ارجو الافادة العربية بطلت منى

[أسامه الحسيني]

الاخوة الاعزاء انا معايا ميجان 2006 واول امس كلت مطب محترم لقيت العربية بطلت وكتبالى (select parking or neutral) علي ما اتذكر رحت ناقل على N ومدور تاني
امبارح اتكرر معايا الموقف دا تانى مع انى ساعات بنزلت مطبات وبتفضل دايرة
فهل يا اهل الخبرة حد عندة تفسير للحصل ؟
ولكم جزيل الشكر

[محمود سامح]

ممكن تكون فيشة حساس الكرنك اوو فيشة حساس الكامة لازم تكشف على الجهاز

[Hany Saad]

فيه أحتمال يكون ضرر حصل للجيربوكس لو الخبطة جت فيه من تحت لأن الرسالة دى طالعة من ال ecu بتاع الفتيس.....
لازم تكشف و بسرعة...أن شاء الله خير

تحياتى

[MohammedAladel]

يجب الذهاب بالسيارة إلى ميكانيكى يقوم بتشخيص العطل
فمن الممكن أن تكون طلمبة البنزين أيضاً بجانب ما ذكره الأعضاء الكرام

[أسامه الحسيني]

شكرا جزيلا للاهتمام
بس فيشة حساس الكرنك و فيشة حساس الكامة القيهم فين

[MohammedAladel]

حساس الكرنك بين الفتيس والمحرك ومكانه غلس بعض الشئ
وحساس الكام فوق المحرك بجانب أول كويل من على يمين المحرك من فوق

[محمود سامح]

انا كان عندى العيب ده لدرجة ا نها وقفت منى ولم تدور نهائي وحاولت وتركتها واحضرت ونشض وحمالها من مدينة نصر الى صقر قريش لمركز المصطفى وتركنها امام باب المركز وكانت ليلة صعبة جداااا وفى الصباح اتصلت بالمهندس مصطفى فهمى وابلغتة بالعطل والحمد لله كان العيب فى فيشة طلبة البنزين ورغم اننى كان لدى شعور انها طلمبة البنزين ولكن لا امانة المهندس مصطفى فهمى غير لى الفيشة وغسل لى الطلمبة ودور لى العربية ورفض ان يأخذ اى مصنعية والحمد لله والعربية ماشية عال العال الحمد لله

[أسامه الحسيني]

انا شيكت علي الفيش الى ظاهرة علي الموتور لقيت كله تمام ولاحظت ان مؤشر البنزين قريب يصفر ففولت العربية ورحت بيها كذا مشوار بتاع 100 كيلو من غير ما تبطلت وبعد كدا بطلت من تاني والغريبة انها اول ما تبطلت اجي ادوس مارش تقوم دايرة على طول هوا طلمبة البنزين لو بتعلق تعمل الموقف البايخ دا
وحاولت اوصل للطلمبة بس للاسف ما عرفتش
انا تنيت الكرسي الى ورايا وحاولت ارفعة بس ما عرفتش فيا ريت لو حد يقولى اوصل لطلمبة البنزين ازاى
ولكم جزيل الشكر

[MohammedAladel]

نعم أعراض طلمبة البنزين ولكن أيضاً أعراض لأشياء أخرى
عند ضعف الطلمبة تجد صوتها يرتفع وتشعر بصفارة داخل السيارة من الخلف ولا تحاول فك الطلمبة بدون استخدام مفتاح خاص بها

http://www.nilemotors.net/Nile/362746-a.html

[أسامه الحسيني]

انا مش عاوز افك الطلمبة لكن عاوز اتاكد ان الفيشة راكبة كويس بس مش عارف افك الكنبة ازاى بجد حاولت كتير بس مش عارف
وبفكر انى ابدء بتغيير فلتر البنزين فحد عندة فكرة اجيبة من اين واية النوعية الى اجيبها ؟

[MohammedAladel]

يا باشا أنا شارح فى الموضوع من الألف للياء
الطرمبة تحت المقعد الأيمن الكبير من الكنبة الخلفية هتحط إيديك فى الفتحة بين المقعد الخلفى ومسند الضهر وتشده عليك هيطلع معاك لفوق فى اتجاه الكرسى الأمامى
ستجد تحته الطلمبة وأنا شخصياً لا أتوقع أن العيب من الفيشة

[أسامه الحسيني]

يا باشا أنا شارح فى الموضوع من الألف للياء
الطرمبة تحت المقعد الأيمن الكبير من الكنبة الخلفية هتحط إيديك فى الفتحة بين المقعد الخلفى ومسند الضهر وتشده عليك هيطلع معاك لفوق فى اتجاه الكرسى الأمامى
ستجد تحته الطلمبة وأنا شخصياً لا أتوقع أن العيب من الفيشة

شكرااا

[أسامه الحسيني]

الحمد لله عرفت ارفع الكنبة الخلفية وابص علي الطلمبة وللاسف اكتشفت ان الفيشة ملعوب فيها والبنات النتاية معمولها تخشينة بسلك المهم قلت ابداء بالاسهل وبصيت على فلتر البنزيين لقيت حالة بالبلاء نظفتة بشوية بنزين بس الموضوع اتكرر معايا رحت مغير الفلتر ومستني اشوف المشكلة هتظهر تاني ولا لاء ويارب ما تظهر تاني

[MohammedAladel]

ألف مبروك