وش سلندر الميجان ؟

[Super_Star_h]

الحمد لله على كل شئ
العربيه دى ماشيه معايا شمال معرفش ليه
ما علينا
العربية محتاجه وش سلندر بسبب نقص الزيت اللى كان بيسرب الظاهر فيه صباب اتلف ولا ايه معرفش مخلى المكنه مبرجله
بفكر جديآ انى اخلص منها بمجرد ما تضبط
حد عندة فكرة عن سعر وش السلندر استيراد هيكون فى حدود كام ؟ واجيبه منين فى القاهرة ؟

[MohammedAladel]

هل أنت واثق من أن وشد السلندر تالف ؟


على العموم سعره استيراد حدود 2000 جنيه إلى 2500 وسعر المحرك كامل حدود 6500 جنيه

[محمود سامح]

موجود فى صقر قريش غند مركز المصطفى مصطفى فهمى او فى الحرقين غند الشيخ جمال القاضى كلهما متوافر عندهم ان شاء الله

[ahmedfouad]

العربية كويسة كعربية ونوع وامكانات .. وطالما اساسياتها سليمة
مش معنى ان فيها مشكلة انك تخلص منها الا لو نفسك قفلت خالص منها
اعملها واستمتع بيها ونصيحة ظبط اللى فيها وغير الحاجات اللى محتاجة تتغير من غير ما تخرط الوش
لان الموتور بيبقى اجزائه مطبعة مع بعض وعمرهم بيبقى واحد وممكن اللى هتركبه ما يظبطش معاك
وده مجرد رأى .. وربنا يوفقك

[Super_Star_h]

شكرآ على المساعده يا رجاله
بعد ما الوش اتفك لاقيناه طبعآ مش نافع الكامات نحلت الوش ومينفعش فى الموضوع ده خراطه نهائى
بصينا على بقيت المكنه تحت البساتم مدمره تدمير شامل ومبوشه وبتلوق مطرحها لو هزيتها بأيدك بتعمل صوت فما بالك والمكنه دايره بتخبط وترزع
فتغيير الوش كان هيبقى زي قلته والمكنه خفيفه وبترزع وكويس انى عرفت اوصل بيها المشوار ده كله
توكلت على الله وجبت ماتور بحالة جديده جدآ مشتغلش اصلآ من بعد فصال ووجع قلب اخدته ب 5 نمر
وجارى تضبيط الضفيره وبقيت العك اللى كان فى العربيه

[a_eissa_rageh]

يا ريت تعرفنا جبت المكنه من فين

و الميكانيكى اللى عملك الشغل ده فين و اسمه ايه

و ربنا يعوض عليك و يرزقك برزقها

[Super_Star_h]

يا ريت تعرفنا جبت المكنه من فين

و الميكانيكى اللى عملك الشغل ده فين و اسمه ايه

و ربنا يعوض عليك و يرزقك برزقها

جبتها من الحرفيين وركبتها هناك
الحمد لله المكنه مافيهاش اى مشكله وفرق رهيب طبعآ فى السحب وفى كل حاجه