كاسيت الفيس ليفت هيجنني:)

[yasso2008]

سلام عليكم ورحمة الله وبركاته
شباب الفلوينس عندي كذا ملاحظة كده :
- لما بكون موصل التليفون علي الكاسيت و يجيلي مكالمة تانية ...المتصل بيقل اني قفلت في وشه (ابدا والله ) يعني مش بيدخلي علي الانتظار...الجديد بقي انو دلوقتي لو معاي مكالمة و حدي كلمني البلوتوث بيفصل و لازم اتكلم من التليفون ..!!!!!
- النمر موجودة علي الكاسيت بس لما بطلبها من التليفون مش بيظهر الاسم ..بتبان لما اطلبها من الكاسيت !!
- هو في مشكلة في محطة راديو مصر ؟ كل ما احفظها يجيلي المحطة اللي بعدها في اللسيت !!
متشكرين يا رجاله مقدما

[Hany Saad]

الزميل العزيز
بالنسبة للمشاكل اللى عندك فى الكاسيت:
١- موضوع الوايتينج مجربتوش للأسف و لكن هحاول اشوفه
٢- موضوع عدم اظهار اسم المتصل ده بيحصل تقريباً مع اغلب انظمة الكاسيت برجاء مراجعة هذا الموضوع لحل المشكلة لو كان تليفون حضرتك يعمل بنظام اندرويد:

http://www.nilemotors.net/Nile/404495-a.html

٣- راديو مصر بالذات بتنط و يظهر لحضرتك تردد 88.2 بدلاً من 88.7 المفترض لراديو مصر و ذلك لأنهم قريبيين جداً من بعض فى التردد فبتظهر المشكلة دى لو كان الارسال ضعيف شوية
تقدر تتخلص من المشكلة دى بانك تلغى خاصية RDS من الكاسيت اللى بتخلى اسم المحطة يظهر RADIO DATA SYSTEM

تحياتى

[ahmedelfeky]

سلام عليكم ورحمة الله وبركاته
شباب الفلوينس عندي كذا ملاحظة كده :
- لما بكون موصل التليفون علي الكاسيت و يجيلي مكالمة تانية ...المتصل بيقل اني قفلت في وشه (ابدا والله ) يعني مش بيدخلي علي الانتظار...الجديد بقي انو دلوقتي لو معاي مكالمة و حدي كلمني البلوتوث بيفصل و لازم اتكلم من التليفون ..!!!!!
- النمر موجودة علي الكاسيت بس لما بطلبها من التليفون مش بيظهر الاسم ..بتبان لما اطلبها من الكاسيت !!
- هو في مشكلة في محطة راديو مصر ؟ كل ما احفظها يجيلي المحطة اللي بعدها في اللسيت !!
متشكرين يا رجاله مقدما

بص موضوع الانتظار ده فعلا مالوش حل لغايه دلوقتي مع اني عامله علي وضع Manual بس برضه بيكنسل علي اي حد وانا مشغول في مكالمه .... للأسف ده العيب الوحيد بالنسبه للفيس ليفت مقارنه بالشكل القديم اللي كان فيه كار كيت محترمه

تحياتي

[miceg]

مع ان اليوزر مانوال بتاع الكاسيت بيقولك للرد على الانتظار بتدوس على زرار الكار كيت الأوسط
ولقفل المكالمة بتضغط ضغطة مطولة
والكلام ده للأسف مجربتهوش بس بلاقي فعلا المكالمات بيتكنسل عليها لوحدها لو معايا تليفون اخر