الانطباعات الاولى عن الفلوينس فيس ليفت 2014 e3sr

[yasser100]

اليوم ذهبت لترخيص العربيه و اخد بها اكتر من لفه فى الزحمه لازالة هيبة الزيرو و اخد على ابعدها و دى الانطباعات الاوليه :
1- اعجاز الاوربيين فى العفشه . العفشه تورشن بيم بس مش مصدق نعومتها و تماسكها و ما فيش دب و ده فعلا الغريب مع كوتشات بريدجستون تورينزا فعلا حققوا المعادله الصعبه ما بين التورشن بيم سهلة الصيانه و قوة التحمل و مابين الراحه و النعومه و الثبات على رأى المهندس هانى العفشه التورشن بيم تختلف من اليابانى للكورى للاوروبى دى حقيقه
2- الفتيس مذههههههل مع الموتور 115 حصان و ده بالنسبه للعربيات اللى جربتها كان اسوأهم فتيس الكروز و بعدين الجيتا . ما فيش احساس نهائي بالنقلات مع سحب ناعم فى الزحمه و يا عينى لما بتفتح و اول مره الاقى فتيس اوتوماتيك ينقذك فى مواقف . طبعا بتكونوا عارفين لما بيكون حد سايق زيرو جديده و غاليه بيتعمل فيه ايه فى الشارع . الفتيس اعجاز اليابانيين بصراحه ملوك الاوتوماتيك و النعومه .
3- العربيه ال handling بتاعها رائع من تحكم فى الدركسيون مع احساسه بالطريق مع تجميعه السريع فى اليوتيرنات بيلم العربيه معاك على طول .
4- الفرامل حدث وﻻ حرج . كلبشه يعنى كلبشه
5- الجلوس فى الصالون ده مش هاقدر اوضحه لازم يتجرب شخصيا . يكفى اقول رفاهية الفرنساويين و جربوا انتم الباقى
6- كنت دايما مقتنع انه فاتحة السقف ما لهاش لزمه لغاية ما مراتى ضغطت عليه اشتريها بفتحة سقف . بصراحه تستاهل الفلوس الزياده . احساس تانى خالص و انت فاتحها بانوراما او نص فاتحه
7- الكاسيت ده حكايه تانيه خالص . اوبشن العربيه كوم و كوليتى الكاسيت كوم تانى arkamys الفرنسيه مبدعه
كل الل اقدر اقوله لغاية دلوقتى شكرا رينو فى الموديل ده حققت الصعب و دمجت بنجاح و ذكاء مابين نعومة المحركات اليابانيه و اعتماديتها و ما بين التكنولوجيا و الثبات و الامان الاوروبى و رفاهية الفرنسيين و ربنا يبارك لكل واحد فيما امتلك و يكفيه شرها و يعطيه خيرها

[J A G U A R]

الفلوانس عربيه محترمه ربنا يباركلك فيها

[Hany Saad]

الف مبروك ياسر باشا.....أنا مبسوط قوى أن حضرتك مستمتع بالعربية و فرحانلك من قلبى....و هو ده اللى دايماً بقوله....the pleasure of driving....يعنى سايق مبسوط و مستمتع وانت رايح مشوارك و كمان in style

الموضوع مش عربية تنقلك من نقطة a لنقطة b و خلاص.....لأ دى حكاية عشق أبتدت دلوقتى

ألف مبروك مرة أخرى و ربنا يباركلك فيها و يكفيك شرها

تحياتى

[yasser100]

الفلوانس عربيه محترمه ربنا يباركلك فيها

شكرا :) . و ربنا يكرمك دايما

[yasser100]

الف مبروك ياسر باشا.....أنا مبسوط قوى أن حضرتك مستمتع بالعربية و فرحانلك من قلبى....و هو ده اللى دايماً بقوله....the pleasure of driving....يعنى سايق مبسوط و مستمتع وانت رايح مشوارك و كمان in style

الموضوع مش عربية تنقلك من نقطة a لنقطة b و خلاص.....لأ دى حكاية عشق أبتدت دلوقتى

ألف مبروك مرة أخرى و ربنا يباركلك فيها و يكفيك شرها

تحياتى

الف شكر هانى باشا و دايما سعداء بوجودك و بمعلوماتك :) . و انا فعلا بعد التجربه لم اخطئ الاختيار نهائي لانه كان من فتره الاختيار عندى محصور ما بين الكورولا و الاسترا و الفلوينس وركبتهم كلهم و متابعهم من اول مانزلوا ما فيش عربيه علقت فى دماغى غير الفلوينس فيها جذب غريب عن الباقيين ووضح معايا اكتر النهارده و خصوصا لما كنت بارخص كل اللى كانوا بيتفرجوا عليها قالوا عربيه محترمه جدا خصوصا الشكل الجديد عامل جذب

[hossam_osman1]

