بطارية الفلوينس

[yasser100]

يا جماعه بافتح الكبوت و باتفرج على الموتور فى الفلوينس مش لاقى البطاريه بس اعتقد انه فيه صندوق اسود هيه داخله . ده بيتفتح ازاى ؟ و فى حالة تغييرها اى بطاريه جافه تشتغل مكانها و لا لازم من التوكيل ؟ و هل فيه انذار قبل ما تنتهى بفتره علشان تعمل حسابك و تروح للتوكيل قبلها و لا بتلاقى نفسك امام امر واقع زى ما احنا متعودين ؟

[bukla]

يا جماعه بافتح الكبوت و باتفرج على الموتور فى الفلوينس مش لاقى البطاريه بس اعتقد انه فيه صندوق اسود هيه داخله . ده بيتفتح ازاى ؟ و فى حالة تغييرها اى بطاريه جافه تشتغل مكانها و لا لازم من التوكيل ؟ و هل فيه انذار قبل ما تنتهى بفتره علشان تعمل حسابك و تروح للتوكيل قبلها و لا بتلاقى نفسك امام امر واقع زى ما احنا متعودين ؟

اخي العزيز
بالفعل البطارية موجودة داخل الصندوق الأسود و فتحه في منتهى السهولة عن طريق كلبسات في جانبي الصندوق
و دي حكايتي مع البطارية بالنسبة لموضوع التحذير قبل ما تنتهي
بعد سنة و تسع شهور من استلامي العربية فوجئت ان العربية مش راضية تدور من غير اي تحذير مش كدة و بس لأ و كمان مش بتعمل اي صوت
لأول وهلة افتكرت ان العربية فيها مشكلة مش من البطارية المهم كلمت التوكيل و قالوا لي ان اروح لهم علشان يكشفوا عليها و لو طلعت مشكلة بطارية حيغيروها ب ٧٠٠ جنيه ولو حاجة ثانية حيصلحوها في الضمان
قولت لهم طيب أروح لهم ازاي و العربية مش راضية تدور قالي جرب تعملها وصلة لو دارت هاتها و تعالى لو ما دارتش حنبعت لك ونش المهم جربت الوصلة و دارت و روحتلهم
الخبر السار في الموضوع انهم لما عرفوا ان العربية ماكملتش سنتين غيرولي البطارية مجانآ
الغريب بقى ان بعد حوالي سنة و ست شهور من تغيير البطارية و انا في محطة بنزين في المهندسين فوجئت انها مش راضية تدور بدون اي سابق إنذار
الحمد الله أني ماكنتش بحط بنزين ساعتها كنت راكن قدام on the run بشتري حاجة المهم كلمتهم قولت لهم أبعت ولي ونش علشان العربية مش راضية تدور قالولي الونش مش حيجي لي اقبل ٣ ساعات وافقت وحاولت أسيب العربية راكنة في المحطة و امشي لغاية الونش ما يجي العمال في المحطة رفضوا تماماً المهم فضلت قاعد فيها و هنا كانت المفاجأة
بعد حوالي نصف ساعة لقيت رسالة طلعت لي على الشاشة بتقول battery low please start engine طب يا بنت الحلال ما انا عايز أدور وانتي اللي مش راضية
قولت بسم الله الرحمن الرحيم و دورت فوجئت انها دارت كلمتهم في التوكيل قولت لهم مايبعتوش الونش و انا جايلهم المرة دي بقى غيروها لي ب ٧٠٠ جنيه و قالولي الضمان سنتين علي البطارية الاولى فقط و ان ده العمر الطبيعي للبطارية و ممكن تغييرها ببطارية جافة من اي مكان بس حتحتاج تدخل كود الكاسيت لو كان معاك
دي كل حكايتي و أسف على الإطالة
بالتوفيق ان شاء الله

[yasser100]

