مقارنة بين عفشة الفلوانس والفانتازيا

[yalahwy2010]

انا معايا فلوانس 2011 وعاملة 48000 كم.... وعربية الحاج فانتازيا 2012 وعاملة 25000 كم..... اخدتها مشوار محترم وفوجئت بفرق بصراحة كبير جدا في نعومة وهدوء العفشة لصالح الفانتازيا.... مش عارف هل أنا عندي مشكلة في عفشة عربيتي ولا دا طبيعي؟
مع العلم اني لسة مغير مساعدين أمامي ماكملوش شهرين.... هل في حد عمل مقارنة قبل كدة بين عفشة الفلوانس وعفشة العربيات اللي في نفس فئتها.... يا ريت حد يفيدني لأن الموضوع ده غايظني حبتين

[تامر.محمد]

عفشة الفانتازيا الخلفية مالتي لينك و من العربيات المشهورة جدا بثباتها

Sent from my GT-N7000 using Forum Runner

[Hany Saad]

طبعاً متفق مع تامر بيه ان الفانتازيا عربية ثابتة جداً على الأرض و لكن معلوماتى عنها ان عفشتها ناشفة و مش مريحة للدرجة
اعتقد ممكن يا باشمهندس فهمى يكون فيه مشكلة عندك فى العفشة....لو كنت حسيت ان عفشة الفانتازيا انعم من الفلوانس
تحياتى

[yalahwy2010]

الفانتازيا وانا راكبها بتاخد المطب او النقر بدون اي تخبيط في الدريكسيون.... علي العكس في الفلوانس
عندي بحس بتخبيط ومرجحة كدة في المطبات.... ودا اللي خلاني اغير المساعدين..... مع العلم ان في فرنش موتورز قالولي ان باقي العفشة كويسة.... بس للعلم برضه ان لما ربطوا العفشة قعدت كام يوم كويسة وبعدين حسيت انها سابت تاني.... فا ممكن يكون سبب ده ايه يا باشمهندس هاني؟

[تامر.محمد]

كده شكل العفشة فيها حاجة طالما فيه خبط في الدريكسيون

Sent from my GT-N7000 using Forum Runner

[noapology]

مفيش وجه مقارنه اصلا :] والدي معاه فانتازيا وانا فلوانس وطبعا الفلوانس انعم

[yalahwy2010]

طمنتوني.... انا هروح اشوف ايه المشكلة عندي وربنا يسهل وتطلع حاجة بسيطة

[Ahmed Selim]

عملت المقارنة دي بين الاوكتافيا ال a4 و الميجان زمان

متفق معاك الى حد كبير.......العفشة في الاوكتافيا كانت متماسكة اكتر و إحساسك بالمطبات اخف (في الدركسيون) بس النقر و الحفر الميجان كانت انعم

[yalahwy2010]

عملت المقارنة دي بين الاوكتافيا ال a4 و الميجان زمان

متفق معاك الى حد كبير.......العفشة في الاوكتافيا كانت متماسكة اكتر و إحساسك بالمطبات اخف (في الدركسيون) بس النقر و الحفر الميجان كانت انعم

يعنى نقدر نقول ان عفشة الفلوانس / الميجان أخف من الأوكتافيا ؟
انا بقارن بالنسبة لراحة العفشة فى النقر والمطبات ودرجة احساس السائق بيها جوة العربية....
موضوع النعومة ده مش عارف يعنى ايه الفانتازيا أنشف والفلوانس أنعم؟؟؟
بس فعلا تماسك الفانتازيا أكبر وتحس انك مش ماشى على نقر او مطبات....بعكس الفلوانس
مش كدة ولا ايه؟

[Ahmed Selim]

يعنى نقدر نقول ان عفشة الفلوانس / الميجان أخف من الأوكتافيا ؟
انا بقارن بالنسبة لراحة العفشة فى النقر والمطبات ودرجة احساس السائق بيها جوة العربية....
موضوع النعومة ده مش عارف يعنى ايه الفانتازيا أنشف والفلوانس أنعم؟؟؟
بس فعلا تماسك الفانتازيا أكبر وتحس انك مش ماشى على نقر او مطبات....بعكس الفلوانس
مش كدة ولا ايه؟

تمام.....إحساس السائق بيها جوة العربية بيكون عبارة عن نشوفية بس

الفليوانس مش بتحس بنشوفية بس فى المقابل بتحس بشوية أصوات فى الدركسيون.

الكلام ده أنا جربته و الميجان كانت جديدة.

[yalahwy2010]

طيب هل لما جلب المقصات تكون سليمة دا معناه ان المقصات مافيهاش مشكلة؟
السؤال التاني بقي.... هل الكاوتش لو بقاله 50000 كم.... بيفرق في كاوتش جديد مثلا
وايه تاني في العفشة ممكن يكون السبب في ان العفشة لما بتتربط بتبقي كويسة ويومين تلاتة بتبوظ تاني؟

[mostafa magdy]

الفنتازيا عفشتها قويه .. مش ناشفه ..
الفنتازيا ناعمه جدا مقارنه بالأوكتافيا ..
كلامي علي إساس إن كان معايا الفنتازيا .. و خاليا الفلوينس فيس ليفت ..
تحياتي ..

[Hany Saad]

طيب هل لما جلب المقصات تكون سليمة دا معناه ان المقصات مافيهاش مشكلة؟
السؤال التاني بقي.... هل الكاوتش لو بقاله 50000 كم.... بيفرق في كاوتش جديد مثلا
وايه تاني في العفشة ممكن يكون السبب في ان العفشة لما بتتربط بتبقي كويسة ويومين تلاتة بتبوظ تاني؟

باشمهندس فهمى....سؤال و عايز إجابته من غير لف و لا دوران :) :) و الأنكار زى ما أنت عارف مش هينفعك

أنت بقالك يا كبير 50 ألف كم بكاوتش الأستوك و مش مبسوط من العفشة!!!

أبتدى حوش يا كبير لطقم بريدجستون تورانزا و بعدين نبقى نتكلم مع بعض عن العفشة ده لو لسه فيها كلام...:)

تحياتى يا هندسة

[omaranes77]

هيا عفشة الفانتازيا مالتي لينك مش زي a7

[zangry]

انا معايا الـa5 وعفشتها ناعمة جدا وده اكيد عشان الكاوتش عندي 15 مش 16 مقارنة بالميجان اللى كانت عندنا الاوكتافيا عفشتها انعم بفرق ملحوظ