مليون مبروك.... وربنا يباركلك فيها ويكفيك شرها
واهلا وسهلا بيك عضوا جديدا في اسره مالكي الجميله فلوانس
وان متفق معاك في كل اللي انت قلته خصوصا موضوع السحب اللي انا شايف انه جيد جدا بالنسبه لحجم العربيه
بس الحاجه الوحيده اللي عاملالي ازعاج هو صوت الموتور العالي حبتين بالذات في الطلعه الاولي بارغم اني بحاول ان rpm ميعديش 2500 لحد ما السرعه توصل 40 وبعدين انسي الصوت العالي لحد 4000 rpm
علي العموم انا لسه 3500 كم واعتقد ان الوضع هيختلف بعد غيار زيت المصنع
غير كده العربيه ممتازه وصفقه رابحه بدون نقاش وانا مستمتع بيها جدا
وربنا يبارك لكل ملاكها
تقبل تحياتي

[MohammedAladel]

مبروك ... وربنا يسعدك دائماً

حضرتك أكيد تقصد بفتحة بانوراما أى وضع فتح فتحة السقف العادية حتى لا يخطئ البعض الفهم أنها نزلت بسقف بانورامى

أنا شفت ال e3 sr لونها أسود شكلها فعلاً جذاب جداُ تحفة فنية بكل المقاييس

وعندى سؤال للباش مهندس هانى خصوصاً إنه كان لديه ميجان 2 بخصوص كاسيت وسماعات الفلوانس قبل وبعد التعديل هل نفس السماعات أم مختلفة ؟

وهل فى نفس جودة سماعات ميجان 2 أم الفرق ملحوظ لصالح الفلوانس ؟

[Hany Saad]

مبروك ... وربنا يسعدك دائماً

حضرتك أكيد تقصد بفتحة بانوراما أى وضع فتح فتحة السقف العادية حتى لا يخطئ البعض الفهم أنها نزلت بسقف بانورامى

أنا شفت ال e3 sr لونها أسود شكلها فعلاً جذاب جداُ تحفة فنية بكل المقاييس

وعندى سؤال للباش مهندس هانى خصوصاً إنه كان لديه ميجان 2 بخصوص كاسيت وسماعات الفلوانس قبل وبعد التعديل هل نفس السماعات أم مختلفة ؟

وهل فى نفس جودة سماعات ميجان 2 أم الفرق ملحوظ لصالح الفلوانس ؟

أستاذ محمد
بالنسبة لسماعات الفلوانس مش متأكد هل نفسها كقدرة هى هى بتاعت الميجان و لا لأ و لكن أقدر أقولك أن فيه 2 تويتر أضافوا فى الخلف علشان يبقوا المجموع 4 سماعات و 4 تويتر فى الفلوانس مقارنة ب 4 سماعات و 2 تويتر فى الميجان
طبعاً فيه كمية سوفت وير كتير أتحط لظبط الصوت و جعله 3d و تقدر تتحكم فى توزيعه فى أى ناحية من العربية أكتر: شمال يمين قدام ورا و إكواليزرز و لعب كتير قوى.....و قد نجحوا جداً فى هذا الموضوع

و لكن بمنتهى الأمانة الفرق مش كبير على الأقل بالنسبالى ما بين جودة صوت الميجان و جودة صوت الفلوانس...طبعاً عنصر البييز لسه محتاج تقوية شوية و لكن فى المجمل الصوت جيد جداً

الحاجة الملحوظة جداً و بفرق خرافى هو جودة تكييف الفلوانس و سرعة تسقيعها مقارنة بالميجان....أنا أول مرة أجرب مكيف ساقع كده لدرجة أنه بيتلج أيدى!!!!

تحياتى

[S O P H O S]

ربنا يبارك يا باشا
وتاخد خيرها

[alaa m]

اليوم ذهبت لترخيص العربيه و اخد بها اكتر من لفه فى الزحمه لازالة هيبة الزيرو و اخد على ابعدها و دى الانطباعات الاوليه :
1- اعجاز الاوربيين فى العفشه . العفشه تورشن بيم بس مش مصدق نعومتها و تماسكها و ما فيش دب و ده فعلا الغريب مع كوتشات بريدجستون تورينزا فعلا حققوا المعادله الصعبه ما بين التورشن بيم سهلة الصيانه و قوة التحمل و مابين الراحه و النعومه و الثبات على رأى المهندس هانى العفشه التورشن بيم تختلف من اليابانى للكورى للاوروبى دى حقيقه
2- الفتيس مذههههههل مع الموتور 115 حصان و ده بالنسبه للعربيات اللى جربتها كان اسوأهم فتيس الكروز و بعدين الجيتا . ما فيش احساس نهائي بالنقلات مع سحب ناعم فى الزحمه و يا عينى لما بتفتح و اول مره الاقى فتيس اوتوماتيك ينقذك فى مواقف . طبعا بتكونوا عارفين لما بيكون حد سايق زيرو جديده و غاليه بيتعمل فيه ايه فى الشارع . الفتيس اعجاز اليابانيين بصراحه ملوك الاوتوماتيك و النعومه .
3- العربيه ال handling بتاعها رائع من تحكم فى الدركسيون مع احساسه بالطريق مع تجميعه السريع فى اليوتيرنات بيلم العربيه معاك على طول .
4- الفرامل حدث وﻻ حرج . كلبشه يعنى كلبشه
5- الجلوس فى الصالون ده مش هاقدر اوضحه لازم يتجرب شخصيا . يكفى اقول رفاهية الفرنساويين و جربوا انتم الباقى
6- كنت دايما مقتنع انه فاتحة السقف ما لهاش لزمه لغاية ما مراتى ضغطت عليه اشتريها بفتحة سقف . بصراحه تستاهل الفلوس الزياده . احساس تانى خالص و انت فاتحها بانوراما او نص فاتحه
7- الكاسيت ده حكايه تانيه خالص . اوبشن العربيه كوم و كوليتى الكاسيت كوم تانى arkamys الفرنسيه مبدعه
كل الل اقدر اقوله لغاية دلوقتى شكرا رينو فى الموديل ده حققت الصعب و دمجت بنجاح و ذكاء مابين نعومة المحركات اليابانيه و اعتماديتها و ما بين التكنولوجيا و الثبات و الامان الاوروبى و رفاهية الفرنسيين و ربنا يبارك لكل واحد فيما امتلك و يكفيه شرها و يعطيه خيرها

