محتاج مساعدة الخبراء في شراء فلوانس كسر زيرو..ارجو التفاعل

[MEDOBAT]

اخواني الاعزاء
امامي سيارة فلوانس 2014 عامله 5000 كم الفئه e3
ارجوا من سيادتكم توضيح الحاجات اللي لازم اشيك عليها قبل الشراء مع شويه ايضاح لاخوكم
السياره استلام يناير 2014 ببصمه واحدة والمعاينه الخارجيه تمام (شويه خدوش بسيطه)
ارجوكم مرة تانيه متبخلوش عليا بنصايحكم عشان ناوي اخلص بكره
شكرا جزيلا

[ramymechanics]

مبروك مقدما ... اولا تشيك انها مرشتش حاجة من الدواخل (وأعتقد بالكيلوات دى مش هتبقى راشة ان شاء الله) تتأكد ان الازاز الكهربا كله شغال والكاسيت والبلوتوث وتشوف مقاس الزيت والمية وتجرب تمشى بيها وتاخد مطبين تطمن ان مفيهاش حاجة وان شاء الله مش هيبقى فيها

وشوف السعر اذا كان مناسب ولا لأ وبالتوفيق ان شاء الله

[SoFiMaN]

كسر الزيرو عادةً مش بيحتاج حاجة كبيرة هو بس انها متكونش رشت.. بس السعر كام ؟

[MEDOBAT]

شكرا استاذ رامي
ايه الحاجات اللي لازم اخدها مع العربيه؟ هل في كتالوجات مثلا للعربيه او الصيانه؟
(هي العربيه لسه معملتش ولا صيانه لحد دلوقتي)
هل تفضل اني ارفعها في التوكيل؟ ولو ده رائيك هل الموضوع بيبقي بسيط ولا لازم ناخد ميعاد من التوكيل؟
اسف للاطاله بس نفسي متدبسش المرة دي :)

[kokowasfy]

انا لو منك اخدها و اطلع على التوكيل اعمل فحص كامل عليها انت مش هتدفع مبلغ قليل مش مهم الى هيخدو التوكيل بس تبقا مضمونة و الف مبروك مقدما

[MEDOBAT]

كسر الزيرو عادةً مش بيحتاج حاجة كبيرة هو بس انها متكونش رشت.. بس السعر كام ؟

158 الف
يعني رأي حضرتك مش محتاجه كشف في التوكيل؟
هل لازم اخد معايا حد خبير؟

[MEDOBAT]

انا لو منك اخدها و اطلع على التوكيل اعمل فحص كامل عليها انت مش هتدفع مبلغ قليل مش مهم الى هيخدو التوكيل بس تبقا مضمونة و الف مبروك مقدما

الله يبارك فيك يافندم :)
بس هل لازم حجز في التوكيل قبل الزيارة؟

[kokowasfy]

الله يبارك فيك يافندم :)
بس هل لازم حجز في التوكيل قبل الزيارة؟

غالبا لازم تحجز عشان تاخد معاد

[dfdfdf]

أنا رأى حضرتك لازم تكشف فى التوكيل حتدفع حوالى 600 جنيه أو حتى أكتر بس تبقى مطمن و أنت بتدفع ألاف زى دى يأما تشترى زيرو من المعرض و تبقى أول واحد يركبها ، و قصة حصلت مع واحد صحبى أشترى جيتا كانت ماشية 5ألف كيلو فقط ب180 ألف جنية و طبعاً فابريقة بالكامل و الأستيكرات و ريحة الفابريقة جوه العربية و أشترى من غير ما يكشف فى التوكيل بعد كدة أكتشف أن العربية عملة حادثة كبيرة بدون رش خالص و الحادثة كانت ان العربية دخلت فى الرصيف على سرعة عالية بدون ما الصاج ما يتخدش .

[turbomedia]

خد العربية الى الوكيل و اطمن على تاريخ العربية عندهم و اعرف هل اشتكى من حاجة فى العربية
و مبروك مقدما

[MEDOBAT]

الف شكر يا جماعه علي مساعدتكم... لو في حاجه ناقصه تاني ياريت متبخلوش عليا :)

[mostafa magdy]

مبروك صفقه رابحه ..

[MEDOBAT]

أنا رأى حضرتك لازم تكشف فى التوكيل حتدفع حوالى 600 جنيه أو حتى أكتر بس تبقى مطمن و أنت بتدفع ألاف زى دى يأما تشترى زيرو من المعرض و تبقى أول واحد يركبها ، و قصة حصلت مع واحد صحبى أشترى جيتا كانت ماشية 5ألف كيلو فقط ب180 ألف جنية و طبعاً فابريقة بالكامل و الأستيكرات و ريحة الفابريقة جوه العربية و أشترى من غير ما يكشف فى التوكيل بعد كدة أكتشف أن العربية عملة حادثة كبيرة بدون رش خالص و الحادثة كانت ان العربية دخلت فى الرصيف على سرعة عالية بدون ما الصاج ما يتخدش .

يااااه... بالسهوله دي؟.... ربنا يسترها

خد العربية الى الوكيل و اطمن على تاريخ العربية عندهم و اعرف هل اشتكى من حاجة فى العربية
و مبروك مقدما

الله يبارك فيك ان شاء الله هحاول بس يارب الراجل صاحب العربيه ميمانعش ويعقدها.. اللي فهمته ان الكشف في التوكيل هيحتاج حجز وانتظار.. كنت فاكر الموضوع اسهل من كده :)

[MEDOBAT]

مبروك صفقه رابحه ..

الله يبارك فيك ياباشا... ربنا يكرم ان شاء الله :)

[ahmedelfeky]

لازم تاخدها التوكيل تكشف عليها عشان تطمن ومش لازم تحجز ميعاد ولاحاجه