زيت موتور الفلوانس 2014

[amroelras]

يا جماعه الناس اللي اشتريت الفلوانس فيس ليفت ايه موضوع نقصان زيت الموتور ده ؟واللي ظهرت عنده المشكله دي التوكيل حلهاله ولا لا ؟ ارجو الافاده ضروري

[Hany Saad]

يا جماعه الناس اللي اشتريت الفلوانس فيس ليفت ايه موضوع نقصان زيت الموتور ده ؟واللي ظهرت عنده المشكله دي التوكيل حلهاله ولا لا ؟ ارجو الافاده ضروري

بمنتهى الأمانة الموضوع ده حصل مع اتنين من اخوتنا فى المنتدى هنا....استاذ Sadkoooi و للأسف هو منقطع عنا بقالة فترة و مش عارف موضوعه انتهى على ايه
و الدكتور المحترم مصطفى مجدى و اللى مازالت للأسف المشكلة قائمة معه

اما بالنسبة لى و لباقى الأعضاء فالحمد لله ما قابلتناش حتى الأن مشاكل مع الزيت
لاحظ انه منذ لحظة حدوث مشكلة الزيت مع العضوين و انا يومياً بقيس الزيت عندى و اعتقد كتير من الأعضاء اصبحوا متنبهين لهذا الموضوع و الحمد لله لا يوجد مشاكل مع حد تانى حتى الان

تحياتى

[ahmed_m_ashraf]

أتمنى الموضوع ده يتعرف سببة بقى. وإن كنت برجح إن المشكلة في الزيت.

[yasser100]

هو لازم اقيس الزيت بنفسي ؟ مش فيه لمبه او تحذير من الكمبيوتر يظهر لو فيه نقصان زيت

[ahmedelfeky]

هو لازم اقيس الزيت بنفسي ؟ مش فيه لمبه او تحذير من الكمبيوتر يظهر لو فيه نقصان زيت

ماتقلقش يا باشا فعلا في رساله تحذير بتظهر ولمبه بتنور ومابتروحش الا اماتزود الزيت


تحياتي

[Hany Saad]

هو لازم اقيس الزيت بنفسي ؟ مش فيه لمبه او تحذير من الكمبيوتر يظهر لو فيه نقصان زيت

ياسر باشا
الزيت ليه 3 طرق للقياس
١- و انت بتدور او كفاية انك تدوس زرار ال start هتلاقى الشاشة بتكتب checking control functions ساعتها حضرتك دوس دوسه بسيطة على احد ازرار عصاية المساحة هتلاقى ظهرلك مستوى الزيت عن طريق 6 دواير
لاحظ ان القياس فى اى وقت يجب ان يتم و السيارة باردة تماماً و على ارض مستوية

٢- الطريقة العادية عن طريق المقياس

٣- لمبة تحذير حمراء مع ظهور علامة stop فى حالة انخفاض المستوى زيادة عن اللزوم

* فى حالة النقص و قبل الوصول لمستوى خطر بيظهر رسالة تحذير top up oil level

تحياتى

[abubakr1234]

لأ انا برضه ماشي بالعربيه 2700 كيلو وفي دائره نزلت من الست دوائر ومقاس الزيت نقص برضه وغالبا دي مشكله عامة

[Hany Saad]

لأ انا برضه ماشي بالعربيه 2700 كيلو وفي دائره نزلت من الست دوائر ومقاس الزيت نقص برضه وغالبا دي مشكله عامة

باشا انا من ساعة ما استلمت العربية و الزيت فعلياً عند ال 3/4 على عصاية المقياس و نازل دايرة واحدة من الست دواير و من ساعة ما استلمتها و هى كده
مش بينقص مع العلم انى بقيس يومياً من ساعة ما سمعت عن المشكلة و الحمد لله كله تمام
انا عامل 4500 كيلو لحد دلوقتى

تحياتى

[miceg]

للأمانة
حصلت مع صديق ليا أيام الجوك وهو باعها وكان الزيت بينقص ولازم من الوقت للتاني يزوده
والموتور بتاع الجوك هو موتور لفلونس
الظاهر كده ان الماكينة بتاّكل زيت وده كلام وشكوى أكثر من واحد
الزيت عندي بقيسه بالصدفه لما كان معايا مصطفى مجدي لقيت نازل 3 مثلث من المثلثات المشرشرين من بداية الحد
علما بإني لما اشتريت العربية من حوالي 2800 كيلو كان عند اول العلامة (( بداية المنطقة المشرشرة ))
مع ان الدوائر بتظهر كامله
ولو إن أصولا الزيت مينقصش وخواصه بس هي اللي تتغير كدرجه اللزوجه وإحتراقه وخلافه لكن ينقص مبتحصلش فكل السيارات ومهما كان التبخر عالي مش هيبقا بعد ال 2800 كيلو مثل حالتي او بعد ال 2600 ك مثل حالة الاستاذ علي

[yasser100]

دى تبقا مصيبه لو الموتور بياكل زيت . ما لهاش حل غير انه الموتور يتشال و يتحط واحد جديد . دى مشكله كفيله انها تقضى على سمعة اى عربيه لو كانت مشكله عامه . ربنا يستر

[Dr. Mahmoudnuc]

استفسار

ياجماعه انا كلمت مهندس زميل وعرفت منه ان الموضوع ده اتحل هل حد عنده معلومات مشابهه وليه حضراتكم توقفتوا عن متابعته

[drcobra]

لو موضوع الزيت متحلش هتبقى مشكلة
انا بقارن بين شارك وفلونس
شكلى هحتار حيرة السنين

[yasser100]

لو موضوع الزيت متحلش هتبقى مشكلة
انا بقارن بين شارك وفلونس
شكلى هحتار حيرة السنين

مش هاتحتار و ﻻ حاجه . لانه مش عيب عالمى . ده مشكلة عيب صناعه فى دفعه من 2014 وردت لمصر و مش كلها كمان غير كده لا تقارن بالشارك