اللون مش هو... ماذا افعل؟

[yalahwy2010]

من فترة الباب اليمين عندي اتخبط.... المهم.سمكرته ورشيته... بس اللون مش نفس اللون الاصلي....الحل ايه يا جماعة... هو مش المفروض ان اللون بالكمبيوتر.... يعني يطلع زي الاصلي بالظبط؟
وكان في واحد صاحبي قاللي ان البوية النضيفة الغالية بتطلع نفس اللون احسن من يوتن... العادية يعني.... فا ايه رأيكم في الكلام ده؟
ولو حبيت ارش الباب تاني.... هل لازم بتاع الدوكو يسنفر من اول وجديد... ولا يرش علي القديم علطول؟

[M R. Z E C O]

صديقي العضو
هو فعلا المفروض اللون يطلع بالظبط بس الرك على جودة البوية ولازم تستنى لما لما الشمس تاثر فيه ومثال على ذلك لما تشتري عربية زيرو وما تشيلش الورق من عالكبوت مش بتلاحظ ان الدرجة مختلفة .طيب بعد الشمس ما تاثر عليه لمده معينة مش بيبقى نفس الدرجة ...
تقبل مروري zeco

[waleed alsudy]

كان المفروض بعد مارشيت العرابيه كلها
تروح مديها تلميه كلها علشان باقي العرابيه واخده شمس كتير فاهتحس ان في فرق
دا كل الموضوع

[yalahwy2010]

انا استنيت عليها مدة ..... يعني هي بقالها حوالي 4 شهور مرشوشة.... فا لغاية دلوقتي لونها فاتح..... وهل لو لمعتها اللون بيفتح.... بس انا لما بركز في اللون بلاقيه درجه غير الدرجة

[J A G U A R]

نفس اللى حصل معاك حصل معايا فى التوكيل ورجعت رشتها من تانى

[yalahwy2010]

نفس اللى حصل معاك حصل معايا فى التوكيل ورجعت رشتها من تانى

يا نهااار... التوكيل بيرش غلط.... طاب عملتها عند مين يا باشا وعالجت الموقف الرخم ده إزاي.... ورشيت علطول علي الدوكو القديم ولا سنفر تاني؟؟؟

[J A G U A R]

يا نهااار... التوكيل بيرش غلط.... طاب عملتها عند مين يا باشا وعالجت الموقف الرخم ده إزاي.... ورشيت علطول علي الدوكو القديم ولا سنفر تاني؟؟؟

اه والله رشها بلون غير لون العربيه وبعد كده وديتها لواحد قريبى هو مش شغلته الدوكو ومبيشتغلهاش لحد بس هو خدمنى فيها وسنفر ورش من جديد بس طلعت ما شاء الله احسن من الفابريكا

[yalahwy2010]

الف مبروك يا باشا.... وعقبالي.... انا هحاول اشوف حد كويس يظبط اللون وربنا يسهل

[J A G U A R]

الله يبارك فى حضرتك وان شاء الله تبقى احسن من الاول