اخي العزيز
بالفعل البطارية موجودة داخل الصندوق الأسود و فتحه في منتهى السهولة عن طريق كلبسات في جانبي الصندوق
و دي حكايتي مع البطارية بالنسبة لموضوع التحذير قبل ما تنتهي
بعد سنة و تسع شهور من استلامي العربية فوجئت ان العربية مش راضية تدور من غير اي تحذير مش كدة و بس لأ و كمان مش بتعمل اي صوت
لأول وهلة افتكرت ان العربية فيها مشكلة مش من البطارية المهم كلمت التوكيل و قالوا لي ان اروح لهم علشان يكشفوا عليها و لو طلعت مشكلة بطارية حيغيروها ب ٧٠٠ جنيه ولو حاجة ثانية حيصلحوها في الضمان
قولت لهم طيب أروح لهم ازاي و العربية مش راضية تدور قالي جرب تعملها وصلة لو دارت هاتها و تعالى لو ما دارتش حنبعت لك ونش المهم جربت الوصلة و دارت و روحتلهم
الخبر السار في الموضوع انهم لما عرفوا ان العربية ماكملتش سنتين غيرولي البطارية مجانآ
الغريب بقى ان بعد حوالي سنة و ست شهور من تغيير البطارية و انا في محطة بنزين في المهندسين فوجئت انها مش راضية تدور بدون اي سابق إنذار
الحمد الله أني ماكنتش بحط بنزين ساعتها كنت راكن قدام on the run بشتري حاجة المهم كلمتهم قولت لهم أبعت ولي ونش علشان العربية مش راضية تدور قالولي الونش مش حيجي لي اقبل ٣ ساعات وافقت وحاولت أسيب العربية راكنة في المحطة و امشي لغاية الونش ما يجي العمال في المحطة رفضوا تماماً المهم فضلت قاعد فيها و هنا كانت المفاجأة
بعد حوالي نصف ساعة لقيت رسالة طلعت لي على الشاشة بتقول battery low please start engine طب يا بنت الحلال ما انا عايز أدور وانتي اللي مش راضية
قولت بسم الله الرحمن الرحيم و دورت فوجئت انها دارت كلمتهم في التوكيل قولت لهم مايبعتوش الونش و انا جايلهم المرة دي بقى غيروها لي ب ٧٠٠ جنيه و قالولي الضمان سنتين علي البطارية الاولى فقط و ان ده العمر الطبيعي للبطارية و ممكن تغييرها ببطارية جافة من اي مكان بس حتحتاج تدخل كود الكاسيت لو كان معاك
دي كل حكايتي و أسف على الإطالة
بالتوفيق ان شاء الله

شكرا لشرحك للموضوع :) , بس ازاى ما يكونش فيها انذار قبل البطاريه ما تنتهى بفتره ؟ و نوع بطارياتهم ايه ؟

[bukla]

شكرا لشرحك للموضوع :) , بس ازاى ما يكونش فيها انذار قبل البطاريه ما تنتهى بفتره ؟ و نوع بطارياتهم ايه ؟

الشكر لله
طبعا معاك حق يعني يكون فيه إنذار battery low يظهر على الشاشة لبطارية الموبايل و مافيش اي إنذار للأهم و هو ضعف بطارية العربية
بطاريتهم مالهاش نوع محدد بيبقى مكتوب عليها رينو من كل جانب
بالتوفيق ان شاء الله

[yalahwy2010]

الله ينور يا باشا..... انا البطارية شطبت في الضمان بس عدي عليها سنتين.... بس توكيل رينو محترم جدا .... اللي انا حاسه ان الفلوانس كهربتها بتخلص البطارية بسرعة... المفروض البطارية تقعد اكتر من 3 سنوات
بطارية العربية عندي ظهرت اعراضها ان كان في معاكسة في الدوارة.... لغاية ما قطعت خالص...

[Hany Saad]

خبرتى مع بطاريات رينو:
بعد ما جبت الميجان بحوالى سنتين....بطارية الفابريكة باظت بدون اى سابق انظار و كان فيه ريحة تحميص خفيفة....عملت توصيلة و روحت التوكيل و غيرولى بطارية تحت الضمان.....البطارية مكتوب عليها renault boutique و هى جافة بلمبة بيان

البطارية الضمان قعدت حوالى سنتين و باظت و اشتريت واحده منهم ب 750 جنيه و قعدت من ديسمبر 2012 لغاية مارس 2014
الفلوانس فيها نظام تحذير لما البطارية تضعف و بيكتب زى ما ظهر مع المحترم bukla ا car battery low...start engine
المشكلة ان البطاريات بتاعت رينو بتقطع فجئة بدون سابق انذار فى الغالب....يعنى نظام التحذير مش بيلحق ياخد قرايات و يحذر
اعتقادى ان ممكن مع بطارية نوع تانى لو ما قطعتش فجائى ده هيدى فرصة لنظام التحذير انه يطلع رسالته

تحياتى

[yasser100]

فعلا واضح انه بطارية رينو ضعيفه مع كهربة العربيه , انا قعدت شويه فى العربيه مشغل الكاسيت لقيته طلع لى رسالة battary low برغم انه مش كان اكتر من 20 دقيقه , يا بطاريتهم ضعيفه يا كهربة العربيه عاليه