((تقرير تركيب اسبويلر فلوانس فيس ليفت من وحوش رينو))

[miceg]

السلام عليكم ورحمه الله
أخواتي ألاعزاء
في هذا اليوم الجميل تمت المقابلة مع وحوش رينو
ويمثلها الأستاذ أحمد الفقي
الدكتور المحترم مصطفى مجدي
أخوكم خالد فولي
تم الذهاب الى توكيل رينو فرع العبور
بعد حجز مسبق للأسبويلر يوم الاربعاء السابق من التوكيل والذهاب لإخذ درجة اللون بشكل مسبق لرش الاسبويلر بلون السيارة والذهاب اليوم للتركيب فقط
طبعا مستوى فرع رينو العبور حاجة مشرفه جدااا وتعاون جميل جداااااااا
في روح أخوية فالمكان وبتقدر تكلم ده وتبدي ملحوظاتك وبتتكلم وبتتناقش تيكنيكال والناس مرحبه ومبسوطة
وعلى رأسهم م محمد عمر المحترم مدير قسم الصيانة الذي لا يكل ولا يمل من ألاسئلة والمتابعه .
م محمد علي الخلوق مدير قسم السمكرة :- الراجل ده حته سكرة وإبتسامته على وجهه ربنا يجازيه عنا خير الجزاء .
أما اخواتي الكرام مستر أحمد الفقي و دكتور مصطفى مجدي
مش عارف أقول ايه والله
الواحد سعيد إنه اتعرف على شخصيات في منتهى إلاحترام
ولو مافيش حاجة قدمتها لرينو فالسيارة نهائي يبقا يشفع لها انها عرفتني برجالة زي الفل

أولا :- مرحلة الشراء الاسبويلر قبل التركيب

تكلفة إلاسبويلر بالتركيب بالضريبة يابلاش
كام بتقول كام = 880 جنيه وطبعا بالمقارنة مع أي سيارة في الفئة دي يعتبر ببلاش مع حرفية التوكيل في التركيب والدهان وتلميع الاسبويلر بعد الدهان لكي يصبح متطابق مع السيارة 100%








ثانيا :- مرحلة التركيب :-في تلك المرحلة يقوم الفني بخرم اماكن التثبيت بشنيور بمنتهى الحرفية والدقه ووضع مادة عازلة لمقاومة الصدأ وجلب صغيره












ثالثا :-
صور الفلوانس قبل التركيب ودي عربية كانت فالمعرض لون موكا مش قصدي عشان لون عريتي










رابعا :- فيما بعد التركيب

وقبل مانكمل المشاهدة نقول بسم الله ماشاء الله


يتبع
[/COLOR]

[miceg]

أولا :- عربية البرنس أحمد الفقي (( الفضي + الاسبويلر )) إختراع بدون تفكير ربنا يحرصه ويحافظ عليه ويستر طريقه :-

















يتبع

[miceg]

ثانيا : صور عربية الباشا مصطفى بيه مجدي oyster Gray ماشاء الله جميل لأبعد الحدود ربنا يعطيه خيره ويكفيه شره ويمتعه بالسيارة
















يتبع

[miceg]

ثالثا

ثالثا : صور عربية الفقير إلى الله اللون الموكا


















فالنهاية ربنا يوفق الجميع ولو في أي استفسار إتفضلوا حطوه هنا وكلنا تحت أمركم في أي وقت

تحياتي للجميع

[AhmedJumaa]

وعليكم السلام ورحمة الله وبركاته

بصراحة شئ رائع جداً

أشمعني أنتم :d هروح أركب أنا كمان مع عمل الاكصدام أن شاء الله

هو فرع العبور ده فين بظبط ؟ لو أمكن وصفة للطريق لان ابو رواش بعيد عني حبتين ..

