استفسار عن سعر رينو ميجان 2005 بانوراما

[a_eissa_rageh]

المفروض ال 2005 البانوراما

155000 كم

صيانة توكيل حتى 120000 كم

المعاينة سوف تكون بالتوكيل ان شاء الله

ياترى سعرها المناسب هيكون كام؟

لو الحاله بتاعتها جيده جدا

هل هو فوق ال 65000 ولا تحت ال 65000

انا عاينت عربيات كتير و بصراحه كان فيه عدد 2 عربيه 2006 بانوراما فرش جلد و كيلومتر حوالى 80000 كم و كان سعرهم 65000 و 67000 جنيه

ارجو الافاده

[إبراهيم المصرى]

مش اكتر من 65 يمكن اقل وموفق فى الشراء باذن الله

[Ahmed Selim]

الفيصل حالة العربية.......لو حالتها كويسة ( أساسيات من دواخل و و دهان و موتور و فتيس) أعتقد ممكن تعدي ال 65 مستريح.

بالنسبة لموديلات 2006 اللى ماشيين 80 ألف كم......كان أيه مشكلتهم ؟ يعني أيه اللى خلاك متشتريش حاجة منهم طالما نفس السعر تقريباً و ماشيين أقل و بانوراما برضه ؟

[a_eissa_rageh]

والله ال 2006

واحده كانت فى سوق السيارات و الراجل طلب منى 68000 و انا استغليتها و لما روحت فى نفس اليوم كلمته بالليل علشان اتفق معاه و نروح التوكيل قالى انها اتباعت 67000 جنيه

والتانيه كانت فى الشروق و كان طالب 68000 و على ما جيت اروح اشوفها بعد الاعلان بكام يوم لقيتها اتباعت على 65000 جنيه

[a_eissa_rageh]

طيب ال 2005 البانوراما ممكن تعدى ال 65000 لحاد كام يعنى؟

صاحب العربيه طالب 72000 جنيه وانا بصراحه شايفهم كتير جدا

كان فيه عربيه 2008 بانوراما و عداد 80000 كم و صيانة التوكيل المقطم و كان طالب 77000 جنيه

الاعلان نزل الخميس ليلا و لما كلمته الجمعه قالى انها اتباعت

[Ahmed Selim]

بص يا باشا......السوق فى ميجان 2 تحديداً غريب شويتين.

بمعني أن العربية سعرها فى السوق مش عالي.......و معظم اللى موجود حالات مش كويسة.

و بالتالي ممكن تلاقي عربية ب 55 ألف مثلاً موديل 2005 و ممكن تلاقي واحدة تانية صاحبها طالب فيها 70 عادي.

الفيصل هو نضافة العربية و الكشف عليها.

لو العربية اللى ب 55 دي طلع فيها مشكلة فى الموتور أو الفتيس بعد الكشف عليها......يبقى ال ب 70 أبرك.

مع أن ممكن واحد تاني يقولك أنت لو أتشريت موتور بفتيسه بتركيبه مش هيكمل 15 ألف (الفرق بين 55 و 70) بس أنا عن نفسي......مضمنش حالة الموتور و الفتيس الجداد عاملة أزاي......و معاك شهر تجربهم بعد كده لو حصل حاجة مع نفسك.........ده غير التعب و الوقت اللى هيضيعوا فى الموضوع ده.

[a_eissa_rageh]

انا شفت عربيه 2006 بس مش بانوراما و الصراحه كانت من بره و من جوه زيرو و الكلام ده كان يوم الخميس الماضى

و صالونها اكنه لسه لم يستخدم بعد زيرو

و عامله 70000 كم و اتفقت مع الراجل على 64000 جنيه و على الكشف فى التوكيل

و حجزت التوكيل يوم الاتنين يعنى بعد بكره الساعه 8:30 صباحا

بس طبعا الراجل قالى لو جالى بيعه فى اى وقت قبل يوم الاتنين هبيع و انت ورزقك

فربن يسهل و اقدر اكشف عليها و تكون كويسه ان شاء الله

و انا شاكر جدا ليك يا مهندس احمد

[Ahmed Selim]

العفو يا باشا و ربنا معاك و يكرمك بس متستعجلش تشتري غير و أنت متأكد من العربية.

[NaderNabil]

مش فاكر مين من الاعضاء هنا على المنتدى قال ان الميجان المستعمل النضيف عليها waiting list و في اعداد كبيرة مستنية بس يشوفوا عربية نضيفة تنزل تتباع.... هاتتخطف خطف

ربنا يوفقك للي فيه الخير و لو لاقيت واحدة هاتشباك نضيفة قوللي :)

[osamasindbad1]

انا كان عندي 2006 phase 1 بانوراما وبعتها ب 62 الف وكانت ماشيه 124 الف كيلو وحالتها كانت كويسه جدا وصالونها كان بحاله جيده جدا الكلام ده الصيف اللي فات واللي اشتراها مني باعها ب 65 الف بس فيه حاجه ميجان اخر 2006 وما بعدها فيها مثبت سرعه اللي هي phase 2 ونور التابلوه ابيض انما 2005 واول 2006 زي اللي كانت معايا مفيهاش مثبت ونور التابلوه اصفر

[m_elbog]

غلى فكرة انا ميجان 2 موديل 2003 ونور التابلوه فيها برتقالى وفي التارة مثبت سرعة

[m_elbog]

تصحيح الرخصة مكتوب فيها انها موديل 2002 لكن ميكانيكى فى صقر قريش اكد لى ان مفيش منها موديل 2002 دى 2003 او 2004 .... وهذا والله ورسوله اعلى واعلم