الف مبروك وعقبال صيانة ال 300000 كيلو وربنا يبارك لك فيها

[miceg]

ضحكها سحرها مستحيل يتوصف
عبارات وكلمات لا يفهمها إلا من أقتنى تلك السيارة
بعد ماكان معايا نيسان صني شكل قديم ونزول كورولا 2014
اتوهمت بيها وبصورها وبكلام ألاعضاء
إلى أن شاهدت الفلوينس فيس ليفت
ودخلت قسم رينو وشوفت تجارب الاعضاء على سبيل المثال أحمد الفقي ورامي رضا
وكلام م هاني سعد والمقارنة الرائعه مابين كورولا وفلوانس
زاد اقتناعي بتلك السيارة ولكن شىء يحدثني بداخلي الكورولا
الى ان ذهبت الى معرض سمير ريان ووقوف السيارتين جنبا الى جنب
وركوب السيارتين (( مع عدم تجربتي للقياده في كليهما ))
في الوهلة ألاولى من ركوبي فلوانس حدثت تلك العلاقة
لكن ممنكرش ان مصانع تركيا من أحسن مصانع العالم بصناعتها للكورلا والفلوانس
واي من العربيتين فهي صفقه رابحة للمستهلك المصري
ربنا يبارك فسيارتك وشكرا على التقرير

[ALshahba]

شفتها امبارح عند الطارق وكان لونها اسود ......... مبهر............. موديل هاين لاين 188الف
بس مساند الرأس بتتحرك فى اتجاهين ... فوق وتحت بس
بصمة فى اربع ابواب

ربنا يرزقنا

[yasser100]

مليون مبروك.... وربنا يباركلك فيها ويكفيك شرها
واهلا وسهلا بيك عضوا جديدا في اسره مالكي الجميله فلوانس
وان متفق معاك في كل اللي انت قلته خصوصا موضوع السحب اللي انا شايف انه جيد جدا بالنسبه لحجم العربيه
بس الحاجه الوحيده اللي عاملالي ازعاج هو صوت الموتور العالي حبتين بالذات في الطلعه الاولي بارغم اني بحاول ان rpm ميعديش 2500 لحد ما السرعه توصل 40 وبعدين انسي الصوت العالي لحد 4000 rpm
علي العموم انا لسه 3500 كم واعتقد ان الوضع هيختلف بعد غيار زيت المصنع
غير كده العربيه ممتازه وصفقه رابحه بدون نقاش وانا مستمتع بيها جدا
وربنا يبارك لكل ملاكها
تقبل تحياتي

الله يبارك فيك :) . لو سوقت الالمانى هاتعرف انه صوت الفلوينس فى الطلعه نعمه . بيسموها مواتير حاميه . مش فاهم معناها قوى بصراحه

[yasser100]

مليون مبروك.... وربنا يباركلك فيها ويكفيك شرها
واهلا وسهلا بيك عضوا جديدا في اسره مالكي الجميله فلوانس
وان متفق معاك في كل اللي انت قلته خصوصا موضوع السحب اللي انا شايف انه جيد جدا بالنسبه لحجم العربيه
بس الحاجه الوحيده اللي عاملالي ازعاج هو صوت الموتور العالي حبتين بالذات في الطلعه الاولي بارغم اني بحاول ان rpm ميعديش 2500 لحد ما السرعه توصل 40 وبعدين انسي الصوت العالي لحد 4000 rpm
علي العموم انا لسه 3500 كم واعتقد ان الوضع هيختلف بعد غيار زيت المصنع
غير كده العربيه ممتازه وصفقه رابحه بدون نقاش وانا مستمتع بيها جدا
وربنا يبارك لكل ملاكها
تقبل تحياتي

الله يارك فيك :) . بس لو سوقت الالمانى هاتعرف انه صوت موتور الفلوينس فى الطلعه نعمه

[yasser100]

ربنا يبارك يا باشا
وتاخد خيرها

امين و يكرم الجميع و الف شكر