[miceg]

اسف لعدم ظهور بعض الصور
في أول رد على الموضوع

[Hany Saad]

بسم الله ما شاء الله...الف الف مبروك السبويلرات الجديدة للكبار مقاماً :
خالد بيه
أحمد بيه
مصطفى بيه

الشكل روعة و الشغل فوق الممتاز و كأنه فابريكة و انا مبسوط جداً من موضوع الورد و عزل الصدأ
تحياتى يا خالد بيه على التقرير الفوق الممتاز

[MohamedElfeky]

الف مبروك التركيب شعل جميل جدا وعربيه الامير اللون الفضى حكايه هههههههههههه

[yasser100]

ما شاء الله جميله و الف مبروك :)

[MEDOBAT]

الف الف الف مبروك
ربنا يباركلكم جميعا ويبعد عنكم الشر

[ahmedelfeky]

والله كان يوم من اجمل ايام اجازتي وماحستش بالوقت عدي كأنه ساعه

الصحبه الحلوه حلوه مفيش كلام خالد بيه ومصطفي بيه انا ... انا اتشرفت بمقابلتكم انهارده والله

وكانت ناقصه م /رامي عشان تكمل

وبعدين اهم حاجه اني عرفت القفشه بتاعه ول..... ههههههههههههههه

وفعلا الواحد حس انه في بيته مفيش معامله شفتها بصراحه توازي توكيل رينو بجد تحس انهم اسره

وقمه في التعاون من اول مدير الفرع م/محمد عمر لحد عامل البوفيه

وشكر خاص بجد من القلب للمهندس أحمد علي حبيب قلبي من ايام الحادثه هههههههه

وطبعا ياخالد بيه انت اول من راح ودعبس ورا حوار الاسبويلر وكنت السبب الرئيسي اني اركبه وحبيب قلبي دكتور مصطفي هو اللي بعتلي ع الفيس وراح عشان يحجزلي جزاكم الله كل الخير ويارب دايما نتعاون في الخير

تقرير فوق الممتاز ياخالد بيه ماكنتش هعرف اعمل نصه حتي....


تحياتي

[miceg]

وعليكم السلام ورحمة الله وبركاته

بصراحة شئ رائع جداً

أشمعني أنتم :d هروح أركب أنا كمان مع عمل الاكصدام أن شاء الله

هو فرع العبور ده فين بظبط ؟ لو أمكن وصفة للطريق لان ابو رواش بعيد عني حبتين ..

العضو الفاضل أحمد جمعه
منور التوبيك
بالنسبة للمكان
اطلع الدائري في اتجاه الاسماعيلية وطريق إسكندرية الصحراوي
هيقابلك محور الفريق سعد الشاذلي
هتنزل النزلة وهتكمل طوالي الى نهاية المحور
هتلاقي يميلنك طريق الاسماعيلية - العاشر من رمضان
وفالنصف طريق العبور وفي نفق
هتنزل النفق واول ماتخرج هتلاقي اليافطات هتمشي معاها هتوصل في منتهي السهولة
تحياتي

[heeshooheeshoo]

ماشاء الله لا قوة إلا بالله .. اللهم زد وبارك
ألف مبروك للأخوة جميعا وربنا يبارك لهم ويحفظهم
السبويلر فعلا فارق كتير ومزودها بلمسة جمالية فوق جمالها وسعره معقول جدا مقارنة بسيارات أخرى ، وأهم شىء نظافة التركيب كأنه فابريكة.

وأخيرا كل الشكر للأستاذ خالد على التقرير الوافى المفصل

وتقبلوا تحياتى ،،،

[omaranes77]

ربنا يباركلكو جميعا
فعلا مخلي شكل العربية مميز

[mostafa magdy]

تقرير ولا أروع ..
و الإسبويلر ما شاء الله ظابط شكل العربيات جامد أوي ..

شكرا لكم جميعا علي مباركاتكم ..و عقبال ما تدلعو الفلوينس كمان و كمان ..
و ربنا يعافي عربيتي عشان أتمتع بالإسبويلر ده شويه :d