سطو مسلح

[AhmedJumaa]

بسم الله الرحمن الرحيم
السلام عليكم ورحمة الله وبركاته

تكلمة لسلسة الجميلة فلوانس

طبعاً موضوعي السابق كان فى أكتر من مشكله خاصة بيا خبط الاكصدام ثم الجنط الخ

أمبارح بليل الساعه 10:30 مساء داخل أحط بنزين عن نزلة الدائري اللي من المنيب بتطلعك عي الهرم عند بنزينه توتل قبل البنزينه تقريباً بـ 300 أو 400 متر لقيت عربية ربع نقل وقفت قدامي ونزل منها ناس مسلحة تقريباً كنت بشوفها فى الافلام بس ،

المهم نزلوني وخدوا العربية بالموبيلات بكل ما كان داخل العربية

روحت قسم الهرم عملت محضر بالواقعه وطبعاً معرفش ظروف التامين معايا هتبقي إيه لحد دلوقتي

العربية تحمل نمر 1871 ط ط
رينو فلوانس 2014 فضي ...

وربنا ما يكتبها علي حد يأرب ...


.................................................. ...................

[speed_magnum]

الحمد لله انك بخير دي اهم حاجه والعربيات والفلوس دي بتروح وبتيجي ما تزعلش وهتلاقي ان اغلب الاعضاء وانا واحد منهم اتثبت زيك كدا تمام فما تزعلش ....
اول امبارح وانا في المستشفى جت حالة الحراميه طلعوا عليه يثبتوه حاول يهرب منهم ضربوا عليه نار وعوروه جامد وعربيته اتقلبت وجريوا ...
قل الحمد لله

[Mahmoud/Nabil]

لا حول و لا قوة الا بالله

[amr011111]

ربنا يعوض عليك
وان شاء الله ترجعلك العربيه

[ashraftheking]

ربنا يعوض عليك انشا الله باحسن منها

[hany63]

فداك المهم انك بخير
التاءمين المفروض يعوضك طبعا بس شوية اجراءات و شد و جذب انت عارف طبعا النظام في مصر ماشي بالفهلوه
مش فاهم هوا البلد دي مفيهاش واحد بيفهم ولا ايه بالظبط دي جرايم السرقه بالاكراه بقت اكتر من سرقة الغسيل زمان
المفروض يطلع قانون بقرار جمهوري بالاعدام شنقا لجريمة السرقه بالاكراه انشالله يكون الجاني ماسك مطواه و يعملوا دايره متخصصه عشان الزباله دي تتعدم بدري بدري و يكونوا عبره للصيع اللي في رائيي وصلوا لرقم مرعب اللي بيستحلوا املاك و ارواح الغير
من غير كده مفيش امن في لبلد

[yasser100]

لا حول و لا قوة بالله و ربنا ما يكتب على حد و انشاء الله ترجع لك , لا اله الا الله سبحانك انى كنت من الظالمين

[تامر.محمد]

لا حول ولا قوة الا بالله

حسبي الله و نعم الوكيل

[akmm]

لاحول ولا قوه الا بالله العلى العظيم ............. قدر الله وما شاء فعل ...... ولكن الموضوع بتاع التثبيت والسرقات زاد جدا جدا ... اللهم الطف بنا .

[sharkass]

لا حول ولا قوة الا بالله ربنا يعوض عليك وان شاء الله ترجعلك العربيه بالسلامة

[wella3330]

الف سلامة عليك

[Seifmando]

اللهم يا جامع الناس الي يوم لا ريب فيه اهديه الي ضالته

[airfox]

لا حول ولا قوة الا بالله .بس انا في اثنين اعرفهم واحده ست كبيره طلعوا عليها الصبح في العبور وهي رايحة الشغل و كانت العربيه كورولا بقالها شهر و حاولنا نوصل للناس و طلبوا فديه بس كانت كبيره و التامين قالها انهم هيدفعوا 2/3 ثمن العربيه بس وبعد 4 شهور الداخلية عملت حملة و الثاني اتسرقت من تحت البيت وجت بعد 8 شهور بس كانت لون تاني . هما بياخدوا الموبايل علشان يحاولو يوصلولك و يطلبوا فدية . ربنا ما يرويها لحد و يصبر اللي عاش التجربة و ان شاء الله ترجعلك

[Ahmed Selim]

لا حول ولا قوة إلا بالله.

ربنا يعوضك خير إن شاء الله و يردها إليك.

حمد الله على سلامتك.

[miceg]

قدّر الله وماشاء فعل
ربنا يأجرك في مصيبتك ويخلفك خيرها منها