا جماعه ..
أيه الكلام ده أنا مصدوم :((
أنا حاسس إني في قسم التويوتا .. دي مش أخلاق فلوينس أبدا ..
إحنا أسره في بعضينا .. و المليان يصب علي الفاضي :))))
بس مش فاكر شيلت المسامير فين الصراحه :d :d

[mostafa magdy]

انا الوقتي بس عرفت معني أغنيه نانسي عجرم " في حاجات تتحس و متتقلش " :d
مكان لازم اسيح لنفسي يعني :)))))

و يا باش مهندس هاني .. هنحتاجهم أكيد .. و عايزين نعمل تسعيره كده عشان نراضي بعضينا

[yasser100]

طبعاً فيه ناس استلمت مسامير زيادة للعجل مع العربية....فيه استلم 20 مسمار احتياطى و فيه استلم 5 مسمار احتياطى و فيه زى العبد لله ما استلمش مسامير زيادة خالص

السؤال هنا هو ليه فيه مسامير احتياطى اصلاً؟؟؟!!!!!!
الطبيعى انى هركب الاستبن مكان عجلة نايمة باستخدام نفس المسامير اللى فى العجلة النايمة....لانه بغض النظر ان الجنط الاستبن 15 مش 16 و لكن سن القلاووظ اللى فى بيت العجلة ثابت و مقاسه مقاس سن المسمار اللى راكب
يعنى سواء ركبت جنط 15 او 16 هتستخدم نفس المسمار للاتنين
مستنى اسمع رأيكم فى الموضوع ده

تحياتى

باشا سألت فى الموضوع ده مهندس صيانه فى التوكيل لانى ماستلمتش برضه , الموضوع ده كان فى الموديلات القديمه مسامير الاستبن اللى هو 15 بوصه كانت مختلفه عن مسامير الجنوط اللى هيه 16 بوصه , الموضوع ده اتعدل و المسامير دلوقتى واحده

[MEDOBAT]

ايه المفاجأت دي؟؟؟
هو الجنط حديد وكمان 15"؟؟؟؟
علي كده تيوبلس ولا بداخلي؟؟؟و bridgestone ولا نسر؟؟

[mostafa magdy]

يا فندم الاوكتافيا A7 نازله بنفس الطريقه .. ده أتفق معاك إنه موضوع يضايق .. لكن بقي ال Trend كده !! هنعمل أيه
الإستبن المفروض إن حضرتك بتمشي عليه حته صغيره لحد ما ما تظبط المشكله اللي في الكاوتش بتاعك
تحياتي

[MohammedAladel]

مع السيارة الجنوط سبور المزودة بستبن حديد (يجب) إلحاق 4 مسامير خاصة به لأن مسامير الجنط الحديد مختلفة عن مسامير الجنط السبور

[yasser100]

مع السيارة الجنوط سبور المزودة بستبن حديد (يجب) إلحاق 4 مسامير خاصة به لأن مسامير الجنط الحديد مختلفة عن مسامير الجنط السبور

و الله انا سالت مهندس فى التوكيل , قال لى ده كان فى الشكل القديم , الجديد هيه هيه نفس المسامير

[Hany Saad]

و الله انا سالت مهندس فى التوكيل , قال لى ده كان فى الشكل القديم , الجديد هيه هيه نفس المسامير

أنا بأكد على الكلام ده لأنى قريت الكتالوج إمبارح و قايل بوضوح لو عربيتك معاها مسامير زيادة يبقى تستخدمهم وقت تركيب الأستبن و لكن ده حسب العربية....يعنى مش كله بينزل معاه مسامير إحتياطى....النقطة دى كانت واضحة فى الكتالوج

[MohammedAladel]

و الله انا سالت مهندس فى التوكيل , قال لى ده كان فى الشكل القديم , الجديد هيه هيه نفس المسامير

بشكل عام يا باشا مسامير الجنط الحديد تختلف عن مسامير الجنط السبور الألومنيوم بغض النظر عن نوع السيارة

[yasser100]

بشكل عام يا باشا مسامير الجنط الحديد تختلف عن مسامير الجنط السبور الألومنيوم بغض النظر عن نوع السيارة

و الله هو ده اللى اتقال لى من مهندس فى التوكيل وصلونى به